السلام عليكم
ممكن ياجماعة تفيدوني في الأختيار بين رينو سيمبول الجيديدة ولا الgen 2
هما بالظبط نفس السعر 89900 الأوتوماتك الكاملة ولو في عربية في نفس السعر أحسن
وشكرا لكم
عرض للطباعة
السلام عليكم
ممكن ياجماعة تفيدوني في الأختيار بين رينو سيمبول الجيديدة ولا الgen 2
هما بالظبط نفس السعر 89900 الأوتوماتك الكاملة ولو في عربية في نفس السعر أحسن
وشكرا لكم
اعتقد ان الجين احسن
خش على منتدى البرتون وإنتا هتعرف القرار المناسب
زود 3000 وهات النترا مانيوال احسن
الجين 2 شبابي اكثر قوة وثبات وامان وكماليات و 1600 و 110 حصان تقفيل ماليزي
السيمبول عائلي و1400 و 98 حصان تقفيل تركي
حدد انت عايز ايه لو شد وحرق وسرعات .........جين 2 تكسب
لو حاجة عادية مش شد وشكل عائلي ..........السيمبول تكسب
حدد احتياجاتك الاول من العربية علشان تسهل علي الناس الاختيار
يعني عندك قطع الغيار تقريبا الاتنين زي بعض و هما اغلي من العربيات الكوري
التوكيل السيمبول افضل
سعر اعادة البيع واقع في الاتنين
الكماليات الجين تو اكتر بس بردو السيمبول فيها كماليات كويسة مش قليلة يعني
الثبات الاتنين ثبات حلو اوي
الماتور الاتنين حلو مع اعتبار ان في فرق بين 1600 ,, و 1400 يعني كل ماتور بالنسبة لفئتة كويس جدا مع ملاحظة ان ماتور الجين من تصميم شركة لوتس و ما أدراك ما لوتس
المساحة الداخلية اعتقد السيمبول وياريت حد يصحح لو غلط ,, لكن مساحة الشنطة اكيييييييييييييد السيمبول 510 لتر
العفشة بيقال من مالي جين انها ناشفة شوية و السيمبول من مالكيها بردو انها كويسة
التكييف اسال عليه في الجين لانه في السيمبول مش بقوة التكييف بتاع العربيات الياباني
الجين تو اكيد
ثبات عالي جدا
موتور قوي
شكل شيك جدا
سحب جيد جدا
كماليات عالية و كتيرة
متشكر جدا ياجماعة علي الردود و ربنا يسهل و أعرف أخد القرار المناسب
انا في حيرة فعلا ولو زودت 3000 جنية وجبت إلنترا مانويال تبقي أحسن بس هتبقي فاضية ؟؟
ابعد عن الكوري و لو زودت 3 او 4 الاف فكر في الكوردوبا