منقبة بتنضرب بالقلم على وجهها فقط على otv (قمة الاستفزاز)

**ecybrarian** · 08-09-2009 01:14 AM

قمة الاستفزاز لكرامة المرأة المصرية (بغض النظر عن اعتبارات الزي والدين وخلافة) يتم تقريبا بشكل يومي على قناة OTV. بيكرورا إعلان هايجي في العيد اسمه تاكسي مصر..احد هذه الإعلانات في راجل (لا يملك من مقومات الرجولة إلا الشنب) بيضرب واحدة منقبة بالقلم على وشها..وبس خلاص مش أكتر من كده...بصراحة انا مش عارف هو ماحدش بشوف القناة غيري في مصر ولا ايه؟؟؟؟؟ مالقتيش حد اعترض على تكرار الأعلان المستفز ده..ما شتفتش المجلس القومي للمرآة ولا جمعيات مناصرة المرأة خربت الدنيا بسبب الإعلان ده...انا شخصيا بعت للقناة دي e-mail باعلن فيه على احتجاجي على الإلان ده وباطالبهم بإلغاءه وإلغاء الحلقة دي من اصله. وياريت كل واحد شاف الإعلان المستفز ده يبعت لهم...
===
Welcome to the OTV ...site
فقط قم بنسخ الرسالة التالية لوقف هذا الإعلان المستفز وإرسالها إليهم..اواكتب ماتراه مناسبا من وجهة نظرك

الرسالة:
الاستاذة ياسمين عبد الله مديرة القناة،
بعد التحية،
نود ان نحيطكم علما بأن هناك إعلان عن برنامج اسمه "تاكسي مصر" يتم عرضه باستمرار في قناتكم تظهر فيه منقبة بتنضرب يالقلم على وجهها من رجل ما. والحقيقة أن هذا الإعلان يظهر عدم احترام للمرأة المصرية، وغير مناسب للعرض في وقت نطالب فيه بتمييز المرأة المصرية وإعلاء دورها في المجتمع. ونرجوا من سيادتكم عمل الازم لإلغاء هذا المقطع الإعلاني وتلك الفقرة المستفزين لكل فئات المجتمع المصري الذي يحترم المرأة المصرية ويقدر دورها.

مع خالص الشكر

**Abo_Lina** · 08-09-2009 01:42 AM

هاتلاقيه واحد لابس اللبس ده و عامل ست و بيستفز الناس ..نوع من أنواع الكاميرا الزفت الخفية.
أنا بصراحة ما شفتش الاعلان و شبه مقاطع التلفزيون..

**ecybrarian** · 08-09-2009 01:46 AM

الحقيقة برنامج تاكسي مصر ده من نوعية برامج الواقع..وعامل كده زي الريبورتاجات التلفزيونية.....بس ممكن يكون حضرتك على حق واطلع انا غلطان...يارب اطلع انا غلطان....بس برضه (مقلب ولا كاميرا خافية) ده مشهد غلط ولازم يتلغي

**mada121977** · 08-09-2009 02:29 AM

المشاركة الأصلية كتبت بواسطة tyler_durden

هاتلاقيه واحد لابس اللبس ده و عامل ست و بيستفز الناس ..نوع من أنواع الكاميرا الزفت الخفية.
أنا بصراحة ما شفتش الاعلان و شبه مقاطع التلفزيون..

لا البرنامج مش تمثيل بيجيب قصص من الواقع فعلا
بس المشكله ان ياسمين عبدالله دى اخر شخص ممكن تطلب منه ان يوقف عرض البرومو ده

**medo55** · 08-09-2009 04:05 AM

قمة الاستفزاز , ما بتفرجش عليها صراحه

نجيب ساويرس الايام دي بيقصد حاجات عنصريه وحاجات مخالفه للدين الاسلامي كتيير , اخرها عايز يشطب من الدستور ان مصر دوله اسلاميه تقتبس تشريعها من الدين الاسلامي وهي الماده التانيه في الدستور

سمعت ان القناه عرضت مرتين افلام فيهم مشاهد اباحيه صريحه !! ومن أكتر من شخص من اماكن مختلفه بياكدولي الخبر

**wisambasha** · 08-09-2009 01:41 PM

طبعا انا مع رأيكم هذا بان المشهد ده لا يليق اطلاقا

احب ان اوضح لحضراتكم ان المرأة (منتقبة) اي ترتدي النقاب وليست (منقبة)

**Busquets** · 08-09-2009 01:55 PM

انا مش فاهم فكرة البرنامج يعنى تلاقى واحد بيحكى عن ذكرياته ويقول لك لقيت البت قلعت هدومها؟ طب دا بيهزر ولا بجد ولا ايه؟

لما ينزل البرنامج ونشوف حلقاته نقدر نحكم لكن الحكم المسبق صعب

ممكن تكون حركات كدا بس عشان التشويق

**ecybrarian** · 08-09-2009 02:03 PM

بدون الخروج من الموضوع الأساسي...معلش يا وسام باشا هو ايه الفرق بين منتقبة ومنقبة في اللغة!!!!

**abzoabzo** · 08-09-2009 02:31 PM

.............

لقد خالفت القاعدة رقم (9) بند (أ) من قواعد المنتدى لذا يتوجب حصولك على وقف لمدة ثلاثة أيام مصحوباً بانذار

مشرف الاجتماعي

**elassar2010** · 08-09-2009 04:50 PM

اصلا فناة او تى فى مش عارف اقول عليها اية
البرامج الى بتيجى الصبح فى رمضان كل الى بيقدموها اقصد طبعا المذيعين الرجالة لبسين سلاسل وتقريبا حاطين روج مش عارف دول جاين منين دول
ربنا يهديهم

الموضوع: منقبة بتنضرب بالقلم على وجهها فقط على otv (قمة الاستفزاز)

LinkBack

أدوات الموضوع

عرض

منقبة بتنضرب بالقلم على وجهها فقط على otv (قمة الاستفزاز) - انشر الموضوع فى :

-

-

-

-

-

المواضيع المتشابهه

شيفرولية كروز 2013 تظهر وجهها للمرة الأولى

ايه الاستفزاز ده

ميكانيكي يتنكر في زي سيدة منقبة لمراقبة محبوبته بالجيزة

الكلمات الدلالية لهذا الموضوع

المفضلات

المفضلات

ضوابط المشاركة