مين ناوى يستنى التخفيضات الجمركية اخر السنة

**mcml_13** · 10-09-2009 05:40 AM

المشاركة الأصلية كتبت بواسطة mk20022002

انا هستنى طبعا حتى لو نزلت 3 او 4 الاف بس و كفاية انى هشترى موديل 2010 من ناحية و من ناحية يبقى الانتظار كان بفايدة لانى مستنى من مارس اللى فات وبعدين دى لو نزلت الف واحد بس انا اولى بية من ولاااااااااد التيييييييت اللى هابلنا اعلانات فى التلفزيون عامل على بطال دول.....

طب ماتيجى نحسبها حسبة تانية .... شوف حضرتك لو معاك الفلوس و ماشترتش دلوقتى و عاوز عربية تبقى معاك (لو اجرت عربية مثلا ال 3 شهور دول هاتكلفك كام ؟؟؟؟؟؟؟ )
اكيد هاتدفع اكتر بكتير من ال 3 الاف اللى عاوز توفرهم ... فى نفس الوقت لو جبت عربية دلوقتى هاتبقى بتاعتك و تحت ايدك و هاتستفيد منها الكام شهر دول اكتر بكتير من المبلغ اللى هاتوفره
عموما هى وجهات نظر و الاختلاف فى الرأى لا يفسد للود قضية

المشاركة الأصلية كتبت بواسطة nile heart

انا مش عارف احضرتك سنك كام, بس احساسى انك طالب.. ان شاء الله لما ربنا يكرمك وتكبر وتتجوز هاتعرف معناها ايه الالف او الألفين دول ايه

يعنى دول ممكن يفتحوا البيت اسبوع او شهر.. او مصاريف مدرسة ابنك شهر أو حتى سنه.

انا مع حضرتك تمام ان الالفين جنيه يفتحوا بيت اسبوع او شهر و كل ده كلام كويس
بس اللى هاتفرق معاه فعلا قوى لو واحد هايشترى عربية ب 10 او 20 الف جنيه
انما اللى هايدفع فى عربية اكتر من 60 الف ( و اعتقد ده اقل سعر اوروبى زيرو ) مش هايفرق معاه الالف جنيه اللى هاتنزلهم العربية

**Dr Zezo** · 10-09-2009 11:16 AM

مش هتفرق كتير للاسف

**sherifahmed** · 10-09-2009 02:47 PM

بالنسبة للاعضاء اللى بيؤلوا مش فرقا وروح اشترى و الكلام دا
الموضوع فى كذا مصاحة لينا
1) لو هاتنزل 4% السنة دى و كل سنة , الناس هاتستنى سنة ورا سنة عشان عارفين انها هاترخص
2)لما كل سنة التخفيض هايحصل اى حد هايشترى عربية هاينزل من تمنها على طول 4 او 5 تلاف جندى اول ما يدفع تمنها عشان السنة الجية هاتنزل جديدة بتمن المستعمل
3)المستعمل سوقه هايرخص عشان الجديد هايبأه بتمن المستعمل
4)التخفيض على الاوربى بس فاللاسيوى مش هايبيع (مثلا تلاقى اوكتافيا سعرها زى الكورولا فهاتشترى ايه) فا هايضطر نتوع الاسيوى انهم ينزلوا عشان يبيعوا
5) العربيات اللى فوق ال2000 cc هما اصحاب اكبر تخفيضات فلما مسلا سعر ال320 i يقرب لتحت هاينزل كل ال1600 تحت عشان يبيع و الا الناس تركب الاعلى

فكره فى الموضوع زى مايكون عمارة من 10 ادوار و المواطن المصرى فى الدور الاول و وول عربية ممكن يجيبها فى الدور التانى
فلما اعربيات اللى فى العاشر هاتنزل التاسع اللى فى التاسع هاينزل التامن و هاكذا لغاية الى فى الاول يجيب العربية

و الموضوع مش بس السنا دى , لا دا مستمر سنة بعد سنة
و فى النهاية اللى عايز يشترى يشترى بس انا مستنى
و على رأى التلفزيون اللى اوفر فيه انا اولى بيه

**party_0000** · 10-09-2009 04:03 PM

ياجماعه انتوا مش متصورين توكيل بي ام منزل 10 الف خصم على عربيه تمنها 230 الف وممكن ينزل كمان كله ده علشان يزيحوا 2009 فاكيد كل ده في صالح اللي هيشتري 2010 لو صبر هيلافيها ارحص كمان

**AshTurbo** · 10-09-2009 04:03 PM

توضيح بسيط بس وهو أن تخفيضات الجمارك على السيارات الأوروبية هتبتدي من شهر 10 يعني آخر أكتوبر بالظبط يعني كمان 50 يوم مش ديسمبر وهو دة نظام الجمارك اللي ماشي على كل موديلات العربيات ومن ضمنها الأوروبي الكلام دة على لسان رئيس مصلحة الجمارك ولو أي حد عاوز يتأكد يسأل ومش هيخسر حاجة .

تعليقاً على الموضوع طبعاً بكل المقاييس الأنتظار أفضل مش محتاجة نقاش سواء كان من ناحية التوفير حتى ولو كان ألفين جنية مش أربعة أو سواء كان نكاية في التوكيلات والتجار اللي سلخوا جلد المشترين من كتر النصب والسرقة وأهو نردلهم شوية من جمايلهم علينا , بالنسبة لي أنا حاطط في دماغي عربية أوروبي ومستنى التخفيض اللي هيحصل عشان أستفاد بيه وبالتالي أنا أستفدت من ناحيتين أولهما التخفيضات اللي عملها التوكيل على العربية دي عشان يبيع في وقت الركود وثانيهما تخفيض ال 4 آلاف جنية بأذن الله لو لينا عمر وأشترينا بعد تخفيض الجمارك .

