انا عارف انهم مش نفس الفئة بس سعرهم تقريبا واحد + اوروبي + نفس الامكانيات
ايه رايكم جصوصا اللي جرب الأتنين ؟
عرض للطباعة
انا عارف انهم مش نفس الفئة بس سعرهم تقريبا واحد + اوروبي + نفس الامكانيات
ايه رايكم جصوصا اللي جرب الأتنين ؟
معلش انا اسف هو حضرتك دكتور في ايه
انا شايف ان اللوجان عربية عائلية اكتر انا حاجزها وركبتها كذا مرة
واسعة جدا جدا من جوا ادام مستريح على الآخر ورا بحر اربعة اولاد يقعدوا براحتهم يلعبوا
شنطة تشيل كذا عربية اطفال لو فيه وشنط بالهبل عشان 510 لتر يعني اكبر من شنطة الفيات 132
قطع الغيار رخيصة مقارنة بتوكيل رينو لان العربية اصلا مشروع مستهدف انهم يصنعوا عربية رخيصة تحت 5000 يورو فقطع الغيار مقصود بيها انها تكون ارخص من الماركات الثانية بس طبعا اغلى من الفيات و الفيرنا (بقارن بينهم عشان فئات شعبية بس)
الفيات بونتو طبعا لا غبار عليها كعربية بس للأسف معلوماتي عنها قليلة ومركبتهاش
بس طبعا هي عربية صغيرة لان حضرتك بتسال اكيد على العادية مش الجراند بونتو عشان تبقى في نفس سعر اللوجان
وطبعا الشنطة اكيد اصغر من اللوجان بكتير
يعني الخلاصة
عايز عربية شبابية وتنطيط وشد بموتور 1400 يبقى البونتو
عايز عربية عائلية وثبات على الطريق وتحمل فيها ادام ورا وموتور 1600تبقى اللوجان
حضرتك عايز تقارن بينهم من ناحية إيه بالظبط موتور - سعر اعادة بيع - سعر قطع غيار - التوكيل ولا إيه بالظبط نقات المقارنة ؟؟
حضرتك لو وضحت نقط المقارنة هنقدر نساعدك كتير خصوصا ان حضرتك عارف انهم مش نفس الفئة فحضرتك عايز تقارن الموتور ولا التوكيل ولا اعادة البيع ولا إيه بالظبط
ارشحلك اللوجان على طولللللللل
- شكرا للردود
- انا استشارى في امراض الكلي
- المقارنة بينهم في الثبات + قطع الغيار + اعادة البيع
مشكلة اللوجان انها لسة جديدة في مصر فأعتقد ان الحكم عليها صعب دلوقتي لكن حابب اعرف رأي اللي جربها
انا حابب البونتو قوي بس مشكلها سوء سمعة التوكيل + سعر اعادة البيع
ايه رأيكم
الثبات بدون شك اللوجان اثبت
قطع الغيار مش هقدر افيطك فى الموضوع ده بس قطع غيار اللوجان انا شايفها طبيعية جدا وفيه فى قسم رينو مثبت باسعار قطع الغيار بتاعتها ممكن تتفرج عليه وتقارن لو تعرف اسعار قطع غيار البيكانتوا
سعر اعادة البيع اعتقد مجرد اعتقاد ان اللوجان هتنتشر بطريقة مش طبيعية فبالتالى سعر اعادة البيع بتاعها هيعلى كتير
سبحان الله
- انا بردة ناوى اشترى و محتاااااااااااااااار بين الأتنينلوجان و لا بونتو
من حيث استهلاك البنزين و قطع الغيار و سعر اعادة البيع
- و هل البونتو ايطالى 100% ولا اية بالظبط ؟