افطار مسنين مطلوب متبرعين بسيارة+تغطية الحفل بالصور

السلام عليكم ورحمه الله
يوم السبت القادم جمعية المقسطين وجروب المنار للعمل الانساني
هاينظمو افطار للمسنين والعجزة في الوفاء والامل بمدينة نصر
وفي اخوات هايعملو افطار واطعام
وفي ناس تانية هاتعمل الحاجة في البيت وبس محتاجين شخص بسيارة ينقل الاكل من مكانين
الاول من امبابة لمدينة نصر
والثاني من غمرة لمدينة نصر
لغاية مقر الجمعية بتاعت الوفاء والامل اللي في ذاكر حسين بعد انبي للبترول
اللي عندة استعداد ينقل وجبات بسيارتة الساعة 3 العصر
يكتبلي هنا تليفونة وانسق معاه
لاني هاكون بنقل وجبات من اماكن تانية للجمعية في اليوم ده
ولو عايز يكمل الثواب ويفطر مسن او عجوز بايدة يتفضل يشرفنا
يعني يقعد ماعه ويفطرة بنفسه مش يجيبلة اكل لاننا جايبين اكل كتير والحمد لله
واللي عايز يجي يفطر شخص مسن او عجوز بايدة وياخد الثواب برضه يقدر يشرفنا
ولو في اخوات عايزين يجو يفطروا مع العجزة والمسنين يشرفو
وممكن يكلمو مهندسة منار مباشرة وده تليفونها
0122938551
الافطار يوم السبت القادم بمقر الجمعية بالوفاء والامل شارع ذاكر حسين
وده تليفوني لو حد عايز ينسق ويجي
0101263030
كل سنة وانتم طيبين
كريم منير

انا مستعد للمساعدة في نقل الأكل سواء من غمرة او من امبابة ان شاء الله
ده رقم تليفوني:
0102797831

ربنا يجازيك كل خير
لو من امبابة تبقي حليت لنا مشكلة كبيرة
خلاص هانسق مع المبرعة بالطعام
وهاكلمك ان شاء الله الرحمن

اقتباس:

---

المشاركة الأصلية كتبت بواسطة karim_monir

ربنا يجازيك كل خير
لو من امبابة تبقي حليت لنا مشكلة كبيرة
خلاص هانسق مع المبرعة بالطعام
وهاكلمك ان شاء الله الرحمن

---

ربنا يكرمك يا باشمهندس كريم،
في انتظار تليفونك ان شاء الله

انا مستعد من غمرة لانى بس معرفش حاجة فى امبابة لكن لو حتدونى وصفة كويسة لامبابة يبقى انا مستعد

استاذ كريم.

انا بخلص شغل الساعه 3:30 من الزمالك يا ريت تقولي ممكن اساعد ازاي وانا معاكم باذن الله..

انا بخلص شغلي الساعة الواحدة وبكون فاضي من بعدها ان شاء الله...بس انا بصراحة مش عارف الأماكن قوي...فلو نسقت مع احد الأعضاء يقابلني قريب من شغلى في شارع الهرم...يبقى تمام قوي

بالمناسبة...انا ممكن اجيب معايا جهاز ضغط وسماعة وهحاول اتصرف في جهاز قياس سكر واعمل check up سريع لآبائي وامهاتي هناك...و اظن دي حاجة ممكن تسعدهم


جزاكم الله خير الجزاء

تقبل خالص تحياتي

اللهم تقبل ويسر وأعن، جزاكم الله خيرا

تم تعديل مشوار امبابة الى المهندسين شارع احمد عرابي
استاذ ابراهيم صادق تبرع بانه ينقل الناس
جزاه الله كل خير
مطلوب حاليا نقل ناس واكل من
غمرة
الاميرية
يعني اتنين متبرعين
رجاء من الاخوة المتبرعين كتابة رقم تليفونهم او ارسالة على الخاص ليه لو فيه مشكلة

دكتور اسر
ربنا يجازيك كل خير
الجمعية فيها فريق طبي
بس يا ريت انت تنورنا
مستني تليفوناتكم تكتبوها
عشان الفطار يوم السب بعد غد
كل عام وانتم بخير
كريم

طيب يا جماعة اللي لحق هو اللي بعت التليفونات الاول
استاذ ابراهيم هايجيب الناس والاكل من المهندسين
دكتور اسر هايجي من الهرم يجيب الناس من الاميرية
استاذ احمد كار هايكون متواجد في مدينة نصر عشان في اكل هانجيبة من الحي السويسرى

اللي عايز يشرفنا ينورنا على المعية
هانكون متواجدين الساعة 4 ان شاء الله
بس يا ريت يبلغني قبلها بشوية
كل سنة وانتم طيبين

