عشان العربية ماترجعش منك للخلف وانت واقف علي مطلع - للمبتدئين
السلام عليكم
دي معلومة واحد صاحبي قالهالي و الصراحة افادتني جدا
طبعا كل المبتدئين اللي بيسوقاا مانيوالبيعانوا اشد المعاناه لو طالعين مطلع او كوبري و الدنيا زحمة و اضطريتهم الظروف انهم يقفوا علي المطلع و بعيد يمشوا تاني
و ده بيبقي موقف وحش قوي لما تلاقي العربية بترجع منك لورا و تخبط اللي وراك
النصيحة بقي ( اولا التجربة )
1- روح مكان فاضي - مش لازم تبقي علي مطلع خليك في شارع عادي و مستوي قدامك
2- مور العربية ( خلي العربية علي المور و ماتديش اي نقلة )
3- اكبس دبرياج علي الاخر و هات الغيار الاول
4- ارفع رجلك براحة خالص و واحده واحده من علي الدبرياج من غير ما تدوس بنزين
5- العربية هاتمشي ببطئ للامام بدون اي دوسه علي البنزين
ملحوظة : في تكه في دواسة الدبرايج هاتحس بيها و بعدها مباشرة العربية هاتتحرك
[COLOR="rgb(139, 0, 0)"]ملحوظة مهمة جدا جدا :[/COLOR] 1
1- ماترفعش رجلك مرة واحده من علي الدبرياج
2- لما العربية تتحرك ثبت رجلك في نفس مكانها ولا ترفع رجلك ولا تدوس بيها علي الدبرياج عشان العربية تكمل مشي لانك لو فضلت ترفع رجلك العربية هاتبطل منك او لو كبست علي الدبرياج العربية هاتقف
طبعا وانت بقي علي المطلع هاتنفذ نفس الخطوات السابقة ولكن وانت دايس فرامل .... طب ازاي :majd(4):
1- هاتبقي دايس علي الفرامل لانك علي مطلع عشان العربية ماترجعش للخلف
2- دوس دبرياج علي الاخر و انقل و هات الغيار الاول و ( خليك دايس علي الفرامل ) و طبعا خليك دايس علي الدبرياج
3- ارفع رجلك بالراحة خالص من علي الدبرياج لحد ماتحس ان العربية ابتدت تترعش او تحس بالتكة اللي قولت عليها في دواسة الدبرياج
4- ابدأ ارفع رجلك من علي الفرامل و ثبت رجلك علي الدبرياج بعد التكة او الرعشة اللي حسيت بيها
5- هاتلاقي العربية يا اما مشيت لقدام او فضلت واقفة في مكانها مارجعتش لورا( علي حسب درجة انحدار المطلع ) ساعتها تقدر دوس علي البنزين و تمشي عادي خالص لقدام و ماتخافش العربية مش هاترجع للخلف
يارب تفيدكوا الحكاية دي
شكرا و بالتوفيق
