اللادا (مغامرات السيارة الاقوى على الارض!!)قصة الحي الهندي

قصة الحي الهندي.......

جدي فيلسوف قديم...قلتله : ياجدي احكيلي حكاية الحادثة بتاعة اللادا....

قالى: لازم تعرف الاول يا ابني ان الادا ده اسم تمويهي ل لامبرجيني بس الروسي....و كان بيركبها جيمسوف بوندوف (النسخة الروسي لجيمس بوند)

وكان بيستعملها في الحرب ضد الصين...كان بيكسرلهوم عربياتهم بيها...

نرجع للحادثة,,,في يوم ماطلعلوش شمس...كنت بجري على صلاح سالم و سرحت...و هب!!!لقيتني رشقت في عربية صيني من اياهم,,

من اللي عاملين عليها دوشة اليومين دول :wink: ,,المهم نزلت ابص على العربية و منه لله..كسرلي وش الفانوس ابو 10 جنيه!!

رحت ادور على السواق بتاع الاسبنز (وده اللى كان فاضل من اسمها)لقييته يا عيني 100 حتة

صعب عليا الصراحة لانه دفع كل الفلوس دي في عربية كلها بلاستيك و كلبسات !! و استعوضت ربنا في 10 جنيه!!

انا:و الله طول عمرك كريم يا جدو!!!!!!!!!!!!!!!!

اوبة.... انت كدة غلط فى عربيات علية القوم فى هذا المنتدى.....احنا مس مسئولين على اللى هيحصلك.....اشرب بقى..
ههههههههههههه :lol:

:lol:

ما تنساش برضه قصة الفرعون المصرى اللى كان راكب اللادا وهو بيحارب الهكسوس لما دخل بيها فى حائط القلعة بتاعتهم ... القلعة اتهدت والعربية الاكصدام بتاعها اتكسر والورثة صلحوه بخمسة وعشرين جنيه.. لأن الراجل مات من الخبطة.. شهيد اللادا

على فكره بقى يا طارق لو عربية جدك دي عملت حادثه مع شيروكي ... ساعتها هاتبطل أفترا على خلق الله



يا ما كان نفسي شركة هيونداي يكون ليها فرع في روسيا

طب ده كان الجزء التاني للحكاية....بس كان 35 جنيه!! :mrgreen: :mrgreen:

آل اللانسر بلاستك آل

إيه يا عم طارق ده أنا خايف لا يكون كان بيحارب بيها كمان الألمانى :) لآن فى الحالة دى حتى الألمانى مش هايقدر يصد ولا يرد حله الوحيد هو التفليــــــــق على مبدأ ( إللى يحصلــــنى يكــــــسرنى ) ههههه

العربية الوحيده إللى تقدر تقاوم اللادا .........هى البيتـــلز ......و ممكن البولونيــــز :) ههههه غير كده اللادا تقضى على الباقى كله :)

و بالنسبة للأخ محمد يسرى عايز أوضح نقطة :) الأخ طارق كاتب موضوع من باب الفكاهة و الطرائف و لم يهاجم أشخاص و لذلك لا يحق لأياُ كان إنه يهاجمه ......و مفيش حاجة إسمها علية القوم فى نايـــــــــل موتورز .......هنا الناس كلها سواسية إللى معاه مرسيدس و إللى معه 133

ممنوع وضع أي روابط دون الأشاره إلى محتواها لكي يتسنى للعضو أن يقرر ما إذا كان سيضغط على الرابط ام لا


هذا الرابط به حكاية مشابه لما جاء في الموضوع لسياره ميتسوبيشي"الإداره" مشرف1
http://www.nilemotors.net/Forum/viewtopic.php?t=997 :mrgreen: :mrgreen:

والله انت أثرت خيالى...

