لم يتبقى سوى 48 ساعة للسفر للسعودية ومش عارف أعمل ايه

**Hegazio** · 10-09-2009 12:17 PM

يا باشا تروح و ترجع بالسلامة
أنصحك تنسي المكاتب .. ابحث عن المنطقة القريبة و مش غالية ( مافيهاش سعوديين كتير )
و أسأل عن انقطاع الميـــــــــــــــــــــ ــــاه فيها ضروري
و لو عجبتك المنطقة .. أسأل كام حارس هناك .. بواب يعني و هما عارفين بعض أكتر من المكاتب و أخره 100 ريال مش 500 زي المكتب

**عبد الرحمن اسامه** · 10-09-2009 03:35 PM

انا كمان بعمل في جامعة الملك سعود بس في الرياض نفسها، قريب من الدرعية، اول مرة اعرف إن في فرع للجامعة في الخرج.
انت هتستخدم الليموزين لغاية لما تعمل الإقامة و دي بتتعمل من الجامعة من شؤن الموظفين اسرع من بره بكتيير و دي ميزه في الجامعة، و بعدين تاخد الإقامة و الرخصة المصرية و تروح تطلع الرخصة لما تاخودها انصك تأجر عربية من ٦٠ - ١٢٠ ريال في اليوم. لمدة شهر او اتنين لغاية لما تدور علي عربية تشتريها، لأن لو قضيت المدة دي بالليموزين هتكلفك اكتر من لو اجرت سيارة.

انا عارف الناس كلها بتنصح باليباني، بي انا بصراحة كانت تجربتي مختلفة، انا روحت توكيل سيات و سكودا الهو اسمه سافاري، و هناك اشتريت سيات ليون كسر زيرو ماشية ٣٣،٠٠ كيلو بس اشتريتها بنظام التأجير المنتهي بالتملك علي ٣ سنين بدفع ١٧٥٠ ريال في الشهر، و بصراحة مش ندمان علي اختيار الاماني، عربية ممتازة جدا. في اختيارات ارخص شوية زي السيات ابيزا و السكودا الفابيا، او تشوف حاجة سكودة كسر زيرو.
كسر الزيرو هنا كتير جدا، بس انصحك تشتري من التوكيل مش من السوق البيسموا الحراج، هنا التوكيلات بتبيع جديد و قديم. و لما يعرفو انك من منسوبي الجامعة بتكون اجراءاتك اسهل، و ليك تسهيلات في الشروط. مفيش مقدم و لا دفعة مؤخرة تدفع قسط اول و مصاريف ادارية بس، و الترخيص عليهم.
انا بصراحة مرحتش الخرج انا في الرياض بس إن شاء الله تكون كويسة زي مالاعضاء هنا بيقولوا.

احني كنا بنكلم في موضوع هنا http://www.nilemotors.net/Nile/92321-a-2.html بنقول عايزين نطالب الإدارة بفتح مكان مخصص للعالمين بالخارج زي حالتنا، ايه رأيكو ؟

**عبد الرحمن اسامه** · 10-09-2009 03:50 PM

فكرة إنشاء منتدي للعاملين بالخارج، شارك برأيك.
http://www.nilemotors.net/Nile/94327...post3871980845

**osoliman88** · 10-09-2009 04:17 PM

الحمد لله تم تأجيل السفر الى ما بعد العيد، بعد أن تلقيت إتصال من السعودية حيث نصحني أحد المسئولين في الجامعة (والتي علمت في آخر لحظة بأن مندوب من الجامعة سوف يستقلبني في المطار، وكده الحمد لله يبقى الظاهر لسه ما اتفاطمتش وسأجد من يستقبلني في المطار كعادتي في كل السفريات ) وقد نصحني بأن اجازة العيد سوف تبدأ من يوم الأربعاء ولن أستطيع عمل أي إجراءات خلال هذه الفترة ومن الأفضل تغيير ميعاد الوصول لكي يكون بعد العيد ، وبصراحة أنا ما صدقت إن حد قالي كده ورحت على طول على خطوط الطيران السعودية وقمت بالغاء الحجز وعمل حجز آخر - طبعا انتظار - لثاني أو ثالث يوم العيد.

