انت قلت الاتنين شكلهم عاجبك يبقى سيبنا من نقطة الشكل
نيجى للكروز
Cd Changer الصراحه مش شايفه ميزه جامده انت دلوقتى بحتة iPod بتشغل 100 البوم
موضوع الامان طبعا مهم لكن 4 من 5 مفرقتش والاتنين فرامل Abs و 2 ايرباج
مراية ذاتية التعتيم مهمه طبعا لكن برضه مش الحاجه اللى تخليك تفضل عربيه عن التانيه
نيجى للسيراتو
فتحة السقف انا شخصيا مبحبهاش ولا باكرها يعنى مبتفرقش معايا
واعتقد انى لو جبت عربيه بفتحة سقف مش هاستخدمها كتير تقريبا مش هاستخدمها خالص
Smart Key طبعا أوبشن جامد
موتور اقوى دا شئ أكيد وبرضه فى ناس مبتفرقش معاها عشان مبتجريش لكن هو مهم عشان التكييف لما يحمل على الموتور او يكون فى وزن كبير العربيه متتأثرش اوى فى السحب
فرش الجلد بيبقى تحفه خصوصا لو نازل أصلى مع العربيه زى السيراتو كدا
ضمان خمس سنين طبعا ميزه
شوف انت ايه اللى يفرق معاك من الحاجات دى
شوف انت مستريح نفسيا وانت قاعد جوا مين فيهم
لو بيركب معاك ناس على طول شوف المساحه الداخليه
لو يهمك مساحة الشنطه الخلفيه بص عليها كويس
المفروض ان شنطة الكروز أوسع
وربنا يوفقك
المفضلات