ممكن احول الماتركس بنزين 80 ؟

**Marwanelbendary** · 09-09-2009 01:02 PM

المشاركة الأصلية كتبت بواسطة asemx1

مممممممم متشكر يازوق على ردك الى يدل على انك بجد انتا انسان محترم وربنا يسامحك
تانى حاجه انا حولت الانوس بتاعتى بنزين 80 علشان فى فيشه اوكتان وفى الهيونداى اكسنت كمان
لو انتا ماتعرفش قول مش عارف مش ترد رد زى دا وبجد انا هجولها 80 ومش هقول لحد علشان واحد بيرد زيك مايستفدش اديك ضريت الناس التانيه

أنا اسف جدا و مش عايزك تكون زعلان مني وأنا بتكلم يا جماعة بعشم معاكم وأنا بسجل اعتذاري رسميا أمام الجميع لو كنت أذيت شعور حد وماتزعلش يا asemx1

**Marwanelbendary** · 09-09-2009 01:13 PM

بس أنا من أنصار ان لما نقول للناس معلومة تكون ملومة أكيدة و على أساس علمي و موثق علشان الناس ماتتناقلش معلومات خاطئة و ننهار بمستوانا الفكري و بالتالي المادي لأان مش كلنا عارفين كل حاجة

انت بس يا معلم زعلت مني على الفاضي و ولاد الحلال تدخلوا بالخير و الحمد لله
المهم انت المفروض لما تيجي تعرض موضوع تقبله صعب بالنسبة للناس علشان الناس مش عارفه فانت لازم تنقل تجربتك للناس أولا ثم تسأل سؤالك أو تعرض فكرتك..

يعني في مشاركة لطيفة جدا بخصوص ان العربية تشتغل بالميه على انها حاجة مش هاتحصل و اعدت أضحك أوي علشان أنا فعلا شغال في الموضوع ده و مش عايز أقول لحد عليه غير لما أخلصه و أجربه...

**asemx1** · 09-09-2009 03:46 PM

المشاركة الأصلية كتبت بواسطة marwanelbendary

بس أنا من أنصار ان لما نقول للناس معلومة تكون ملومة أكيدة و على أساس علمي و موثق علشان الناس ماتتناقلش معلومات خاطئة و ننهار بمستوانا الفكري و بالتالي المادي لأان مش كلنا عارفين كل حاجة

انت بس يا معلم زعلت مني على الفاضي و ولاد الحلال تدخلوا بالخير و الحمد لله
المهم انت المفروض لما تيجي تعرض موضوع تقبله صعب بالنسبة للناس علشان الناس مش عارفه فانت لازم تنقل تجربتك للناس أولا ثم تسأل سؤالك أو تعرض فكرتك..

يعني في مشاركة لطيفة جدا بخصوص ان العربية تشتغل بالميه على انها حاجة مش هاتحصل و اعدت أضحك أوي علشان أنا فعلا شغال في الموضوع ده و مش عايز أقول لحد عليه غير لما أخلصه و أجربه...

ماشى يا ريس وان شاء الله تعمل عربيات بالميه وانا اول واحد هجيلك ساعتها :)

**asemx1** · 09-09-2009 03:50 PM

بس على فكره الى عنده عربيه لانوس وعايز يحولها يقولى علشان يصدق انى بتكلم بجد وعلى اساس علمى وعملى كمان مش اى هرت :) وانا اساسا الحمدلله معايا الى يشيلنى 10 عربيات ماتركس يعنى تولع مصاريف البنزين ماتهمنيش بس الحوار انى عايز اخدم صاحبى الى معاه الماتركس
بالمناسبه عربيتى اساسا دايو لانوس وماشيه 80 اخر حلاوه وعندى دلوقتى تويوتا ياريس وان شاء الله هحولها بس كمان شويه لما ازهق منها :)

**kind** · 10-09-2009 04:22 AM

يا استاذ عاصم حضرتك قلت ان موضوع الفيشه ده كمان موجود فى الاكسنت القديمة طيب انا معايا فرنا فيفا وهيا فيها نفس موتور الاكسنت القديم بالزبط ممكن حضرتك تفيدنى فى الموضوع ده او تورينى صوره للفيشه عشان اعدلها واكون شاكر لحضرتك
وعلى فكره يا جماعه فعلا موضوع الفيشه ده حقيقى وصح ميه فى الميه وموجود فى عربيات كتير زى اللانوس يعنى مش كلام بس فعلا بس انا اول مره اسمع انه فى الاكسنت القديمه كمان

**asemx1** · 10-09-2009 01:37 PM

المشاركة الأصلية كتبت بواسطة kind

يا استاذ عاصم حضرتك قلت ان موضوع الفيشه ده كمان موجود فى الاكسنت القديمة طيب انا معايا فرنا فيفا وهيا فيها نفس موتور الاكسنت القديم بالزبط ممكن حضرتك تفيدنى فى الموضوع ده او تورينى صوره للفيشه عشان اعدلها واكون شاكر لحضرتك
وعلى فكره يا جماعه فعلا موضوع الفيشه ده حقيقى وصح ميه فى الميه وموجود فى عربيات كتير زى اللانوس يعنى مش كلام بس فعلا بس انا اول مره اسمع انه فى الاكسنت القديمه كمان

تمام انك مصدقنى :) بس اقولك انا شوفت موضوع ليها طريقه تحويلها فى الاكسنت هقولك حاجه ادخل منتدى الدايو الى هنا ودور على تحويل فيشه الاوكتان هتلاقى الراجل اى عاملها عاملها للاكسنت اساسا وبعديها انا دورت عليها وجبتها من الانوس برضو نفس الشكل هيا فى الانوس تحت كرسى الراكب اليمين الى جنب السواق وعامله زى الجامبر كدا تقريبا فى الاكسنت جنت ecu دور عليها بس اتاكد الاول من منتدى الدايو على مكانها فين وهيا سهله مش معقده خالص ماتقلقش

**kind** · 11-09-2009 03:49 AM

تمام ياباشا هفك الكرسى اليمين والفرش وابص عليها

الف شكر

**sss2000** · 12-09-2009 11:53 AM

مجهود رائع بس لو الموضوع علي اد الفيشة وبس يبقي زي الفل بس يا ريت ميكونش لية عواقب وخيمة اخري علي الماتور فهل انتا بقالك فترة كبيرة علي البنزين 80 دة في الانوس

**asemx1** · 15-09-2009 05:12 AM

المشاركة الأصلية كتبت بواسطة sss2000

مجهود رائع بس لو الموضوع علي اد الفيشة وبس يبقي زي الفل بس يا ريت ميكونش لية عواقب وخيمة اخري علي الماتور فهل انتا بقالك فترة كبيرة علي البنزين 80 دة في الانوس

اه عادى وهيا بتكركر خفيف اوى فى الطلعه الاولى بس على التكيف ودا طبيعى البنزين ال 90 بيعمل كدا برضو :)