يا جماعة كل دا كلام جميل
بس برده محدش اتكلم معايا عن البيتلز كبيتلز مقارنة ب 131 ؟
عرض للطباعة
يا جماعة كل دا كلام جميل
بس برده محدش اتكلم معايا عن البيتلز كبيتلز مقارنة ب 131 ؟
والله امبارح فكرت شوية فى حكاية البيتل دى وجدت فيها حاجة غريبة قوى
برغم انى ماليش فى الميكانيكا ولكن بالملاحظة وجدت التالى
اولا السيارة دى ليس لها "كارونة" مثل الفيات 131 على سبيل المثال او كل السيارات السبعينات والثمانينات
ثانيا السيارة البيتل ليس لها راديتير ومروحة عشان تبرد الرادياتير ولست محتاج كل شوية تقيس المياه وتزود المياة والموال ده
ثالثا السيارة اعتقد انها بالتالى ليس بها "طرمبة مياة"
رابعا السيارة ليس بها "كبالن متحركة" لان اغلب السيارات الحالية لها كبالن متحركة من الامام .... واعتقد ان عملية الحركة دى تسبب مشاكل كثيرة وتجعل عمر "الكبلن" الافتراضى قصير .... ويظهر هذا العيب واضح فى السيارة الـ 127 كذلك الـ 128
بالنسبة للبيتل اعتقد انها بها كبالن خلفية ثابتة وده سبب طول عمر الكبلن الافتراضى
يعنى تقدر تقول موتور غريب جدا ... قوى جدا ... صغير جدا ...
اعتقد ان دى مجموعة من الاسباب الكافية التى تجعل هذه السيارة تتربع على عرش السيارات الشعبية ... وتضع خط تحت كلمة السيارات الشعبية ... يعنى التى تصلح للناس الغلابة مثل حالاتى
وكل عام وحضراتكم بخير بمناسبة عيد الفطر
مع اطيب التمنيات
اخوكم حسين غزالة
اسمحلى ارد عليك
بما انى امتلك بيتل من فتره
وركبت 131 كتير وسافرت بيها وكان ليها معايا موقف زى الزفت فى طريق
العين السخنه الدولى الجديد
قبل مااوصل السخنه بحوالى 30ك تقريبا شميت ريحة شياط ونزلت بسرعه
لقيت العربيه بتشر ماء من تحت الردياتير والسير انقطع
كان معايا سير احتياطى ركبته بعد معاناه ومليت الردياتير
ودورت وكانت المفاجئه ان طرمبة الماء باظت
وماكانش فى حل غير انى اقطر العربيه لحد السويس حوالى 70 ك لان السخنه
ماكنش فيها ميكانيكى
وقضينا اليوم كله فى اصلاح العربيه
انا مش بقول كده علشان اعيب ال131 ابدا هى عربيه ممتازه
بس صدقنى انا نفسى دخلتها مقارنه مع البيتل والبيتل كسبت
سواء فى السحب والثبات وقلة الاعطال
لكن الميزه اللى تتميزها عن البيتل انها 4 باب وشنطه
وانا عن نفسى لو معايا فلوس وعاوز اشترى واحده من الاثنين
هكون فى حيره مابين امرين
انى اشترى بيتل واستمتع بيها كسياره جباره صاحبة معجزات
ومريحه ليا جدا جدا
وانى اضعف امام عدد اسرتى وراحتهم واشترى 131
وبما انك معاك امكانيات تجيب ال131 حاليا
ولم تصاب حتى الان بمرض هوس البيتل والتمسك الشديد بها
يبقى توكل على الله وهات ال131 وربنا يوفقك
تمام يا باشا
بس اظن ان راحتى انا كسائق مهمة جدا
معلش يا جماعة الخبراء؟
على فكره انا جوز خالتى ( واللى يعتبر اخ كبير ليا بجد ) قال لى انه هيشوف لى عربية 131 او بيتلز