يجماعة لو عايزين اى مساعدة انا من سكان مدينة نصر ومنزلى قريب جداً من الوفاء والامل
ت / 0127750331
اخوكم كريم رضا

وانا ساكن في المعادي الجديدة وشغلي قريب جدا من الوفاء والامل لو في اي حاجة اقدمها انا جاهز
وده رقمي 0162528555 احمد

ماليش دعوة يا كريم
فيها لا اخفيها من اولها
مشوار المهندسين عليا
يا اما تشوف لي مشوار تاني من الهرم او الجيزة او غمرة او اي حتة
ماليش دعوة
هدعي عليك وانت عارف دعوة رمضان بتبقي عاملة ازاي
وتليفوني معاك لكن لانى واثق انك اكيد مسجلتهوش (لانك مشغول بالمكالمات مع الشنوري وانت عارف اخرتها بتبقي تصوير موبايلات وحركات من اياها ) هاكتبه هنا 0114666040 محمد

كريم انت هاتنسق مع استاذ هاني ده تليفونة
0100108845
هو متطوع زيك وجاي من الهرم ومش من سكان مدينة نصر
هاتجيبو اكل انتم الاتنين من عند حد في السويسري عند الشرطة العسكرية
يا ريت تنسق معاه هو هايتحرك من الزمالك على 3:30 تقريبا
والاكل هانجيبة الساعة 5
واعمل حسابك تفطر معانا بقي
احمد كار هايجيب ناس من الرحاب

استاذ محمد انت مكلمتنيش على موبايلي
على موبايل محمد بحري
معلش يا باشا تتعوض
لانها كدة اكتملت
بس ياريت تشرفنا
تفطر مسن بايدك
وتاخد ثواب كبير ان شاء الله

احمد باشا لو ظهرت حاجة هاقولك على طول

اقتباس:

---

المشاركة الأصلية كتبت بواسطة cairo2005

ماليش دعوة يا كريم
فيها لا اخفيها من اولها
مشوار المهندسين عليا
يا اما تشوف لي مشوار تاني من الهرم او الجيزة او غمرة او اي حتة
ماليش دعوة
هدعي عليك وانت عارف دعوة رمضان بتبقي عاملة ازاي

---

ياباشا مشوار المهندسين خلاص محجوز :049:
تتعوض مرة تانية ان شاء الله :ask:

بس إوعى تدعي عليا :ma(30):

دلوقتي محتاجين متبرعين بالكلام الحلو
ده نص رسالة مهندسة منار
واعذروني لتغيير عنوان الموضوع:




السلام عليكم و رحمة الله و بركاته



عايزين متبرعين بالكلام الجميل



على فكرة انا مش بهزر انا بجد محتاجه الم التبرعات دي قبل يوم السبت



و الموضوع اننا عاملين افطار في جمعية لرعاية المسنين يوم السبت القادم 12/9/2009 إن شاء الله



و المفروض اننا مش بس رايحين عشان نأكل المسنين



و نطبطب عليهم



لأ كمان نفرفشهم و نلاعبهم و نضحكهم و نبسطهم



و بما إن الفطار كان مطلوب له متبعرين بالطبيخ و بالسيارات و الطبطبه كانت محتاجه متطوعين بالجهد



يبقى التسليه و الفرفشه و الهزار محتاجين ايه غير دم خفيف و كلام جميل



بيني و بينكم احنا فكرنا ندي العيش لخبازه و نتصل بالمختصين في هذا المجال و ندور لهم على حد يجي يقدم لنا فقرات تسليهم ... بس بكل اسف ملقيناش كله محجوز و الأسعار فلكيه



فشغلنا الفُكيره شويه ...و قلنا هي كيميا

كفايه حبنا ليهم يدينا القوة عشان نسليهم



و كل المطلوب من حضراتكم حاجتين اللى عنده فقرات ابداعيه يقدر يقدمها لنا بعد الفطار يتفضل يتصل بينا بدون تردد و ننسق مع بعض ان شاء الله



و اللى ميقدرش يجي اليوم ده و عنده افكار يا ريت يلحق يبعتها لنا



و الأهم من كل ده بقى الموضوع اللى انا محتاجاه اصلاً من حضراتكم



انا عايزه اقدم هدايا رمزيه بسيطه لآمهاتنا و آبائنا هناك



و عايزه احط مع كل هديه كارت صغنطوط فيه كلمه جميله رقيقه تفرحه



و دي بقى مهمة حضراتكم عايزه جمل مختصره جميله و تكون عامه يعني تنفع لواحد او لواحده عشان طبعاً الهدايا حتكون مقفوله



