المصري اللي علي حق , يقول للحكومة لأ !!

**Samir Elshahawy** · 08-09-2009 11:59 PM

أخواني الكرام .....
كل عام و حضراتكم بخير ....

علي طريقة أهل الفن و الدراما أستغلت الحكومة شهر رمضان و نزلت السوق بكل قوتها , فأمطرت الناس بأعلانات خفيفة الظل نافست بها المسلسلات و البرامج في تكاليفها و عدد مرات اذاعتها , و للأمانة حققت هذه الاعلانات نجاحا منقطع النظير فأقبل عليها الكبار و حفظ الصغار كلماتها عن ظهر قلب.

من لاينسي ... قنطرة الدفاتر , و أحسبها صح , و المصري اللي علي حق يقول للغلط لأ

و لكن ألم يكن من الاولي ان تهتم الحكومة بأنفاق مثل هذه الاموال علي تنقية المياه و توفيرها لكل أبناء مصر و القضاء علي التلوث و علي البطالة بدلا من أنفاقها علي الاعلانات و الدعاية و الترويج لمطالب الحكومة لشعبها , ثم من أين أتت هذه الاموال أليست هي أموال الضرائب و ماتجيبه الحكومة ليل نهار من الشعب الكادح و المطحون , ألم تدعي هذه الحكومة قلة الموارد مما دفعها لألغاء الدعم و رفع أسعار بعض السلع عدة مرات و زيادة و فرض أنواع جديدة من الضرائب لمواجهة عجز الموازنة الدائم

لذا فالشعب من حقه ان يسأل الان من اين دبرت الحكومة أموال هذه الاعلانات كما انه من حقنا ان نسأل أليس من الاجدي تطوير المرافق التي تدنت لأدني مستوياتها منذ سنوات أو رفع الاجور بدلا من انفاقها في هذه الاعلانات

بصراحة يجب أن تكون هناك رقابة و محاسبة علي مثل هذا النوع من الانفاق و أن يأخذ المواطن بما جاءت به أعلانات الحكومة و يحسبها صح و يقول لحكومته علي تصرفاتها الخطأ لأ.

**Dr Zezo** · 09-09-2009 12:14 AM

حضرتك مفيش اي مشكلة

نطلع كلنا و نقول لأ

لا تغيير

و الحكومة ستتركك تعبر عن نفسك - ديموقراطية:10D5C8~1107::10D5C8~1107: -

القاعدة الجديدة بتقول

اتكلم براحتك ..

انما تتحرك او تنفذ علي الارض حاجة كده ولا كده

هيكون الشعار منفاخ لكل مواطن

**أشرف فتحى** · 09-09-2009 12:47 AM

اولا ...حمدالله على السلامه يا باشمهندس.....

نيجى بقى للموضوع.....

الفكره من التكثيف الاعلامى عن طريق الإعلان المدفوع واستغلال اوقات الذروه وشهر رمضان....إن نسبه المشاهده بتزيد فى رمضان حسب الاحصائيات بنسبه ستين بالمائه وفى هذه الحاله تكثف الحكومه إعلاناتها بهدف خلق وعى قومى من خلالالاعلان....يعنى الملايين دى كانت بفايده مش زى المجلات الدوريه والهبل اللى محدش بيعرف عنها حاجه....

**D . a .\ AYMAN** · 09-09-2009 02:47 AM

الإنفاق الحكومي اللى في غير محله مش هوة الإعلانات

ده حاجات تانية كتير كلنا أعتقد عارفينها وشايفنها

**mohamed_abzo** · 09-09-2009 10:42 AM

المشاركة الأصلية كتبت بواسطة SE_coralsea

أخواني الكرام .....
كل عام و حضراتكم بخير ....

علي طريقة أهل الفن و الدراما أستغلت الحكومة شهر رمضان و نزلت السوق بكل قوتها , فأمطرت الناس بأعلانات خفيفة الظل نافست بها المسلسلات و البرامج في تكاليفها و عدد مرات اذاعتها , و للأمانة حققت هذه الاعلانات نجاحا منقطع النظير فأقبل عليها الكبار و حفظ الصغار كلماتها عن ظهر قلب.

