عربيتي الأفيو اتخبطت....الحمد لله
السلام عليكم ياشباب .....
كنت راكن العربيه في مصر الجديده وركبت مع واحد زميلي عربيته ورحنا اكتوبر ورجعنا وجيت ببص عالعربيه لقيت عربيه جيب شيروكي راكنه جنبها وخبطتها وحكت الجنب اليمين بالكامل بس الأكثر تضررا الباب اليمين اللي جنب السواق هو اللي اتطبق جامد ..... اتصدمت لما شوفت العربيه ولكن الحمد لله قدر الله وماشاء فعل المهم لقيت بواب العماره اللي كنت راكن قدامها جايلي وبيسألني انت صاحب العربيه قولتله ايوه قاللي ثواني لقيته جابلي صاحب العربيه الشيروكي والراجل اعتذرلي وقاللي اللي انت عاوزه انا تحت امرك .... المهم ربنا يعوض عليا....
المهم انا عاوز اصلحها لقيت منصور اللي في الهرم ك4.5 بيقولي بعد العيد المهم انا مضايق من منظر العربيه كده وعاوز اصلحها قمت اتصلت بالياسين اللي في شارع جوزيف تيتو قالولي حضرتك هاتها بكره وان شاء الله هنخلصها على طول على حسب الشغل اللي فيها...
انتم ايه رأيكم اوديها الياسين ولا استنا منصور ك4.5 افضل؟وهل حد جرب الياسين (شارع جوزيف تيتو) قبل كده ولا لأ؟ انا اهم حاجه عندي اللي هيعمل العربيه كأن ماتعملش فيها حاجه .... ياريت تفيدوني ياشباب لحسن انا زعلان عالعربيه جدا
واخيرا ربنا يستر طريقنا جميعا ويحفظنا قادر ياكريم يارب