فلاتر الهوا السبور تركب علي الكربراتير

**stlony** · 08-09-2009 04:09 PM

السلام عليكم وكل سنه وانتم طيبين
معلش هو سوال قد يكون ساذج بس انا مش لاقي حد اساله غيركم هل فلاتر الهواء الاسبور اللي بتعمل صوت عالي تركب علي الكربراتير ولا بتركب بس علي الانجكشن ولو تركب تنصحو بانهي نوع يكون كويس في الاداء وهل الفلتر الاصلي اللي في العمه هايتشال ولا لا ممكن يفضل زي ما هو ؟ واعمل ايه بالظبط لان انا اللي هاركبه ان شاء الله لاني شايف ان تركيبه مش صعب بس لو هو فعلا يركب عندي
عربيتي كرولا عيون 1998 كربراتير 1300 سي سي

**MMamdouh** · 08-09-2009 04:52 PM

use the search function

MMamdouh

**madoo_600** · 09-09-2009 01:44 AM

طب هل هو فعلا بيزود السحب

**eslamrace** · 09-09-2009 01:50 AM

المشاركة الأصلية كتبت بواسطة madoo_600

طب هل هو فعلا بيزود السحب

اكيد طبعا على كلام الناس اللى جربته لانه بيدخل هوا اكتر للموتور زى الفلتر بتاع الانجيكشن بالظبط انما انا حطيته سمعت صوته وشيلته وانا واقف فملحقتش اشوف سحبه

**stlony** · 09-09-2009 09:45 AM

والله ديه اجابه وافيه واسال مجرب ولا تسال طبيب
بس ليه المخروطي مينفعش يركب علي الكربراتيرمع ان انا عندي خرطوم طالع من العمه زي الخرطوم بتاع الانجكشن (البوابه) بالظبط وفي في اخره علبه حديد تعتبر منظمه لدخول الهواء وبتعمل مرحله تنقيه اوليه قبل العمه انا بقا كنت فاكر اني ممكن اشيل العلبه الحديد ديه واركب الفلتر الرياضي
عموما في انتظار ردود اخري لو فيه

**khaled_rafea** · 09-09-2009 12:38 PM

كلام حضرتك مظبوط, تقدر تستخدم الماسورة الفيبر اللى خارجة من العمة او حتى تغيرها بالكوعة الاصلى بتاعة الفلتر, بس حتشيل الفلتر اللى جوا العمة و تتاكد ان مفيش اى تسريب يدخل هوا للكاربيراتير

**eslamrace** · 10-09-2009 10:23 AM

المشاركة الأصلية كتبت بواسطة khaled_rafea

كلام حضرتك مظبوط, تقدر تستخدم الماسورة الفيبر اللى خارجة من العمة او حتى تغيرها بالكوعة الاصلى بتاعة الفلتر, بس حتشيل الفلتر اللى جوا العمة و تتاكد ان مفيش اى تسريب يدخل هوا للكاربيراتير

بس افهم من كده ان ممكن الفلتر بناع الانجكشن يركب على الكربراتير؟؟؟؟؟؟؟؟؟؟؟؟؟؟
انا كل اللى سالته رفض الفكره اصلا ارجولو المعلومه اكيده حضرتك تاكدهالنا

**stlony** · 10-09-2009 11:00 AM

المشاركة الأصلية كتبت بواسطة eslamrace

بس افهم من كده ان ممكن الفلتر بناع الانجكشن يركب على الكربراتير؟؟؟؟؟؟؟؟؟؟؟؟؟؟
انا كل اللى سالته رفض الفكره اصلا ارجولو المعلومه اكيده حضرتك تاكدهالنا

اضم صوتي لصوته وارجو تاكيد المعلومه

بس عموما منطقيا مما لا شك فيه ان الانجكشن محتاج تنقيه اكتر من الكربراتير لان الرشاشات حساسه اكتر من بيكات الكربراتير فمنطقيا ايه المانع الفلتر الاسبور بتاع الانجكشن يركب للكربراتير

**khaled_rafea** · 10-09-2009 11:02 AM

بص يا باشا انا سالت و قالولى ينفع يركب عادى , بس المهم مقاس الفلتر لازم يكون مناسب للفلتر الاصلى اللى راكب عندك علشان متخنقش العربية, فيه عرض عند جو لفلتر سيموتا ب 85 جنية النهاردة, ممكن تجرب تركبة و مش حتخسر كتير