في النهاية وبصراحة والله على ما أقول شهيد أن لساني يعجز عن الشكر للدكتور محمد عادل والأخ عبد الرحمن أسامة وكل الأعضاء الكرام الذين حالوا مساعدتي وجعلوني أشعر بالسعادة والامتنان بل والفخر ايضا بأننا مصريون ، والله أنا دائما ما أقول بأنني متفائل جدا للأجيال الجديدة المتفهمة والواعية ، وإن شاء الله سيكون حالنا للأفضل

واكرر سوف أكتب تجربيتي بالكامل عندما تتاح لي الفرصة ، ربما يستفيد منها أحد، لذا أكرر مرة أخري طلبي لعمل منتدى فرعي داخل هذا المنتدى لتبادل الخبرات في السفر

الف مليون شكر للجميع
وكل عام وأنتم بخير

أنا متأسف جدا على الإطالة
وكل عام وأنتم بخير

**Hegazio** · 10-09-2009 04:24 PM

بالتوفيق

**askanas** · 16-09-2009 04:03 PM

اانا شايف ان اول مشاركة ردت عليك تنرفز اوي بصراحة

عربية ايه الهتشرتيها ب80 الف ريال ؟ هوا الواحد رايح السعودية عشان يعمل كام 80 الف ريال ؟

والتاكسي المشوار ب10 ريال ولا حاجة ولو مشوار طويل شوية اديلو 15 او 20

تاكسي 200 ريال !!؟ ده لو سفر

والعربية تجيب عربية مستعملة 10 الاف ريال مرسيدس ولا حاجة واخرها 15 الف عشان انت مش عارف هتقعد اد ايه ولا هتعجبك القعدة ولا لا وكام العربيات دي نضيفة وتنزل بيها مصر لو عايز بنظام التربتك 3 شهور

و العيشة الكريمة 5000 ريال لو مع عيلتك و 3000 لو لوحدك !!؟ ده علي انهي اساس اومال هنوفر ايه بئا

الاكل هنا ممكن يكون نفس سعر مصر ان مكنش ارخص
والبنزين رخيص

**tabeb** · 16-09-2009 06:14 PM

المشاركة الأصلية كتبت بواسطة askanas

اانا شايف ان اول مشاركة ردت عليك تنرفز اوي بصراحة

عربية ايه الهتشرتيها ب80 الف ريال ؟ هوا الواحد رايح السعودية عشان يعمل كام 80 الف ريال ؟

والتاكسي المشوار ب10 ريال ولا حاجة ولو مشوار طويل شوية اديلو 15 او 20

تاكسي 200 ريال !!؟ ده لو سفر

والعربية تجيب عربية مستعملة 10 الاف ريال مرسيدس ولا حاجة واخرها 15 الف عشان انت مش عارف هتقعد اد ايه ولا هتعجبك القعدة ولا لا وكام العربيات دي نضيفة وتنزل بيها مصر لو عايز بنظام التربتك 3 شهور

و العيشة الكريمة 5000 ريال لو مع عيلتك و 3000 لو لوحدك !!؟ ده علي انهي اساس اومال هنوفر ايه بئا

الاكل هنا ممكن يكون نفس سعر مصر ان مكنش ارخص
والبنزين رخيص

طيب المرتب اللي الواحد يقدر يحوش منه اد ايه؟

-

الموضوع: لم يتبقى سوى 48 ساعة للسفر للسعودية ومش عارف أعمل ايه

LinkBack

أدوات الموضوع

عرض

-

-

-

المواضيع المتشابهه

عاجل : أنا محتاج فيزا زيارة للسعودية 3 شهور ... أعمل أيه ؟

عندى ملف فيديو, لا عارف أمسحه و لا عارف أنقله, أعمل فيه ايه ؟؟؟؟

ترشيح زيت ومش عارف أعمل فيه ايه

أنا في مشكلة و مش عارف أعمل إيه

مش عارف أعمل إيه

الكلمات الدلالية لهذا الموضوع

المفضلات

المفضلات

ضوابط المشاركة