و متقلقوش حقكوا الأدبى محفوظ



اى حد حيبعت لى جمله جميله يا ريت يكتب اسمه تحتها ثنائي و احنا ان شاء الله نقدمها بإسمه



اد ايه حتسعدهم رسالة الحب القصيرة الجميله قوى دي منك



منتظرة ردودكم امس قبل اليوم عشان الإفطار يوم السبت القادم على طوووووووووووووووول



شكراً



منار عقل



اللهم اجعلنى خيراً مما يظنون و اغفر لى ما لا يعلمون و ارحمنى يوم يبعثون

يا جماعة احنا في الجمعية الان
اللي عايز يغير راية ويجي يتفضل احنا مستنينة

محمد عبد الباسط انت قولت انت جاي انت وصديقك بس انا مش معايا موبيلك عشان اوصفلك
كلمني اوصفلك احنا فين جوة الجمعية
اللي عايز يجي
يدخل جمعية الوفاء والامل
يمل على طول
هايلاقي مسجد على شمالة
يكمل كمان 300 متر لغاية الاخر
هايلاقي مبني الادارة في وشه
وعلى شمالة قاعة احتفالات
دي احنا جواها وهاتلاقي عربيات كتير واقفة قدامها

لم اتوقع كل هذا التجاوب الهائل من اعضاء نايل موتورز
بجد كنت مبسوط قوي
استاذ هاني
استاذ كريم
دكتور اسر
استاذ احمد كار
استاذ محمد عبد الباسط
استاذ محمد يوسف
استاذ ابراهيم صادق
بجد تعبناكم جدا بس ان شاء الله الاجر مش عندي ده في الاخرة ان شاء الله
اللي جاي من الزمالك
واللي من المهندسين
واللي هايروح الشرقية
واللي راح جاب حاجات من الرحاب وروح ولما عرف اننا لسه قاعدين رجع تاني

بجد جزاكم الله كل خير وجعلى في ميزان حسناتكم
ويا ريت بقي تشتركو في جروب المنار
لان مهندسة منار بتحتاج متطوعين بالسيارة اكتر من مرة
وهيا هاتبا تدخل هنا ان شاء الله تتابع المتطوعين بنفسها
وكل واحد حسب ظروفة
دول بقي صورتين صغيرين
واللي عايز يتابع التغطية كاملة يتابعها على جروب المنار على الفيس بوك
واللي على الترابيز دول نجوم نايل موتورز قاعدين مع احد نزلاء الجمعية بيشاركوة الافطار
صحيح :
اضغطوا على الصورة تشوفوها بحجمها الطبيعي مش مصغرة
كل سنة وانتم بخير

http://img188.imageshack.us/img188/7576/75561417.th.jpg

http://img32.imageshack.us/img32/9186/92318643.th.jpg

http://img3.imageshack.us/img3/7515/20796984.th.jpg

http://img30.imageshack.us/img30/61/29101070.th.jpg

ما شاء الله ربنا يكرمكوا بجد

وربنا يتقبل منكوا

ويجعله فى ميزان حسناتكم

ربنا يبارك فيك يااستاذ كريم حقيقى انت فعلاً شخصية محترمة جداً وانا سعيد إنى تعرفت عليك
حقيقى لمست فيك خير كتير ربنا يكرمك ويجازيك كل خير واشكر اعضاء نايل موتورز اللى كانو موجودين فى الافطار وتحية للأستاذ هانى حقيقى شخصية محترمة جداً - وكل عام وانتم بخير وإن شاء الله اكون معاكو فى اى عمل خير تعملوه بارك الله فيكم

انا اسف اني مكنتش معاكم
بجد انا كنت اتمني اني اكون موجود يا كريم
وزعلت اوي لما شوفت الصور ملاقيتش نفسي فيها
باذن الله ربنا يقدرني واقدر اكون معاكم بعد كده او في اي مكان مشابه لفعل الخير

بجد و الله الواحد مبسوط جدا جدا انه قدر يعمل حاجه جميله زى كده

بجد اليوم طار فى ثوانى كده لقيت خلاص المغرب بتاذن سبحان الله القعده مع الناس الجميله الطيبه دى بجد بتنسى الواحد همومه و فى نفس الوقت بتكون عبره و عظه لينا كلنا

الف شكرا ليك يا كريم انك وفرتلنا فرصه جميله زى دى

و بعتذر لحضرتك على انى مقدرتش اكمل و افطر معاكوا عموما ملحوقه المره القادمه ان شاء الله

اليوم كان جميل جداً
الواحد أول لما دخل المكان...نسي مشاكله و حس إنها لا شيء بجانب آلام و معانات أبائنا وأمهاتنا في الجمعية
شكراً جزيلاً لـ أ/ كريم علشان هوه سبب في الخير ده
ربنا يتقبل منا إن شاء الله

ربنا يكرمك دايما يا كريم ويكرم اخواننا اللى ساهموا كلهم ويا ريت يا كريم المرات الجاية مش تنساني معاك في اي حاجة طوال ايام الاجازة الدراسية

بجد يا اخواني الأفطار كان اكثر من رائع

جو الأخوة والموده والتعاون اللي كنا فيه حقيقي لا يوصف

صحيح كان فيه مجهود الناس بذلته في التنظيم...لكن اول ما المغرب اذن كل التعب راح...و كنا حاسين اننا قاعدين مع اهلنا واحبابنا...

