رشيد يستعين بالخبرة الهندية لتصنيع "التوك توك"!

**mnabil1980** · 07-09-2009 06:50 PM

ContactCars | رشيد يستعين بالخبرة الهندية لتصنيع &#34التوك توك&#34!

رشيد يستعين بالخبرة الهندية لتصنيع "التوك توك"!

بحث المهندس رشيد محمد رشيد وزير التجارة والصناعة، مع راؤول باجاج رئيس مجموعة "باجاج" إحدى كبريات الشركات الهندية كيفية تطوير "التوك توك" في ظل حرص الحكومة على تقنين الوضع القانوني لهذه المركبة.

واتفق رشيد وراؤول على وضع خطة عمل لمدة عامين لتطوير استثمارات المجموعة في مصر لتوطين صناعة "التوك توك" وزيادة القيمة المضافة للمكون المحلي فيها، وربط ذلك ببرنامج تطوير الموردين الذي ينظمه مركز تحديث الصناعة بما يضمن دخول عدد من الشركات المصرية الصغيرة والمتوسطة في شبكة الموردين الخاصة بالشركة.

جاء ذلك على هامش الاجتماع الوزاري المصغر لمحاولة إحياء جولة الدوحة لمفاوضات منظمة التجارة العالمية.وذلك حسبما ذكرت صحيفة "اليوم السابع" يوم الاثنين.

يهدف هذا المشروع المشترك أيضا لإيجاد مزيد من فرص العمل، وذلك من خلال العمل على رفع المعايير الخاصة بهذه الصناعة بما يتوافق مع متطلبات السلامة والاشتراطات البيئية المرتبطة بالإنبعاثات.

يذكر أن قانون المرور الجديد أقر ضوابط عديدة لسير "التوك توك" في المحافظات والعاصمة ، مع ضرورة منح قائديه رخص قيادة والتزام بخط سير وأجرة ثابتة تحت رقابة المحافظين.

أولا أنا مش عارف أضحك ولا أعيط لما مصر محتاجة الهند عشان تصنع التوكتوك ومش فاهم ايه التكنولوجيا المعقدة اللى فيه عشان نحتاج الهند فى تصنيعه

ثانيا فى فكرة أنضف من كدة بكتير وهى تصنيع عربية مشابهة للتاتا نانو أو حتى ناخد رخصة لتصنيعها من الهند طالما مابنعرفش نصنع غير بترخيص واستخدامها كبديل حضارى وشيك للتوكتوك لان العربية دى تكلفتها 2500 دولار بس يعنى بنفس تكلفة التوكتوك.

وعلى فكرة أنا بعت ايميل لوزارة الصناعة بالفكرة دى وطبعا كما توقعت .. لا رد !

التاتا نانو

**gomha** · 07-09-2009 08:40 PM

الله يلعن ابو التوك توك دة هو الشارع المصرى ناقص فوضى عيال صغيرة تسوقة وتخاطر بحياة الناس نفسى اعرف امتى نبدأ ننظر للمستقبل والله صدق عمرو موسى ان بتوع السياسية بتعاملوا مع مصر على انها شقة مفروشة حسيبوها ويمشوا بعد فترة وحسبى الله ونعم الوكيل

**Terrible_DaRsH** · 07-09-2009 08:48 PM

يا ترى هيعملوا توك توك مُكيف ولا مزود بباور و عفشة رياضية !!

اى سبوبة ليهم و مش مهم مصلحة ال .... اللى عايشين فى البلد .

**A_H_M_A_D** · 07-09-2009 10:42 PM

دلوقتي بقى فيه سباقات عالمية للتوك توك
http://www.nilemotors.net/Nile/93479-a.html

و الهند هيه أول دوله إخترعته فطبيعي إننا ناخد منهم الخبرة
بس بجد الشوارع مش ناقصه التكاتك كمان

**aymansaad** · 07-09-2009 10:57 PM

يوميا نقرا عن جرائم يكون التوك توك اح اسبابها
والله مسخرة اننا حتى التوك توك مش عرين نصنعه

**abzoabzo** · 08-09-2009 02:18 PM

زى القرع بنمد لبره

مبتوع هندسة مترمين على القهاوى انا مصمم صناعى خريج فنون تطبيقية وزى كتير مش لاقين شغل

امتى يا بلد هتشغالى ولادك بقى الله يحرقك

**Hacker5** · 08-09-2009 03:12 PM

حرام والله العظيم
التاكتك بتخلينى سايق و انا متوتر بسبب العيال اللى راكبينهم
حسبى الله و نعم الوكيل فى اللى دخل الفئران دى البلد

**M.Osman** · 08-09-2009 09:47 PM

مصر هتصنع التوكتوك...
و شوية و هتصنع ال504 تاني...

بجد كل يوم بفتخر اكتر ببلدي و بيزيد انتمائي ليها ... حاجة تفرح بجد و تفتح النفس

**MaZaGAngeE** · 11-09-2009 04:29 PM

المشاركة الأصلية كتبت بواسطة successcre8or

مصر هتصنع التوكتوك...
و شوية و هتصنع ال504 تاني...

بجد كل يوم بفتخر اكتر ببلدي و بيزيد انتمائي ليها ... حاجة تفرح بجد و تفتح النفس

انت كنت عارف انهم هيصنعوا ال 504 تاني و لا ايه ؟؟؟

**egyptianmafia** · 11-09-2009 05:16 PM

Why would we want to improve the toktok when their Scorpio hasnt proven to be successful in Egypt.....

when Scorpio becomes successful then we can look into the toktok....