بقالى يجى شهر مش لاقى الدواسات دى خالص

انتوا عارفين فيه دواسات للعربية بيبقى عليها رسومات فانلات فرق الكورة الاوروبية و كدة و من نفس الاشكال دى شوفت طقم دواسات علية لوجو فودافون و عجبنى

المشكلة لما جيت اشترية ملاقيتوش خاااالص.... لفيت التوفيقية قالوا لى ان الدواسات دى ب 140 و رسمة فودافون مش موودة... لقيتها فى محطة كالتكس اللى فى العشرينى ب 160 جنية بس مكنش معايا فلوس... و قلت مش مشكلة 20 جنية زيادة بس اجيب اللى انا عايزة و لما رحت تانى الواد قاللى "خلصت بس اجيبهالك من الفرع التانى" و شكلة كدة نسى انى سالتة قبل كدة على السعر لانى لما سالتة بكام قاللى ب 230 جنية... انا مرضتش اقولة كلمة مش ظريفة

المهم رجعت مرة تانية للتوفيقية لقيت الدواسات دى بقت ب 160 و برضة مفيش فودافون... و رحت شارع دمشق و رحت المعادى و مشلاقيها خالص

حد يا رجالة شاف الدواسات اللى عليها فودافون دى فى حتة قريبة منة فى اى محل يقدر بفيدنى فى القصة دى؟؟ انا غلب حمارى من اللف

MMamdouh