ياسلام..
فين أيام جدك لما كان سايق اللادا فى طريق المنصورة على أقصى سرعة (45 كم) والعربية بتزعق من السرعة الجنونية ، وقابله مزلقان المنصورة الشهير فى بداية البلد والقطر معدى وحب يهدى... لكن القدر كان بيختبر مهارته.. سلك الفرامل اتقطع من قوة ضغط جدك على دواسة الفرامل واتجهت السيارة بسرعتها الصاروخية نحو القطار....

شهود العيان كلهم دلوقت فى مستشفى العباسية من اللى شافوه... اللادا دخلت فى القطر.. أيوه دخلت فى القطر ، ولستر ربنا دخلت فى عربية فاضية.. عربية القطر اتقسمت نصين بصوت مرعب ومرت الادا للجهة الأخرى فى معجزة لا تحدث الا كل 3 قرون...

المشكلة ان بعد اللادا ماعدت خبطت فى عربية كارو ماشية عكس الاتجاه ، الكارو احتاج تغيير بردعة للحمار واللادا احتاجت عمرة كاملة وسمكرة ورش ...

الى الاستاذ ميمو الحفناوى......حضرتك لية اخذت رسالتى محمل الجد مع انى كنت بهزر بردة لما قلت( علية القوم)...هو يعنى حتى لو فية علية قوم هتركب اسبرانزا(الصينى) ام كام وستين الف جنية :? انا كان قصدى من الكلمة دى ان ملاك الاسبرانزا زى ما متعودين منهم دايما مبيسبوش حد بنقض العربية فى حالة....ودة راى معظم الناس فيهم من ايام المنتدى القديم...علية القوم المقصود انهم مبيسمحوش لحد يهوب ناحية الاسبرانزا....بتلموا علية من اول اسبرانزاوى رقم واحد الى ما شاء الله...ياراجل دول مرقمين نفسهم زى ما يكونوا فى كتيبة جيش..... فياريت تاخذ كلامى محمل الهزار مثلما فعلت مع الأخرين........ :lol:
حتى انا كتبت فى الاخر ههههههههه لو تلاحظ!

اقتباس:

---

ياراجل دول مرقمين نفسهم زى ما يكونوا فى كتيبة جيش

---

ههههههههههههههههههه و لا تعليق ههههههههههههههههههههه

دول خافوا من المواجهة.....ومستحملوش.....ٍشا لو الموضوع من منتدى الاسبنز!!!!!!!!!!!!

طب بزمتكم مش الى من الحكاية دي ؟؟؟؟

http://www.nilemotors.net/Forum/view...er=asc&start=0

:mrgreen: :mrgreen: :mrgreen: :mrgreen: :mrgreen: :mrgreen: :mrgreen:

أنا بقول للجميع الموضوع مش موضوع حرب ولا نزال ولا مقاومة ..........

إحنا المفروض و المنتظر من الجميع هنا التحاور بأسلوب حضارى و تقبل الآخر ......بشرط عدم الخروج عن النص.....

و مش معنى إن الناس هناك كانت بتهاجم إن ده هو العرف و إن ده حصل فده كان غلط ولا بد من التراجع عنه و أنا واثق إن يوجد بين ملاك إسبيرانزا الكثير من العقلاء و المعتدليــن و مش معنى إن حد له رأى ما عربية إن صاحب العربية يأخذ الموضوع على محمل شخصى ........و بأكد العربيات كلها فى لأول و فى الآخر ما هى إلا جماد و فى أى لحظة ممكن تتحول إلى قطعه من الخرده فى ثوانى و ربك يلطف بالجميع

لذلك أرجوا من الجميع عدم الخروج عن باب التحاور الحضارى إلى مستوى من الهجوم و الدفاع و الحروب ...