من لاينسي ... قنطرة الدفاتر , و أحسبها صح , و المصري اللي علي حق يقول للغلط لأ

و لكن ألم يكن من الاولي ان تهتم الحكومة بأنفاق مثل هذه الاموال علي تنقية المياه و توفيرها لكل أبناء مصر و القضاء علي التلوث و علي البطالة بدلا من أنفاقها علي الاعلانات و الدعاية و الترويج لمطالب الحكومة لشعبها , ثم من أين أتت هذه الاموال أليست هي أموال الضرائب و ماتجيبه الحكومة ليل نهار من الشعب الكادح و المطحون , ألم تدعي هذه الحكومة قلة الموارد مما دفعها لألغاء الدعم و رفع أسعار بعض السلع عدة مرات و زيادة و فرض أنواع جديدة من الضرائب لمواجهة عجز الموازنة الدائم

لذا فالشعب من حقه ان يسأل الان من اين دبرت الحكومة أموال هذه الاعلانات كما انه من حقنا ان نسأل أليس من الاجدي تطوير المرافق التي تدنت لأدني مستوياتها منذ سنوات أو رفع الاجور بدلا من انفاقها في هذه الاعلانات

بصراحة يجب أن تكون هناك رقابة و محاسبة علي مثل هذا النوع من الانفاق و أن يأخذ المواطن بما جاءت به أعلانات الحكومة و يحسبها صح و يقول لحكومته علي تصرفاتها الخطأ لأ.

ده اخر اهتمامات الحكومة

**sab3aawy** · 09-09-2009 12:01 PM

مجرد تعليق بسيط ، رغم انى بحاول من فترة طويلة جدا متدخلش فى حوارات المنتدى الاجتماعى حتى اظفر بالخروج من المنتدى بكامل قواى العقلية، لكن مجرد تقرير لحقيقة واحدة انا بلمسها بيدى وعينى ومن خلال عملى تعليقا على المقارنة بين الانفاق على الاعلانات وبين الانفاق على تنقية المياه تحديدا ، فاعتقد ان مافيش وجة للمقارنة اصلا ، لأن وبالأرقام وبمتابعتى لحجم اعمال مرت امام عينى ميزانية تطوير محطات انتاج وتنقية المياه وشبكات توزيع المياه وشبكات جمع ومعالجة الصرف الصحى فى عام 2009 وحدها 15 مليار جنيه، ما بين انشاء محطات مياه جيدة فى القاهرة والجيزة وعدد كبير من مدن وقرى مصر، وانشاء شبكة مراقبة مركزية لها محطه مراقبة مركزية فى القاهرة ومحطات فرعية فى كل محافظة تتيح مراقبة ومتابعة كمية الانتاج على مستوى مصر كلها ومتابعة جودة كل نقطة مياه تخرج من كل محطة انتاج فى مصر كلها ضمن مشروع قومى يتم تنفيذة على خمس سنوات وتم الانتهاء منه فعلا بالنسبة لمحافظة القاهرة والاسكندرية وجارى العمل فيه فى محافظات المنيا واسوان وكفر الشيخ والغربية، تليها المنوفية والشرقية ودمياط والدقلهلية وبنى سويف والفيوم ومن ثم باقى المحافظات ،

لا انكر ان بلدنا فيها سلبيات بالجملة لكن احنا اتعودنا منشوفش غير الوحش، انا مش بشتغل فى الحكومة ولا يهمنى ادافع عنها ،لكن بشتغل فى مكان يرتبط عمله بتنفيذ مثل هذة المشروعات سواء فيما يتعلق بالمياء او الكهرباء او الغاز الطبيعى او التليفونات ،وعملى يدفعنى انى اسافر لكل قرية فى مصر تقريبا، واقد اقول بكل ثقة ان الطفرة اللى حصلت فى مجال المرافق فى القرى فى مصر فى ال15 سنة من ساعة ما انا ابتديت اشتغل لحد النهاردة تفوق ما تم انجازه فى مجال المرافق من يوم ما مصر قالت يا مرافق اصلا ، واى انسان عايش فى ريف مصر لو قارن المرافق المتاحة له الآن بمثيلتها من 15 سنة فاتت هيؤيد كلامى تماما....بس احنا للأسف عينينا مش بتشوف غير الوحش

