الموضوع: محدش يشتري من.........

بسم الله الرحمن الرحيم
............................
السلام عليكم وكل سنه وانتم طيبين

انا عامل موضوع عن العربيه الانسر الي أنا إشترتها في نفس الباب ده

المهم

معرض الحسيني في الزقازيق
ـــــــــــــــــــــــــ ـــــــــــــــــــ
المعرض ده شغال في العربيات المشغوله..والناس هناك مش تمام.لو طالوا يكلوك هيكلوك
وتسمع هناك حلفان وايمانات وقسم بالله
نصيحه لكل أهل الزقازيق....بلاش تروحوا هناك أو تتعاملوا مع المعرض ده...ولا حتى يكون وسيط في بيع أو شرا عربيه
ونفس الكلام عن معرض الشعار في ميت غمر الي قدام المحكمه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
تسمع برضو كلام كتير وحلفانات ...إوعى إوعى تفكر - ولو مجرد تفكير- إنك تعدي من هناك..لو قدروا يبيعوك هناك هيبيعوك..عربياتهم هناك مشغوله


أنا بقول كده للنصيحه والله
وخد بالك..أصحاب المعارض بيكونوا عرفين كل الميكانيكيه الي في بلدهم
يعني لو رايح تشتري..متجبش ميكانيكي من نفس البلد..حتى لو الميكانيكي بتاعك..محدش يضمن أخوه في الزمن ده .. الميكانيكي هيبيعك ويقبض تمنك من صاحب المعرض..وبعد كده العربيه كل يوم عنده ..ويقبض منك برضووو


وده للعلم مش للتشهير
وحسبي الله ونعم الوكيل فيهم

معرض الحسيني
تلاقيه وأنت خارج من الزقازيق..أول طريق القنايات على ايدك الشمال..عند موقف المنصوره
............
والله والله
كل التجار- الا من رحم ربي فعلا - بقوا كلهم جشع وطمع وافترى
وبيقولوا عليها انها شطاره في البيع
يعني لما تبيع قفص طماطم,نصه التحتاني مضروب والنص الفوقاني سليم
دي إسمها شطاره؟؟؟ ولا سرقه؟؟