حسبنا الله و نعم الوكيل
عرض للطباعة
حسبنا الله و نعم الوكيل
انا كنت عند واحد بتاع استيكرات مشهور بدون ذكر اسماء
المهم لقيتو ماسك عربيه اوكتايا اي 5 وبيلزق عليها ورق الزيرو وجمبيه واحد عمال يعدل عليه
فانا حبيت اعمل عبيط
قلتلو هو حضرتك اللزق ده بتعمله بكام اصل انا عاجبني فكرت ان العربيه تكون غامقه والسقف والشنطه والكابوت ابيض
قالي لا دانا برجعها بلزق المصنع
طبعا انا كنت عارف الكلام ده
قلتلو طب وانتا بترجعو ليه
قالي عادي صاحبها زهق من شكلها وعايز يرجعها بشكل المصنع تاني
فاكرني جاي بعربيه همر صفرا مكتوب عليها جمرك نويبع
المهم
قلتلو وده بيتكلف كام قالي 350
طبعا باين من السعر ان ده معرض جايبهالو وعايز يرجع شكلها زيرو نصبايه يعني
لا حول ولا قوة الى بالله
الناس باظت ياجدعان
مافيش اخلاق ولا خوف من ربنا
عشان كدا انا عاوز اجيب واحده من هنا وابقى انزلها معايا
افتكر الماروتى روحت الوكاله عشان استلم لاقتها ماشيه 60 كيلو بسأل ليه قالى بنعلق عليها نمر فى المخزن ونسوقها لغاية المعرض يعنى غلابه موش قادرين يجيبو عربيه يرفعوها عليها ونستلمها زيروووووووووووووووو
الموضوع دة معروف فى الحرفيين ومن فنرة
لو عايز يطلعولك العربية من فرن الدوكو بلزق الفابريكة عاااادى جدا بيتباع ويتلزق
علشان كدة اى حد يشترة زيرو ميفرحش باللزق اللى عليها ويسيبها شهور بالمنظر دة , المفروض قبل مايستلم يخلى المعرض يشيل الورق ويغسل العربية وبعدين هو يستلم بعد الكشف
انا علي كده لو حبيت اجيب عربية جديدة اشتريها من عندي في الامارات احسن و ربنا يعني علي بتوع الجمارك
لاحول ولا قوة الا بالله
ربنا يرحمنا
انا شفت عربيات زيرو واقفه عند واحد بتاع دوكو بتترش فيها بعض المناطق كان وحده بترش سقف وفي وحده كانت بترش رفرف المهم سالت وعرفت ان العربيات دي بتاعه المصريه وبترجع تاني للمعرض وتتباع علي انها زيرو...المهم عديت عند المعرض ولقيت عربيه منهم واقفه والجميل بقي ان مكانش راكب في الرفرف فانوس الاشاره تقريبا بتاع الدوكو ضيعه او نسي يركبه.
لا حول ولا قوة إلا بالله لهذا الحد بلغ الإستغلال من الإنسان لأخيه الإنسان؟؟؟؟
يعني مش مكفيه مكسبه الضخم من صفقاته دي كلها .. وعاوز كمان يزود شوية بشوية نصب
ربنا يعفوا عنا ويرحمنا ده أكيد من أعمالنا سلط علينا