-
مشكلة بالعفشه عندي
السلام عليكم
عندي في عربيتي (بيجو 305) كان فيه خبط بسمعه تحتي في العجله الأمامية شمال
فكانت الأول من الكبالن ، و غيرتها بكبالن جديده فرنساوي جديد
و راح الخبط الجامد ، بس بقي فيه خبطة ان العجل الأمامي لما يتهبد هبده جمده مثلاً ، او انه يبقي علي أرض مكسره او مستوي أرض مش متساوي مثلاً مطب ، فبسمع الخبطه دي
المم خليت العفشجي يراجعلي عن كل حاجه
راجع علي السوست لاقاها تمام ، و البطاحات تمام ، و الميزان تمام ، علي كلامه
المهم قالي عندك المشكله من المقصات
و بالفعل غير المقصات النهارده بمقصات فرنساوي جديده
بس الخبطه لسه موجوده ! ، يمكن قلت شوية ، بس لسه موجوده ! , فالعفشجي قالي دي لأن المقصات لسه جديده و اصبر عليها شوية علشان تتظبط مع العفشه و تتأقلم معاها و الخبط ده هيروح !!
بس مش عارف انا مش مقتنع بالكلام ده ولا مقتنع انها كده ممكن تزول ايام الجايه
فأيه رأيكم ؟ و نصيحتكم ؟
-
غالبا دى بيضة دركسيون خفيفه شويه
وياريت تخليه يطمن على أن مساعد الفرده الشمال الى حد ما قوة تحمله مثل المركب فى الجنب اليمين
-
الف شكر يا بشمهندس سمير ، والله هو كان شاكك قبل كده في المساعد الشمال لأنه كان محجر ، فلما فكه لاقه سليم بس كان عايز يتغيرله زيت و يتركبله جلبة جديده
و فعلاً عمل كده و المساعد بقي تمام ، بس دي مشكش انها مساعد
بالنسبه لبيضة الدركسيو , فدي فين بالظبط يا بشمهندس و ايه وظيفتها و ياريت لو صورة توضيحيه لها ؟ معلش نا خبرتي بسيطه بالموضوع ده
-
طيب خد أقرأ الموضوع ده الأول
وشوف كده لو ليك سؤال تانى
قول عليه
دوس هنا
Content Relevant URLs by
vBSEO 3.6.0 PL2