أنا لو راكب مرسيدس و مش عاجبه سين من الناس و بيقول عليها العبر هو حر ده رأيه طالما لم يخرج عن النص و ربما كان له حق و ربما كان خطأ

كلنا بشر و فى النهاية المنتدى ده إتعمل من أجل تبادل الخبرات و التحاور بالطرق المتحضرة التى نفتقدها فى مجتمعاتنا العربية لذلك لــــــــــن نسمــــــــح بوجود من يحاول الرجوع إلى أيام الجاهلية مرة أخرى سواء بالنصح أو بالعقوبات

و من يتخطى الخطوط الحمراء ليتأكد أن الجميع سيقفون له بالمرصاد و محدش يحاول يجرب لأن بجد هايكون فبه عواقب وخيمه مش من الإدارة بس لكن من كل الأعضاء

بالضبط كما ذكرت فى موضوع آخر لو كل واحد بيمشى مخالف يبص حوله يلاقى الناس كلها بتبصله بإشمئزاز هابطل يخالف و سوف يلتزم بأسلوب متحضر ذى ما بيسافر أى دوله محترمه مش بيقدر يخالف لأن المجتمع كله سليم و لو فكر هايلاقى رادع إجتماعى ثم قانونى

نفسى يكون الرادع الإجتماعى ده عندنا جميعا

8)

اقتباس:

---

يا ما كان نفسي شركة هيونداي يكون ليها فرع في روسيا

---

صحيح و الله ، اللهم لدد هونديااتنا ، اللهم غض بصر المرور عن دفندراتنا، اللهم أمين يارب العالمين

اقتباس:

---

المشاركة الأصلية كتبت بواسطة Dr Ahmed

ما تنساش برضه قصة الفرعون المصرى اللى كان راكب اللادا وهو بيحارب الهكسوس لما دخل بيها فى حائط القلعة بتاعتهم ... القلعة اتهدت والعربية الاكصدام بتاعها اتكسر والورثة صلحوه بخمسة وعشرين جنيه.. لأن الراجل مات من الخبطة.. شهيد اللادا

---

:lol: :lol: :lol: :lol: :lol: :lol: :lol: :lol:

اقتباس:

---

المشاركة الأصلية كتبت بواسطة mohamed yousry[b

]...ياراجل دول مرقمين نفسهم زى ما يكونوا فى كتيبة جيش..... فياريت تاخذ كلامى محمل الهزار مثلما فعلت مع الأخرين........ :lol:[/b]

---

محمد باشا طبعا أنا عارف انك بتهزر وده طبعا باين من طريقة كلامك الظريفه

لكن تعالى مع بعض نتكلم جد شويه ونشوف أيه حكاية الرابطه دي ونشوف أيه هيه اهدافها وأيه هيه فوايدها

الرابطه دي من وجهة نظري نقله جديده لفكر المصريين (من فكر وأنا مالي ماليش دعوه ... للفكر الجديد في المواجهة والعمل الجماعي على التضامن)
الرابطه تدل على ان المصريين عندهم تكافل وترابط حتى وهم في أخر بقاع الأرض وأ/جنيدي واحد منهم (عايش في هولندا)
الرابطه تدل على مدى العقليه المتفتحه للمصريين في مواجهة المشكلات
الرابطه تدل على أن أصبح في مصر إناس تفكر في حل المشكلات بدلا من الهروب منها
الرابطه تدل على حب المواجهة وعدم الهروب
الرابطه أصبحت نقطة أرتباط وألتقاء الناس ببعضها البعض
الرابطه لها أهداف منها مخاطبة الوكيل مباشرة
الرابطه سوف تعمل على أن يستجيب الوكيل لكل متطلبات الناس بكل الطرق وإن وصلت للضغط
الرابطه هايكون لها وضع محترم جدا في السوق المصريه وكلمتها هاتكون مسموعه لدى الوكيل وسوف تصل للشركه الأم

والأسبرنزا صاحبة الفضل في كل ده


هاتيجي تقوللي أنا أيه إللي يغصبني على كل ده ما انا أشتري عربيه مافيهاش مشاكل وخلاص

