لسه شارى لانوس 2004 ومش عارف حاجه خالص الحقونى
انا لسه شارى عربية لانوس 2004 ويدوب اتعلمت امشى بيها شوية
دلوقت بعد ما استفدت منكم ف سعر العربية وشجعتونى اشتريها
هاتقل عليكم تانى واسال كام سؤال كده عشان لسه جديد ومعتمد على ردودكم
دلوقت معرفش صاحب العربية كان ممشيها على بنزين 80 ولا 90
وكمان لقيت الزيت ناقص كيلو وبردو مش عارف هو بيحطلها زيت ايه
الاسالة 1- هل بنزين 80 ينفع لسيارة لانوس 2004 ؟ علما بان مكتوب ف الكاتالوج ان نسبة الاوكتان 91 ron
2- ايه انسب نوع زيت للعربية وبكام عشان لقيت الزيت ناقص كيلو ؟ مكتوب ف الكاتالوج
api sh grade
sae5w/30
sae10w/30
sae10w/40
sae15w/40
3-هل فيه حاجه تانية اغيرها غير فلترر الزيت عشان معرفش صاحب العربية كان مغير كل حاجه امتى؟
4 - صوت العربية عالى هل ده عشان الزيت ناقص؟ واوطيه ازاى ؟
5- هى الكاوتش قديم شوية هل اغيره دلوقت ولا اسيبه اما اتعلم عليها وابهدله معايا وابقى اجيب واحد جديد باه اما اتعلم كويس على ده ؟
اللى يجاوب الخمس اسالة ويفيدنى هادعيله عن ظهر غيب (احسن هدية اهه)