و اكيد ربنا هيكرمنى بالاصلح او الافضل
والله الموفق
بس انتوا ايه رايكم
يعني الاسعار هتفضل ولا هتنزل ولا هتزيد بعد العيد؟
وكل عام وانتم بخير
بصراحه صعب جدا ان حد يعرف دلوقتى مصير الاسعار ايه
لكن كله متوقف على قرار الاحلال هيتم ولالا
لو افترضنا ان قرار الاحلال تم
يبقى العربيات القديمه من خمسينات لسبعينات سعرها هيذيد
لان الطلب عليها هيكتر بهدف ادخالها الاحلال واستلام زيرو مكانها
لكن العربيات المستعمله حديثه سعرها هينزل
لان لو الاحلال على مدة 20سنه
وعربيه شاهين مثلا موديل 92 يعنى بقالها 18 سنه
مش هتباع غير بسعر نازل كتير لان اللى هياخدها هيكون عارف
ان كبيرها سنتين وخلاص
أنا عايز أصلح الكربراتير بتاع الفولكس عند حد كويس والصقف برده لكسن الصقف خلاص مش عارف أفتحه
يا جماعة مع احترامى لكل الكلام اللى اتقال ركوب الفولكس دة مرض لا يمكن الشفاء منه حتى ببيع العربية انا بقالى سنة بايعها و مش قادر اقتنع انى اركب حاجة تانى و مش عايز اجيب بيتلز تانى علشان دلوقتى عندى 4 اولاد و مش هتنفع البيتلز علشان مفيش شنطة على العموم اللى ركب بيتلز صعب ان لم يكن مستحيل تقنعه بعربية تانية كذلك اللى مركبش صعب تقنعه بيها لازم الاول يصاب بالمرض و هو هيقتنع لوحده انا عن نفسى عارف ازاى اصيبت بالفيروس دة كان فى واحد صاحبى عنده واحدة و كنت باخدها كتير لانه كان بيسافر كتير ووالده مش بيسوق فكنت بقضى ليهم مشاوير بيها و من هنا بدا الولع بيها اللى مش قادر اخلص منه حتى بعد بيع العربية بسنة و الابتعاد عن ركوب اى بيتلز طوال هذه الفترة و بعد مسح كل صورها من الجهاز والله معنديش اى صورة ليها و صدقونى مش عارف اقتنع بعربية و فى الاخر اقنعت نفسى انى استنى شوية و اشترى اى حاجة زيرو يمكن اقدر اخلص من الولع دة و ان كنت اشك
اسف للاطالة
ايه رايكم نفتح موضوع كل واحد يحكى تجربته و نسميه (اول مرة فولكس)
اقتباس:
اللى ركب بيتلز صعب ان لم يكن مستحيل تقنعه بعربية تانية كذلك اللى مركبش صعب تقنعه بيها لازم الاول يصاب بالمرض
الله ينور على حضرتك يا استاذ عصام -- قبل ما اركب البيتلز كنت مستهتر بيها وبشكلها ومن بعد ما ركبتها مش بستحمل حد يجى جنبها او حتى يضحك عليها وانا راكبها بانزل اهزقه :dontudear:-- بس هو بيقدر وبيعتذر
واقتراح جااامد جدااا وياريت تبدأ حضرتك بكتابة الموضوع ده وتذكرلنا ايه اول انطباع جالك وانت راكب البيتلز؟اقتباس:
ايه رايكم نفتح موضوع كل واحد يحكى تجربته و نسميه (اول مرة فولكس)
انا لسه جايب عربية بيتلز يا جماعه وعايز اظبطها بس بصراحه مش عايز اغير في شكلها هي تمام اوي كده بس عايز اظبط فيها شوية حاجات :majd(4):
تنبيه للعضو بمخالفة القاعدة رقم 6 بند أ
ممنوع الكتابة باللون الأحمر حيث انه مخصص للمداخلات الأدارية
الرجاء مراجعة قوانين المنتدى
مشرف الأوروبى 1