هاقولك إن العربيه دي بعد حل المشاكل مش هاتعرف تيجيبها ولا بـ80ألف جنيه يعني العربيه لقطه بكل المقاييس والمشاكل هاتتحل وبتتحل

لو تفتكر معايا العربيه البيتلز والنادي العالمي بتعها ... أنا عن نفسي شايف البيتلز ماتستاهلش الكلام ده (دي وجهة نظري) لكن لما بشوف الناس متجمعه ومزوقه عربيتها وفراحنين بلمتهم وبيبدعو في العربيه بقول يبقى العربيه دي تمام والناس إللي وراها تمام

وهاكلمك بعدين عشان نازل اصلي

شوفوا يا جماعة --من اسهل ما يمكن تجاهل هذا الكلام ولا كأنة موجود--على اساس انة لا قيمة لة --ولكنى سوف ارد لقيمة كاتبية وليس الا-ولن اتبع اسلوب التجاهل مثلما يفعل الاخ طارق وكلما ارسلت لة رد يقابلة بالتجاهل بالرغم منى فقط احاول ان اثنية على التمادى فى الاسلوب الاستفزازى -الذى لا عائد منة الا مضيعة الوقت وشحن النفوس بما لايرضى احد --اعتقد والله اعلم ان حذف الموضوع من رووم الاسبيرانزا والذى تم عن طريق الاستاذ أمر كان السبب الوحيد لة هو قلق أمر ان يرد احد الاعضاء على الاستاذ طارق بطريقة مش مناسبة وتتحول ساحة الاراء والمعرفة والافادة الى شىء اخر --وهو بطبيعة الاحوال ليس خوف من اشخاص بعينهم -وليس معنى احترامنا الاكثر شوية من اللازم للجميع هنا اننا نخافهم او نخشاهم --وعلى مدار فترة طويلة جدا من الجدال بشان الاسبيرانزا ومالكيها ومؤيديها ومعارضيها --لم نسمع عن كلمة (( علية القوم )) الا الان فقط فمن اين جاء لناطقها او كاتبها هذا الاحساس-وحتى لا تفهمنى غلط انا لا اقول هنا انة احساس شخصى بالنقص او بالدونية -حاشة لله -وهو من اطلق هذا اللفظ وهو من اعد ذكرة مرة اخرى بقولة فى علية قوم بحاجة وستين الف --طبعا وانا معة ان مالكى هذة السيارة مميزين وبشكل ملفت للنظر-ولكن تميزهم اذا كان فى حبهم لسيارتهم او حبهم لبعضهم او لدفاعهم عن سيارات يملكونها فعلا --فهذا حقهم -نحن لم نرفض النقد ولم نهمشة بالعكس نحن نرحب بكل من يريد الحوار والمناقشة --ولكننا فقط نقول ان على من يريد النقد لابد ان يكون عن تجربة فعلية --ليس بالسمع وليس بالنظر --يعنى واحد مجرب السيارة فعلا --وهذا الكلام انا شخصيا شايف انة منطقى جدا--وبالنسبة للكتيبة العسكرية --طبعا دة كلام اخ خيالة خصب جدا ---تقريبا نحن الوحيدين على مستوى موقع كونتكت قبل ان ناتى الى هنا --ومن خلال موقع نايل موتورز الان --نحن الوحيدين اللى متفقين على انشاء رابطة خاصة بينا رابطة اسبرانزوية --وهذا لة الكثير من الدلالات -لن اذكرها حتى لا اطيل عليكم ولكن لكم ان تفكروا فيها وهى كلها فوائد لاعضاء الرابطة ---ولكن المهم كوننا نريد ان نعرف اعداد المشتركين بالرابطة -ولم الشمل لما فية فائدة لكل من يمتلك هذة السيارة --هذا لا يكون جزأة الا الشكر ومحاولة التشجيع للو صول الى الافضل --نعم نحن نحب سيارتنا جدا وهذا لا يضير احد فى شىء --وغير هذا نحن نحب بعض جدا ولا نتحمل ان يخطىء احدنا او ان- يخطىء احد فى احدا منا ---طيب ما المفروض الكلام دة يبسطكم مش يخلليكم تهاجمونا او توجهوا لنا عبارات سخرية او تهكم --وكلام الاستاذ محمد يسرى كلة غلط --لاننا لم نعترض على النقد -ولا حتى من ايام كونتكت كما ذكر --ولكن فقط يكون نقد موضوعى بناء عن تجربة --وليس كلام وخلاص --وفى القوانين الموضوعة للرابطة هناك بند يسمح وبكل ترحاب ان يحضر اجتماعتنا اى انسان معترض او ناقد للسيارة ----يعنى الكلام واضح --احنا مش بنخاف من احد نحن نحب ونحترم الجميع -----نحن لم نصف انفسنا فى اى وقت باننا مميزين او من ( علية القوم )-نحن اناس متواضعين لابعد الحدود\ -ودائما نبحث عن صداقات جديدة ونرحب بالجميع --