**ahmed4000** · 09-09-2009 12:42 PM

المشاركة الأصلية كتبت بواسطة sab3aawy

لا انكر ان بلدنا فيها سلبيات بالجملة لكن احنا اتعودنا منشوفش غير الوحش، انا مش بشتغل فى الحكومة ولا يهمنى ادافع عنها ،لكن بشتغل فى مكان يرتبط عمله بتنفيذ مثل هذة المشروعات سواء فيما يتعلق بالمياء او الكهرباء او الغاز الطبيعى او التليفونات ،وعملى يدفعنى انى اسافر لكل قرية فى مصر تقريبا، واقد اقول بكل ثقة ان الطفرة اللى حصلت فى مجال المرافق فى القرى فى مصر فى ال15 سنة من ساعة ما انا ابتديت اشتغل لحد النهاردة تفوق ما تم انجازه فى مجال المرافق من يوم ما مصر قالت يا مرافق اصلا ، واى انسان عايش فى ريف مصر لو قارن المرافق المتاحة له الآن بمثيلتها من 15 سنة فاتت هيؤيد كلامى تماما....بس احنا للأسف عينينا مش بتشوف غير الوحش

الله ينور عليك يا سبعاوى
نفسي الناس تبطل نقد بلا توقف
يعنى ايه المشكلة لما فعلا نوفر فى المياه والكهربا والبنزين والغاز
مهى فلوسنا اللى بتترمى فى الهوا دى
ودينيا فالرسول امر بالنهى عن الاسراف فى المياه ولو كنت على نهر جار

يبقى ايه المشكلة لما نبدا بنفسنا فعلا ونحاول نوفر، تخيل لو كل بيت وفر لتر مياه واحد فى اليوم (سمعت ان تكلفة انتاجه 2 جنيه وتكلفة تصريفه ادهم) تخيل لتر واحد بس يتوفر حيوفر فى اليوم 20 مليون جنيه (على اساس 10 مليون اسرة)
يعنى شوف كام فى السنة حيتوفروا

وده مش للحكومة

ده لينا والله

علشان قبل منشتكى من سوء التعليم والصحة والطرق ...الخ لازم نقول حنجيب الفلوس دى منين؟

**Samir Elshahawy** · 09-09-2009 12:50 PM

ألف شكر لكل من شاركوا و علي رأسهم طبعا كبيرنا م/ خالد , شكرا علي الايضاح و المعلومات و لكن ....
ألم يكن من الاولي أيضا أن توجه الحكومة أعلاناتها الي مجالات أكثر أهمية و حيوية مثل :
- الوعي المروري و الاشارة الي الاخطاء الشائعة علي الطرق من جانب المركبات و المشاة
- التنبيه علي مشاكل خطيرة مثل أنفلونزا الخنازير و كيفية التعامل معها خاصة و نحن مقبلون علي بدء عام دراسي جديد
- توعية المستهلك المصري بكيفية النمط الاستهلاكي خاصة و نحن في شهر رمضان
- توعية المواطنين الي أهمية دورهم الانتخابي و المشاركة الفعالة خاصة و نحن مقبلون علي انتخابات برلمانية في القريب

ألا تذكروا معي منذ سنوات طويلة أعلانات من نوعية :
- أنظر حولك
- ماما كريمة لمشروع معالجة مرض الجفاف)
- الحفاظ علي البيئة و عدم ألقاء القمامة بالشارع (....... دي زبالة ياجاهل !!)
و غيرها مما لاتسعفني الذاكرة لذكرها و أري أنها اتت بمفعول أما الاعلانات الحالية فهي موضة رمضانية سرعان ماتنتهي دون تحقيق أي هدف أو جدوي

باشمهندس / خالد ..
أتفق معك تماما في أن ماتم تحقيقه في 10 سنوات في مجال المرافق و الخدمات و البنية الاساسية يفوق تماما ماتم انجازه علي مر 100 عام و أن هذه الانجازات واضحة و لا تحتاج لدعاية أو اعلان و لكن ألا تتفق معي ان هناك زيادة في معدلات البطالة و الفقر بالرغم من كل تلك المشروعات و الانجازات , ألا تتفق معي أن وعي المواطنين و أنتمائهم قد تردي الي الحضيض

نحن جميعا نتفق أن مصر ليست الحكومة و أن مصر = حكومة + شعب
لايمكن أن يعمل أحدهما دون الاخر

ما قصدته هو أن تنصت الحكومة للشعب و لمطالبه و في نفس الوقت أن يتفهم الشعب ظروف الحكومة و يتطلع علي ماتقوم به من أنجازات و يحاسبها علي ماتخفق في تحقيقه

و كل عام و أنتم جميعا بخير
م/ سمير الشهاوي