يمكن احنا حسينا بالألم لما لقينا ناس بتعاني ومحدش داري بيهم...بس اللي خفف عنا هو الكم الهائل من الدعاء اللي كنا بنسمعه ونظرات الحب والإمتنان اللي كنا بنشوفها في عيونهم كانت ابلغ من اي كلام



استاذ كريم منير...جزاك الله خير الجزاء...انت وكل الناس اللي شاركت...

و يا ريت ما تحرمنيش من اي فرصة زي دي ربنا يخليك

استاذ هاني
استاذ كريم
استاذ احمد كار
استاذ محمد عبد الباسط
استاذ محمد يوسف
استاذ ابراهيم صادق

اتشرفت جدا بالتعرف عليكم ويا رب تكون بداية صداقة واخوة في الله ان شاء الله

شنوري ان شاء الله تاخد الاجر طالما كان نفسك بجد تكون معانا لكن الظروف ماسمحتش

بجد والله يا جماعة انا اللي سعيد اني اتعرفت عليكم
ونايل موتورز ماخيبش ظني ابدا بالصحبة اللي فيه
اخلاق ومودة ورحمه
ورغم ان في ناس كتير قوي بتقرف من المسنين خاصة لما بيكونو عجزة مش قادرين يتحركو
لكن كلمة سمعتها غصب عني من واحد من المسنين بيقول للعاملة في الفيلا واحنا بننقلهم من الفيلات لقاعة الاحتفالات
لبسيني الجلابية(الكويسة)وحطيلى (ريحه) عشان الناس ما تتضايقش من ريحتي
الكلمة دي وجعت قلبي قوي قوي
قعدت ادعي واقول يا رب ارحم ضعفنا وعجزنا وخلصني من الدنيا دي بدري بدري وانا بصحتي وماتخليش توكالي على حد غيرك يا رحيم

أشهد الله اني احبكم في الله

خالص الشكر للباشمهندس كريم على الفرصة دي ان الواحد يشارك ولو بمجهود بسيط في عمل الخير
بجد انسان محترم ودينامو لا يهدأ ما شاء الله :)
ربنا يباركلك ويجعله في ميزان حسانتك

شكراً لكل من تشرفت بمقابلتهم أمس من الأعضاء المحترمين ويارب دايماً متجمعين في الخير

يا جماعه اتا بجد مش عارف اقوللكم ايه واعبر عن اعجابي بحبكم للخير وسعيكم ليه اللي كان ليا نصيب اني اشوفه بنفسي من الاخوه اللي تشرفت بمقابلتهم يوم السبت او اللي قرأت مشاركتهم في الموضوع ورغبتهم الشديده في المشاركه واللي ظروفهم منعتهم من الحضور..

اليوم بجد كان جميل وسبحان الله الطريق كان ميسر جدا. انا تقريبا موقفتش خالص في زحام او اشارات..

أ. كريم منير

انت بجد انسان محترم جدا وخلوق وطبعا مش هتكلم عن حبك لفعل الخير اللي كلنا لمسناه فيك.. ربنا يقدرك ويقدرنا جميعا وقبلنا المهندسه منار جزاها الله كل خير..

أ. كريم احمد

انا بجد سعيد جدا بالتعرف علي شخص في اخلاقك وذوقك وان شاء الله متكونش اخر مقابله وربنا يجعله في ميزان حسناتك..

دكتور اسر
استاذ احمد كار
استاذ ابراهيم صادق
استاذ محمد عبد الباسط
استاذ محمد يوسف

بصراحه مفيش فرصه احسن من ده كان ممكن نتقابل فيها .. انا اتشرفت بمعرفتكم جدا وكان نفسي الوقت يبقي اطول .. لكن ان شاء الله متبقاش اخر مره وانا يشرفني اننا نكون اصدقاء..

اخوكم هاني مصطفي

والله يا استاذ هاني احنا اللي اتشرفنا بمعرفتك
وده احلى مكان الواحد يتعرف فيه على شخصيات محترمة محبه للخير زيكم
كل عام وانتم بخير