لم يتبقى سوى 48 ساعة للسفر للسعودية ومش عارف أعمل ايه

**osoliman88** · 08-09-2009 10:48 AM

على الرغم من أنني سافرت كثيرا للخارج خلال ال 15 سنة الماضية للكويت وليبيا والولايات المتحدة وهولندا لكن في كل مرة كان هناك من ينتظرني في المطار وييجهز كل الامور لي من حيث السكن وغيره بس المرة دي يبدو ان الواحد اتفطم خلاص.

المهم المطلوب الرأي لمن لهم خبرة في السعودية:
- بالنسبة للسيارة ايهما تفضل سيارة جديدة أم مستعملة وما هي الماركة التي تفضلها.
- هل تفضل الشراء أم تاكسي
- أم تفضل تاكسي الأول وبعدين اشتري
- بالاضافة لو أن هناك معلومات بصفة عامة ولك تجارب ، لو سمحت قولها يمكن الاستفادة منها في هذه التجربة.
- كمان كنت عاوز أسأل عن موضوع السكن أنا رايح منطقة أسمها الخرج تبعد عن الرياض 60 كليو متر تقريبا ، وبصراحة مش عارف أجمع معلومات عن هذا الموضوع خاصة وانني لا اعرف أحد من المصريين هناك

وأنا إن شاء الله سوف أحاول نقل كل خبراتي من هذا السفر أول بأول لكي تعم الفائدة

لا تنسوا لم يتبقى الا 48 ساعة فقط

**ashraf229** · 08-09-2009 02:32 PM

يا مراحب يا مراحب.........تشرف و تنور يا باشا

بص يا سيدي..الخرج بلد مشهورة جدا في مكانة مثلا المنصورة و طنطا كده في مصر و تتميز بالمزارع و الشاليهات و الاستراحات لأثرياء الرياض...الجو هنا زي الرياض بالظبط حار و مشمس لكن جاف جدا ومفيهوش ذرة رطوبة نهائي

الخرج مش بعيدة نهائي لأن 60 كلم دول هنا ولا حاجة على طريق الخرج في عشرة دقايق طوالي أو ربع ساعة توصل الرياض

و طبعا هتقضيها تكسيات اول كم يوم بس لحد ما تظبط نفسك و التاكسي عادة بيأخد 10 ريال الا لو مشوار بعيد يأخد 15 و 20 و أقصى حاجة 30 ده لو جايبها من شرقها لغربها لكن من مطار الملك خالد بالرياض للخرج معرفش بكام بصراحة بس هوه المطار أقصى شمال الرياض و الخرج جنوب الرياض اصلا فممكن يكل مثلا 100 أو 150 كده معرفش بصراحة

للأسف صعب تأجر شقة خاصة او تشتري عربية الا لما تطلع الأقامة اللي هيه بطاقة شخصية كده يعني خصوصا لو انت جاي بفيزة عمل يعني اقامة مش زيارة

كمان تأجير أو شراء سيارة من شروطه ان يكون معاك رخصة قيادة سعودية سارية المفعول و دي بتطلع بعد الأقامة بس القصة كلها اسبوع عشر أيام بالكتير و تطليع الرخصة في منتهى البساطة تروح تقدم و تأخد معاد محاضرة و تاني يوم تروح تمتحن عالكمبيوتر و تختبر مع الظابط على كامري و خلاص ده لو معاك رخصة مصرية أصلا لأنك بتقدمها من ضمن الأوراق و بتعفى من التدريب العملي للقيادة

السعودية مجتمع هادي محافظ لمن يبحث عن الاستقرار مساحات واسعة مواقف سيارات متوفرة الأكل و الشرب أسعار جيدة يخلو من المسخرة و البديهات و البنطلونات و العك ده...كل البلد بتقفل في أوقات الصلوات حتى الشركات لازم تدي الموظفين فرصة للصلاة حوالي ربع ساعة مدفوعة الأخر و العمال و كله و كل واحد في حالة في هدوء بعيد عن الموسيقى و الأغاني و الصخب و الديجيهات و الموتسكلات و المكروباصات كل ده ذكرى........

ان شاء الله تجد فيها راحتك و تكون كل أمورك ميسرة بأذن الله

و اي استفسار انا حاضر.........تحت أمرك و تيجي و ترجع لأهلك بالسلامة

**Hegazio** · 08-09-2009 03:19 PM

تروح و تيجي بالسلامة
طبعا زي ما قالو حتقضيها تاكسي ( اسمه هناك ليموزين ) شوية لحد ما تطلع رخصة .. و فهمهم انك جاي تستبدل و خد الرخصة المصرية معاك - بتفرق انك تحسسهم انك مش جاي تجرب في البلد السواقة
..
طبعــــــــــا مستعمل
بينهار أسرع من مصر كتير .. شوف ياباني بس بلاش الكورولا و الكامري .. صحيح وقت ماتبيعهم بيتخطفو بس أغلي من قيمتهم بكتير
يعني كورولا 2001 بتمن أكورد 2000 و الفرق شاسع
و بالتوفيق

**moudy88** · 08-09-2009 05:43 PM

المشاركة الأصلية كتبت بواسطة elrasy

بعد اذن صاحب الموضوع اسال سؤال للزملاء
اية المرتب المناسب اللى اعيش بية عيشة كريمة فى السعودية مع الادخار؟؟
لان احتمال كبير اروح قريب.

مش اقل من 5000 ريال لو معاك اسره
ومش اقل من 3000 ريال لو لوحدك
وربنا يوفقك

**ahmed2000** · 08-09-2009 06:39 PM

بس بيقولوا الجو هناك حر جدااااا

دة واحد صاحبي راح بيقولي انتا لو في مرة سيبت الشريط في الكاسيت ممكن يسيح

**osoliman88** · 09-09-2009 12:05 AM

أنا بشكر كل من رد على سؤالى
وأخص بالذكر:
Hegazio
Asaraf229
Amah_Totale

وعموما أنا متفائل إن شاء الله خيرا
والله المستعان

**eslam_wega** · 09-09-2009 12:59 AM

طبعا اشترى
من اول 8 تلف هتقدر تجيب عربية حالتها كويسة جدا
وعلى فكرة انا زوج اختى تاخر وصاحب معارض سيارت بجدة
لو حبيت ممكن اكلمهولك بس هو حاليا فى مصر واخد اجازة وهيرجع على نهاية الشهر الكريم

-

-

الموضوع: لم يتبقى سوى 48 ساعة للسفر للسعودية ومش عارف أعمل ايه

LinkBack

أدوات الموضوع

عرض

-

-

المواضيع المتشابهه

عاجل : أنا محتاج فيزا زيارة للسعودية 3 شهور ... أعمل أيه ؟

عندى ملف فيديو, لا عارف أمسحه و لا عارف أنقله, أعمل فيه ايه ؟؟؟؟

ترشيح زيت ومش عارف أعمل فيه ايه

أنا في مشكلة و مش عارف أعمل إيه

مش عارف أعمل إيه

الكلمات الدلالية لهذا الموضوع

المفضلات

المفضلات

ضوابط المشاركة