ا.جنيدى....أ.بايو........فية اية ؟ والله العظيم بهزر ....بتردوا عليا بموضوعية زيادة عن الزوم وكأنى بتكلم فى موضوع حيوى وخطير ....لو رجعنا لأصل الموضوع هتلاقية كلة هزار فى هزار ...ومفيش شك ان الاسبرانزا احسن كتيييير من الادا .....العربية الاسبرانزا اللى اتبهدلت لما اتخبطت من لادا دى لانها مصممة لكى تمتص الصدمات وتحمى من بداخلها مثلها مثل التويوتا والانسر وغيرة يعنى لو كانت الحادث جامدة شوية لا قدر الله كان زمان اللى سايق الادا فى خبر كان...اى خبطة جامدة فى الادا بتسمع فى العربية كلها......لكن حضرتك تقولى انى كلامى غلط يبقى حضرتك مفهمتش انى بهزر...ودة الشىء الوحيد اللى بيضايقنى فى الاسبرانزاوية....حساسييين قوى زيادة عن اللزوم...حتى استاذ طارق كان بيهزر...على العموم انا اسف ومش ههزر تانى عن اى موضوع يخص الاسبرانزا....مش هوة دة اللى انتوا عايزينة؟

لا يا استاذ محمد انا لم اقل كلامك غلط لانك بتهزر ولكن كلامك غلط --عندما تقول اننا ومن ايام كونتكت لا نقبل النقد -فى هذة الحالة يبقى كلام حضرتك غلط --نحن نرحب بالنقد المبنى عن تجربة حقيقية بالسيارة يا استاذ محمد----وانا والله لاريدك ان تتاسف او ان تمتنع عن المشاركة فيما يخص الاسبيرانزا بالعكس حضرتك مرحب بك فى اى وقت وكيفما تشاء--وليس صحيح اننا عاوزينك ان تتوقف --ولو عندك استفسار من اى نوع يخص السيارة ولو عندك نقد بخصوص السيارة يكون عن تجربة فمرحبا بك --لو عاوز تهزر بس --ممكن ندخل المنتدى الاجتماعى نهزر كلنا مع بعض فى اى موضوع حضرتك تحبة --او ممكن تضيفنى ليك وندخل اون لاين ونهزر للصبح --ارجوا ان لا اكون اثقلت عليك فانا فى عرض ان يكون لى مزيد من الاصدقاء -

ايه يا استاذ محمد
هزر يا عم مفيش مشاكل-بس الهزار في المنتدي الاجتماعي
واستاذ جنيدي برضة من حقة ما يقبلش الهزار
وانا ممكن اقبل الهزار
امر ممكن يقبل الهزار
صوابعك مش زي بعضها
طالما انت بتهزر في حدود الادب ومخرجتش عن العرف والتقاليد اهلا وسهلا بيك
ممكن يحد يقبل الهزار وومكن حد تاني يرد عليه بموضوعية لان كتير الهزار بيتناول جانب حقيقي من الحقيقة
صباح الفل
هزر
بس في المنتدي الاجتماعي
سلام عليكم

