ونسيت اهم درس
.
.
.
.
.
.
.
متكلمش شنوري في التليفون وانت سايق
عرض للطباعة
أشكرك .. فعلاَ انا بستعمل الطريقة دي مع المجانين اللي في الطريق زي اللي قابله كريم في الطريق .. تصرف الكاميرا ده أمن جداَ في حالة عمل حاجة أو كش و جاب ورا لأنه إثبات إنه حاول يعتدي عليك و كمان ممكن تخلي 80 مليون يدعوا عليه علي يوتيوب و ربنا هيخلص، و كل مصر تعرف إنه إنسان واطي .
حمد الله علي سلامتك يا كريم و يا رب خلصنا من الأشكال دي .
استاذ كريم احب احييك على تصرفك ده
بجد تصرف ذكى جدا
ربنا يستر طريقك بس فعلا ياريت تشتكيه فى تفتيش الداخلية لأن أكيد ناس كتير غيرك معرفتش تتصرف معاه زيك
حمدأ لله على سلامتك
تصرفك سليم و هاديء ... و أنك لا تقابل السيئة بالسيئة
و لازم فعلاً تتطلع على مديرية الأمن تشتكيه
أنا مش فاهم الناس مالهاا!!!!
لازم أوري اللي قدامي إني أقدر أذيه علشان يحترم نفسه.
بص يا كريم
انا باين لى من مشاركاتك
انك مش تقبل الاهانة - طبعا عندك حق
مش بتسيب حقك - برده طبعا عندك حق
والحتة دى انا زيك فيها تمام - ما تنساش ان احنا الاتنين سرطان -
بس المشكلة ان ساعات المشاحنات او المواضيع بتطول
وده بيخلينا نقولك خد حقك بس بعدها ابعد عن الشخص المستفز امثال المذكور ده لانه هيحاول يرد اللى قلته له وهو طبعا بيبقى مش شايف لسبب او لاخر انه غلطان
و يا ريت تتاكد انى مش بطلعك غلطان فى الموقف ده بس انا لازم اخاف عليك
تانى حاجة
لو هتقدم شكوى فى ........... ده
هوة حاجة من اتنين
ظابط
وزى ما الاعضاء قالوا ان الشكوى هتعمل له قلق
فرد عادى
وده حالتين
مرخص السلاح
اعتقد ان الشكوى ممكن تسحب منه الترخيص
مش مرخص
وده ممكن يكون مشكلة اكبر لو اتمسك
الحمد لله انك عرفت تتصرف يا استاذ كريم
معلش دى بس تيلاقيه عنده انفلونزا البلطجية
ربنا يخدة و ياخد امثاله بحق هذه الايام
حكمة تحسد عليها يا استاذ كريم
تنزل تعمل محضر بالكلام ده حالا يا أ كريم..
ده لو ظابط هاييجي يبوس رجلك عشان تتنازل ..
لو ظابط الظباط ملفاتهم في الداخلية بيبقى فيها كل حاجة و هما بيخافوا من كده..
دي حركة سافلة جدا بصراحة
حقيقى مش عارف اقولك ايه يا كريم...بس فعلاً الواحد خلاص ما بقاش يستبعد اى حاجة تحصل فى البلاد ديه
يعنى بجد ممكن تطلق لخيالك العنان!!!
و بعدين ده اساساً شخص جبان و انسان لا مؤاخذة.....لأنه لو راجل صح ماكنش استخدم السلاح اول ما نزل
كان نزل ع الاقل عمل عرض ظريف فى الاول و ما فكرش يطلع الهباب اللى معاه الا لما يحس انه هياخد ع قفاه
خاصةً و انك كنت لوحدك..معاكش حد عشان يخاف من العدد...و واضح من وصفك ليه ان بنيته مش ضعيفة عشان ما يستخدمش ايديه
بس زى ما بقولك ....واضح ان جبان و نازل يتحامى فى السلاح بدون اى مبررات....مش لازم يكون ظابط و لا ذفت ...ممكن يكون امين او فرد شرطة...و ممكن يكون واحد عادى....(كان فيه هنا اكتر من واحد كاتب ع الموضوع السلاح ده)
بس بصراحة فى رأيى لو كنت لحقت صورت خلقته الكريمة و العربية كنت رحت عملت محضر لعل و عسى يجيب نتيجة!
بعيداً عن الهم و البلاوى الزرقا ديه ...حاول تيجى ع نفسك شوية و تهدى فى المواقف الزبالة اللى زى ديه!!
يعنى حاول تتجنب انك تنساق ورا تتطورها من البداية ......يعنى كان شوح و لا اتنيل كنت سيبه يغور فى ستين داهية
و مش خوف و لا ضعف منك...لأنك عارف كويس انت ممكن تعمل أيه:3mla:...و اكيد اتخانقت قبل كده كتير و ظبط الاداء!! :khd: :70[1]:
بس المشكلة فى حالة الانحطاط و الجنان اللى وصلت لها الناس.....هتلاقى النوعية السافلة ديه بتستقتل باى طريقة عشان
تأذى اللى قدمها و بأزبل الطرق....و لما توصل للنقطة ديه معاه مش هاتعرف ترجع.....لأن يا كرامتك هتبقى ناقحة عليك جامد
يا اما هتبقى بتداقع دفاع شرعى نفسك....و ساعتها هتضطر تعمل اوسخ من اللى هو بيعمله....و فى الاخر النهاية مش هتبقى
سعيدة بالنسبة ليك ....حتى لو كنت انت الكسبان!!
انا عارف ان كلامى يبان نظرى نوعاً ما ..بس بصراحة الى حد كبير بقيت مقتنع بيه....اى نعم الواحد كان الاول ما بيعديش حاجة..
و اى نعم ساعات الموضوع بيبقى فوق الاحتمال ....و غصب عنك بتضطر ترد الغباء بغباء اكتر.....بس صراحة من كتر القرف اللى الواحد بيشوفه و بيسمعه.....بقى مقتنع بالكلام ده و بيطبقه قدر الامكان
و بعدين ما انت ما تعرفش ربنا بيرتب الامور ازاى.....يعنى ممكن تكون مصلحة انه استعرض قدامك بالزفت اللى معاه و انت خدت حذرك
لأنه كان ممكن يفضل متدارى....و طبعاً كان غالباً هيتسرع و يجيله هلع من منظر الصاعق ...او مع اول بوكس تناوله....و ساعتها كان ممكن يجرى عليها بدون وعى ....من الخوف ع نفسه
عشان كده بقولك حاول تبعد عن نفسك عن القرف فى بدايته (خاصةً لو معاك مراتك او ولادك).....عشان الواحد لو محدش موته او هو موت حد ...هيموت لوحده من حرقة الدم......:120146b
وحمد لله على سلامتك يا باشا
أنا مستغرب إن هو كش اصلا ..
يعني اللي يخليه يطلع طبنجة و دي مش حركة سهلة بالنسبة لظابط يخليه ياخد الموبايل و يكسره !
عادة النوع ده من المختلين مش بيفكر و ما بيحسبهاش و بيبقى عنده غرور القوة..
فيه ظباط كده