عندي محل و محتار جدا.أريد مشورتكم

**inspiron** · 07-09-2009 05:50 PM

يا جماعة..أنا بثق جدا في كلامكم و رأيكم لأني عارف إنه مساعدة بالرأي لوجه الله تعالي..أنا ربنا كرمني و إشتريت محل صغير كده 16 متر في حته كويسة في الهرم..عاوز أشغله حاجة كويسة تجيبلي قرشين حلوين و تكون مربحة كويس..ممكن أصحاب الخبرة يقولولي أفتحه إيه..أنا فكرت يبقي محل عصير نظيف و راقي.هل ده كويس؟؟؟؟ ملحوظة: المحل ده بتمني إنه يساعدني إني أكون نفسي..طبعا فاهميني.وشكرا

**member** · 07-09-2009 11:51 PM

أظن أن السنترالات مربحة وسهله ومش محتاجة خبرة

**moudy88** · 08-09-2009 12:02 AM

ممكن تفتح نت كافيه (بصراحه مش عارف 16 متر صغير ولا لا ) ..
وممكن تفتح سنترال ...ولو مفيش صيدليات قريبه منك (100 متر ) ..ممكن تفتحه صيدليه وتاخد اسم صيدلي او تشارك معاه ..

**aymansaad** · 08-09-2009 12:09 AM

انا شايف المطاعم (الفول و الفلافل )احسن حاجة بس محتاج مكان عشان المكنة والتحضير

**ecybrarian** · 08-09-2009 12:34 AM

مكتبة مكتبة مكتبة...اقلام كررايس كتب خارجية هدايا لعب بلاستيكية صغيرة..سيدهات وديفيدهات وكده..تبقى كبرت دماغك من بتوع المصنفات والصحة ووجع القلب بتاعهم...بس خليك مميز في بضاعتك علشان تربي زبون شيك ودفيع..بالمناسبة مؤسسة الأهرام للتوزيع ممكن تديك كتب ومجلات كبضاعة امانة كمان... أو تعمل محل بيع هدوم اطفال....والله الموفق

**M.Mosaad** · 08-09-2009 01:13 AM

بص يا باشا فكرة العصير جميله جدا بس انا رايي انك تعمل حاجة متتكلفشي كتير علشان لاقدر الله لو حصل في الامور امور متقطمشي وسطك لاني فتحت مكتب كمبيوتر اول ماتخرجت و الحمد لله علي كل حال خسر و خسرت فيه كتير و برضة لازم تكون حاجة مناسبة للمنطقه يعني تدرس المنطقه كويس جدا و تشوف ايه طبيعتها و حاول تعمل حاجة تبقي للعمر يعنياعتقد النت كافيه او محل الاتصالات مش حاجة للعمر دي ظروف دوله متقلبه موضه ممكن تنتهي فجاءةزي صالات البليارو و الفيديو جيم
و حاول تفكر ف حاجة الناس متستغناش عنها زي الحلاقه او الاكل لو بتفهم فيهم و الحلاقه مش محتاجة غير صنايعي شاطر بس اعتقد عايز تكلفه
سوبر ماركت برض حاجة حيوية و الناس متستغناش عنها
محل البان و اللبن اللي بيفضل بيلل بيبقي زبادي يعني مشروع جميل برضة بس يكون واحد امين بيوردلك
لو حاجة من موضات الايام دي يبقي نت كافيه او بلاي ستيشن
اهم حاجة دعايه كويسة جدااااااااااا و علطول و يفط و اعلانات و عروض و صبر و متشاركشي حد
و ربنا يوفقك انشاء الله

**tabeb** · 08-09-2009 01:56 AM

المشاركة الأصلية كتبت بواسطة inspiron

يا جماعة..أنا بثق جدا في كلامكم و رأيكم لأني عارف إنه مساعدة بالرأي لوجه الله تعالي..أنا ربنا كرمني و إشتريت محل صغير كده 16 متر في حته كويسة في الهرم..عاوز أشغله حاجة كويسة تجيبلي قرشين حلوين و تكون مربحة كويس..ممكن أصحاب الخبرة يقولولي أفتحه إيه..أنا فكرت يبقي محل عصير نظيف و راقي.هل ده كويس؟؟؟؟ ملحوظة: المحل ده بتمني إنه يساعدني إني أكون نفسي..طبعا فاهميني.وشكرا

ادرس المنطقة اللي حواليك الاول وشوف محتاجة ايه مش موجود
احنا تحتينا كوافير رجالي مثلا ما شاء الله عليه ربنا يباركله بيكسب كويس لان مفيش حد جنبه ينافسه
ده مثال
ممكن تفتح محل عطور
لو جنبك صنايعية يبقي تفتح مطعم
لو فيه مدارس يبقي مكتبة
السنترال كويس جدا بس انتشروا بطريقة مرعبة
الصيدلية مشروع مربح فوق ما تتخيل
وربنا يوفقك

**eslam_wega** · 08-09-2009 02:58 AM

الله ينور عليك مفيش بعد الاكل والشرب
ممكن عصير زى ما قولت وممكن مشروع مربح جدا وهو البيتزا بس هتحتاج صنياعى كويس

**aif** · 08-09-2009 03:57 AM

لو انت انسان عادي زينا ... يعني موظف او صاحب مهنة ام ماشابه ذلك ... يعني لو مش بتمارس نشاط تجاري اصلا .....

انصحك انك تأجره قانون جديد ..... تستفيد بالايجار ... وقيمة المحل بتزيد مع الزمن
وتريح دماغك من البلاوي التالية
الضرائب
وضرائب المبيعات
والتموين
والحي
والصحة
وبتوع القسم
والكهرباء
والمياه
والسجل التجاري
والغرفة التجارية ....
الخ ... الخ
وكل واحد عاوز يبتزك ويمص دمك وياخد فلوس منك

الموضوع: عندي محل و محتار جدا.أريد مشورتكم

LinkBack

أدوات الموضوع

عرض

-

-

-

-

-

المواضيع المتشابهه

مشورتكم فى عدة صوت

محتار ..عندي سماعات كينوود 300 و بفكر اغير

محتاج مشورتكم

يا جماعة محتار جداااااا عايز مشورتكم (بولو ولا النترا)

محتار بجد محتاج مشورتكم ( الزينون )

الكلمات الدلالية لهذا الموضوع

المفضلات

المفضلات

ضوابط المشاركة