الناس دي هبلة ولا فاكرينا هبل!!!!
صباح الفل عليكم......
بأختصار ضمن شريط الأخبار على قناة مزيكا و مزيكا زوم و بالصدفة والله لأني ما بأجيبهمش خالص في رمضان لأنهم مش واخدين بالهم اننا في رمضان أصلا وأخر استهبال و كليبات في عز الضهر....
المهم......
لقيت خبر كاتبينه طبعا عن نجم الجير (كاشف صدري) تاموره أو تيمو زي ما بيقولوله العيال اللامؤاخذة و البنات اللي مخها في البلاله......الخبر بيقولك ان فيه بنت كانت يا حبة قلبي في المستشفى ولازم تعمل عملية و كانت رافضة تعملها الا لو شافت تامورة (اه والله) و كانت مصرة ما تعملش العملية وده فيه خطر على حياتها فأهلها كلموا ملاك الرحمة و سفير الانسانية المرهف تامورة وجه طبعا لأنه (قلبه طيب و دمعته قريبة) و زارها و ساعتها وافقت تعمل العملية و بالعكس استنى لغاية ما أطمن عليها و خفت.....و بكده يا شطار يا أمامير لازم تعرفوا ان تيمو مش بس فنان لأ ده انسان و ولد و بنت و جماد و حيوان و اكله و و و و و و ..................
الله عليك وانت واقف بين ايديا يا تيمو................
ما هو يا أما الناس دي هبلة يا أما احنا اللي مختومين بختم نهاية الصلاحية على قفانا (مع احترامي لكل التيمووية اللي بيموتوا في الهوا اللي حوالين سي تيمو)
البني أدم ده مجرد مغني من خمسميت ألف مغني ليه عامليه اسطورة و محسسينك انه زي اللمبي فاضله يومين و صورته تنزل عالجنيه!!!!!!!!!!!!!!!!
خبر زي ده ايه الفايدة منه!!!هوه يعني لا يعقل انه يحصل!!وغير كده حتى لو حصل احنا مال اهالينا!!!
حاجة مستفزة انا عارف انه اتفه من انه يتعمل عنه موضوع بس انا حبيت أفضفض شوية فالغربة.......
و يجعله عامر............