بص يا باشا انا هقول لحضرتك تعمل ايه وان شاء الله يكون الصواب ..
انتا الأول هتاخد تاكسي من المطار وتقوله الخرج مش متذكر الحقيقة هياخد كام منك بس اعتقد من 120 الى 150 ريال (بكرر مش متأكد يا ريت لو حد مقيم في السعودية يصححني لأني سايب البلد من 4 سنين) .
وتنبه على السواق انه ميزودش عن 120 كم /ساعة لأنهم احيانا بيكونو متهورين , لما توصل الخرج بالسلامة هتلاقي على شمالك برج مياه شكله جميل وبعدها بشوية هتلاقي حاجة شبه القلعة او القصر العربي القديم ده اسمه مسجد الملك عبد العزيز .. قريب منه فندقين واحد اسمه برج الخرج هتلاقيه عمارة على ناصية وتحتها البنك العربي والفندق الثاني للأسف مش متذكر اسمه , المهم تنزل على اللي يعجبك منهم وتقضي ليلتك ولما تصحى هتكلم الارقام اللي هبعثهالك على الخاص وتقولهم انك من طرف د.عادل أمين استشاري امراض الباطنة في مستشفى الملك خالد بالخرج وتقولهم انك بتضور على شقة تكون جنب مكان شغلك وتكون كويسة وطبعا حسب احتياجاتك وبإذن الله يساعدوك .
انا للأسف والدي في اجازة وهينزل بعد اسبوعين حضرتك ممكن تكلمه بعد اسبوعين ممكن يساعد حضرتك لو احتجت اي حاجة ..
هبعثلك على الخاص رقم والدي وارقام الناس اللي ممكن تفيدك
بالمناسبة حضرتك هتدرس في اي كلية ؟؟
عموما توصل بالسلامة ان شاء الله .. ولو فيه استفسار ثاني انا تحت امرك
المفضلات