فى رأيك من هم اسوء سائقى سيارات فى مصر :
1- المـــلاكى
2- التاكسى
3- الأتوبيس
4- الميكروباص
5- التقـــل
6- المقطـــورة
7- أخرى
عرض للطباعة
فى رأيك من هم اسوء سائقى سيارات فى مصر :
1- المـــلاكى
2- التاكسى
3- الأتوبيس
4- الميكروباص
5- التقـــل
6- المقطـــورة
7- أخرى
بصراحه مقدرش أحكم لأن فى كل مهنه فى المحترم وفى الزباله
انا شخصيا العربيات اللى اتضريت منهم وخبطونى بغبائهم
ملاكى - تاكسى - كاررو
رأى الشخصى سواقى الميكروباص
منه لله اللى سمح لهم بالقيادة
دول كانوا أوائل الناس اللى بوظوا السواقة فى مصر :(
المشكلة الحقيقية فى أسلوب تشغيل الميكروباص فى مصر هو اللى فارض على السائقين دول تصرفاتهم اللا مسئولة
حسبى الله وهو نعم الوكيل فى سواقين الميكروباص بجد دول محتاجين يتعملهم غسيل مخ جايز بعد كده ينفعوا فى حاجة
ميكروباص القاهره رقم واحد ويليه الاسكندريه
وخصوصا الناس اللى مش مركبه نمر زي اللى فى عين شمس وبظبتوا الظبات ب 20 جنيه علشان يسيبهم ماشيين من غير نمر وطبعا صباح الاستهتار والخربشه فى عربيات الناس والازعاج
سواقين المكروبص طبعا
لأن مهما كان غباوة و استهتار سواقين النقل و المقطورة فمش بتتعامل معاهم يوميا و بتحتك بهم كتير زي الميكروباص..دول بس في طرق السفر و الدائري و الزراعي خاربينها لكن المكروباص صبح و ليل معيشينا في قرف
المهنة تحكم عليه يقف كل دقيقة و استهتاره و قلة ضميره محسينه انه عيب يقف على جنب و عيب يغير لمبة الفرامل اللي مش شغاله و لو أدلك اشارة يبئى بيستهلك العربية و يقصر عمرها و لو ما قضاهاش كلاكسات الناس مش هتشوفه و محدش هيركب ولا هيوسع الطريق و و و و و و و و وو .................كل حياتهم فساد و بلطجه (الا ما رحم ربي)........
و بعدين الأخ اللي مش عاجبه مكروباصات عين شمس أم منغير نمر !!!!! يعني هيه النمرة هيه اللي هتصلح حاله!!! ما هي علب صفيح ترامكو و عيال صغيرة كتير بتشتغل عليها و لاظم في كل كنبه اربعة و اتنين قدام!!!!!!!!!! ازاي معرفش
ياما ركبناها ايام اعدادي هندسة المطرية و صباحه زنقة!!!!!! تكون صايم و المكروباص يكون عجينه ولاد على بنات على رجالة على ستات...........ارحمنا يارب
لحد ما ربنا كرم و طلعنا رخصة في سنة أولى و اترحمنا.......ما هو كان ب 30 قرش و احيانا 25 قرشو التاكسي ب اتنين أو تلاته جنيه من المترو للكلية يعني فرق شاسع و هيه كلها خمس دقايق مش فارقه.................
الله يكون في عونك يا مصر......................................و برضه بنحبك و هنحبك علطول
التاكسي والميكروباص بالتساوي
الميكروباص بيستعمل اشاراته عند الشتيمه فقط، علشان كده اول حاجه بتبوظ هو دراع النور عنده
الميكروباص و
الميكروباص و
الميكروباص و
الميكروباص بكل انواعه في اي منطقة وبالذات الترامكو