صوت غريب فى الماتور

**A.samy** · 09-09-2009 05:10 AM

السلام عاليكم ورحمة الله وبركاته

العربية بعد الحادثة الحمد لله اتصلحت بس بسمع صوت غريب جاى من الجانب اليمين من الماتور ناحية سير الكاتينة الصوت عبارة عن شخللة عالية ومش عارف من اية بالظبط
انا سمعت قبل كدة عن صوت الصفارة بس الصوت دة اول مرة اسمعة فى عربية كأنك حاطت رمل او حصى جوة علبة الشكمان الاول كنت فاكر ان المشكلة فى الشكمان ان دخل فية رمل او زلطة صغيرة بس لما فتحت الكابوت لقيت الصوت جاى من ناحية الماتور وخايف اروح للميكانيكى يفتحلى فاتحة ويطلع الموضوع ما يستهلش
وكنت عايز اعرف الصوت دة ممكن يكون طالع من انهى جزء فى العربية بالظبط

**zocor742** · 09-09-2009 05:25 AM

اعتقد حتحتاج تروح لمكانيكى عشان تطمن وتشوف العيب وتعالجة
بس حضرتك دور على ميكانيكى شاطر وامين عشان العملية كلها متوقفة على الامانة
وزى ما فى صنايعية ولاد فى بردة ولا حلال