**محمد محمد** · 10-09-2009 06:43 PM

المشاركة الأصلية كتبت بواسطة sherifahmed

4)التخفيض على الاوربى بس فاللاسيوى مش هايبيع (مثلا تلاقى اوكتافيا سعرها زى الكورولا فهاتشترى ايه) فا هايضطر نتوع الاسيوى انهم ينزلوا عشان يبيعوا
5

ومين قال ان الأسيوين هيسكوتوا الشركات الكبيرة اللى زي تويوتا عندهم مصانع في اوروبا واكيد هايستغلوا الموضوع ده دول يابانيين (اللي يشوف برنامج خواطر بتاع احمد الشقيري هيفهم الموضوع ده).
عندك هنا في مصر لما بقي فيه ركود تويوتا راحت منزلة الكورولا بالفتيس الأوتوماتيك العادي علشان تنشط المبيعات.

**Terrible_DaRsH** · 10-09-2009 07:38 PM

احسن حاجة ان مشروع الاحلال ده تم فى وقت الازمة العالمية .

طبخوها سوا و كل اللانوس و الفيرنا و اللادا و الاسبرانزا اللى فى البلد اتباعت بكل سهولة .

**mk20022002** · 10-09-2009 11:03 PM

المشاركة الأصلية كتبت بواسطة sherifahmed

بالنسبة للاعضاء اللى بيؤلوا مش فرقا وروح اشترى و الكلام دا
الموضوع فى كذا مصاحة لينا
1) لو هاتنزل 4% السنة دى و كل سنة , الناس هاتستنى سنة ورا سنة عشان عارفين انها هاترخص
2)لما كل سنة التخفيض هايحصل اى حد هايشترى عربية هاينزل من تمنها على طول 4 او 5 تلاف جندى اول ما يدفع تمنها عشان السنة الجية هاتنزل جديدة بتمن المستعمل
3)المستعمل سوقه هايرخص عشان الجديد هايبأه بتمن المستعمل
4)التخفيض على الاوربى بس فاللاسيوى مش هايبيع (مثلا تلاقى اوكتافيا سعرها زى الكورولا فهاتشترى ايه) فا هايضطر نتوع الاسيوى انهم ينزلوا عشان يبيعوا
5) العربيات اللى فوق ال2000 cc هما اصحاب اكبر تخفيضات فلما مسلا سعر ال320 i يقرب لتحت هاينزل كل ال1600 تحت عشان يبيع و الا الناس تركب الاعلى

فكره فى الموضوع زى مايكون عمارة من 10 ادوار و المواطن المصرى فى الدور الاول و وول عربية ممكن يجيبها فى الدور التانى
فلما اعربيات اللى فى العاشر هاتنزل التاسع اللى فى التاسع هاينزل التامن و هاكذا لغاية الى فى الاول يجيب العربية

و الموضوع مش بس السنا دى , لا دا مستمر سنة بعد سنة
و فى النهاية اللى عايز يشترى يشترى بس انا مستنى
و على رأى التلفزيون اللى اوفر فيه انا اولى بيه

+10000000000000000000000000

**sherifahmed** · 14-09-2009 12:10 PM

ومين قال ان الأسيوين هيسكوتوا الشركات الكبيرة اللى زي تويوتا عندهم مصانع في اوروبا واكيد هايستغلوا الموضوع ده دول يابانيين

طب و الكورى؟
انا شايف ان الدنيا جاية لمصلحتنا

**Samir Elshahawy** · 14-09-2009 01:23 PM

المشاركة الأصلية كتبت بواسطة sherifahmed

اخر السنة اول التخفيضات على العربيات الاوربية بسبب اتفاقية التجارة الاوربية
و النهاردة 9 سبتمبر
يعنى فاضل اكتوبر نوفمبر ديسمبر
و اصلا البيع واقف دلوقتى بسبب رمضان و المدارس و الوكلا نازلين اعلانات فى التلفزيون عامل على بطال لاول مرة فى تاريخك يا مصر عشان يلحقوا يعملوا اى مكسب السنة دى
بس كل ما السنة هتقرب تخلص الناس هاتمسك نفسها انتظارا للسنة الجديدة زى كل سنة
فانا ناوى استنا و احرق دم اليشر دى مين معايا؟

أنا ناوي أستني لحد ما الجمارك تترفع خالص و لو هانتظر لأخر العمر و بعد كده ها أشتريها من بره مصر كمان

الموضوع: مين ناوى يستنى التخفيضات الجمركية اخر السنة

LinkBack

أدوات الموضوع

عرض

-

-

-

-

-

المواضيع المتشابهه

التعديلات الجمركية الجديدة

السنة الثانية من التخفيضات الجمركية على السيارات

النسبة الجمركية على مختلف الدرجات النارية

قولتلكو قبل كدة اللى ناوى يشترى بالتقيسط يستنى لان فايدة البنوك هتنزل,,,واهى نزلت,,

الكلمات الدلالية لهذا الموضوع

المفضلات

المفضلات

ضوابط المشاركة