انا فعلا حاسس ان كل الناس الموجودة هنا محترمة....ويزيد احترامى ليك ا.جنيدى يوم بعد يوم ...ولكن احساسى انكم لاتقبلوا النقد دة مش موجود عندى فقط ولكن موجود عند الكثيرين....منهم ا.سبعاوى لما تخيل ان موضوع الانسر ممكن يتعكس على الاسبرانزا وتصورة لما سيحدث.....ولكن اعترف ان هذا الموضوع مبقاش موجود وقل خالص عما كان علية فى كونتكت...كثير من الناس يدخل ينقد الهيونداى والدايو وحتى النيسان صنى...بيكون الرد ان ملاك هذة السيارة اما يعترفوا بالعيب او يحاولو يساعدوة لو عندة مشكلة او تصور خاطىء على السيارة....وشوف مثلا المقارنة بين الفرنا والانوس تلاقى كل واحد داخل يقول رأية ويبرز معاه عيوب العربية التى لايحبذها بدون اى مشاكل ممكن توصل انة يقول التوكيل الفلانى سىء ومش محترم وعادى يعنى....وكأن شىء لم يكن....فى النهاية ان شرف كبير ليا ان يكون لى صديق محترم مثلك....

بالنسبة لموضوع كتيبة الجيش ...ياريت يبقى فية رابطة للهيونداوية كمان....واخد انا رقم فى هذة الرابطة ...هوة احنا يعنى ناقصين ايد ولا رجل :D عشان ميبقلناش رابطة احنا كمان!!!

استاذ كريم منير...يا مرحب يا مرحب......ياباش انا متشكر على النصايح اللى بتبعتهالى من تحت لتحت ....وخلاص انا غيرت الصورة الخاصة بية لو تلاحظ.....قعدت اخبط مع نافسى لغاية ماعرفت وشكرا جزيلا لك....انا ارايح دلوقت المنتدى الاجتماعى عشان عايز اهزر شوية :mrgreen: :mrgreen: شكلى كدة كل ما هاجى الموقع دة هخش على طول على الاجتماعى..اصل بحب الهزار زى عنية :lol: :lol:

دة شرف لى انا والله يا استاذ محمد يسرى-وبالنسبة لملحوظة ان نفس الاحساس دة موجود عند كثير من الاعضاء-ياريت تساعدنى لكى نبدل هذة الصورة باخرى افضل منها -نحن نرحب بالجميع ومنتظرين مشاركة الجميع -وبالنسبة للاستاذ كريم بصراحة جمايلة كترت جدا- فهو دائما يتدخل فى الوقت المناسب --انا شخصيا اعتبرها موهبة --لانة وبصراحة ومن ايام كونتكت -مافيش مرة بيتدخل فيها بين اثنين مختلفين الا وبيخلص الموضوع باتنين صحاب --شكرا ليك استاذ كريم --وايضا شكرا لذوقك استاذ محمد يسرى-

أ.جنيدى حضرتك فهمت غلط !!!! ا.كريم بعتلى بخصوص الصورة الشخصية بتاعتى اللى محطوطة على المنتدى حيث انها تشبة صورة عضو اخر....لذا قمت بتغيرها......واحنا (انا وانت يا استاذ جنيدى)صحاب وحبايب من غير ما حد يصفى بنا ...مثلما انا واستاذ كريم اصحاب!!! وشكرا لحضرتك....

فى هذة الحالة يبقى انا فهمت صح-لانة مش غريب على ان يتسبب الاستاذ كريم فى صداقة اثنين حدثت من قبل وكنت ايضا طرفا فى الموضوع --

:D