السلام عليكم
العربية نوبيرا 2004
بيضاء
فابريكة بره و جوه
فيها بعض الخدوش
كاملة اوتوماتيك
56000 كم
المعاينة بجسر السويس عمارات الميريلاند
مطلوب 57 الف جنيه
عرض للطباعة
السلام عليكم
العربية نوبيرا 2004
بيضاء
فابريكة بره و جوه
فيها بعض الخدوش
كاملة اوتوماتيك
56000 كم
المعاينة بجسر السويس عمارات الميريلاند
مطلوب 57 الف جنيه
ربنا يسهلك بيعها بس عايزين نحس ان انت جاد في البيع مش بتجرب السوق
لان انت السعر كدة عالى كتيييييييييييييييير اسال عن النوبيرا دلوقتى وانت تعرف
لان اناجاد في الشراء
مش عالى ولا حاجه
بيقول 2004 فبريقه
و50الف كيلو بس
يعنى سعرها حلو جداا
حضرتك انا جاد و السعر مش عالي قوي ولا حاجة
ربنا يباركلك في البيع
يا ريت لو اي حد حابب يشتري اي عربية من على المتدى يبطل اسلوب البخث دة لان دة بيخلي الواحد ميحطش سعر والعربية لو حالتها كدة ومعايا الكاشات اشتريها ربنا يباركلك فيها يا فندم ويبعد عنك الباخثين
على فكرة انا لاعرفة ولا اعرفك بس مبحبش الاسلوب دة
دة في حديث فيما معناه عشان مغلطش ان ربنا مبحيحبش ان تبخثوا الناس اشيائهم حراااااااااااااااااااااام
ما شاء الله
ما شاء الله
ربنا يحنن قلوبكم
السعر مش عالى اوى
بس فية كلام
عالى شوية
على اقل من مهلك شوية ياعم يحيى عليا في اية وازاى السعر ما يكونش عالى شوية والواحد بيسمع اسعار النوبيرا 2003 بتباع 47000 جنية وتكون 2004 بـــ 57000 ج وحضرتك وصفتنى باننى بابخث للناس اشياءها وده كلام غير صحيح وكلام لا يليق بشخص محترم مثلك وافتح الوسيط على النت انهاردة وشوف الاعلانات بتاعت بكرة وبعضها اهواقتباس:
يا ريت لو اي حد حابب يشتري اي عربية من على المتدى يبطل اسلوب البخث دة لان دة بيخلي الواحد ميحطش سعر والعربية لو حالتها كدة ومعايا الكاشات اشتريها ربنا يباركلك فيها يا فندم ويبعد عنك الباخثين
على فكرة انا لاعرفة ولا اعرفك بس مبحبش الاسلوب دة
دة في حديث فيما معناه عشان مغلطش ان ربنا مبحيحبش ان تبخثوا الناس اشيائهم حراااااااااااااااااااااام
1- نوبيرا ـ موديل 2003 ـ فضى كامله ـ اوتوماتيك ـ جنوط ـ فابريقة ـ مطلوب 47.000 ج ـ ت: .8387794/016 ـ 26010204
2- نوبيرا مو 12/2005 ـ ج الكماليات ـ اوتوماتيك ـ حالة استلام المصنع ـ فابريقة بالكامل ـ اول يد ـ 30000كم ـ زيتونى ميتاليك ـ استعمال راقى ـ 58000ج ـ ـ ـ ت: .3825471/010
على فكره.... إنت نسيت تحط رقم التليفون!
تحياتي.
3- نوبيرا ـ مو 2003 ـ اتوماتيك ـ جميع الكماليات ـ بحاله جيده ـ مطلوب 48.000 ج ـ ت: .24192414 ـ 2514954/012
موديل 12/2005 30000 كم ونفس السعر تقريبا وفابريكا واستعمال راقي ولسه حيكون في فصال برده
كل ده في وسيط الجمعة باذن الله اللى سيصدر غدا وستجده في الموقع على النت
شكرا لك سلام
وحدوا الله يا جدعان
الخناق دا مالهموش لزمه
فى التوبيكات اللى فيها بيع وشرا انا شايف ان الواحد مايلق رايه فى السعر لو مش هبشترى
فهى العربيه ربنا يباركله بيعها مع عدم الخوض فى السعر
وممكن نرجع للموضوع المثبت بتاع شريف وهبه عن التسعير http://www.nilemotors.net/Nile/66565-a.html
وهو هيقلنا السعر المظبوط للسياره
ولا تبخسوا الناس اشياءهم "" بخس بالسين وليست بخث......و ربنا يوفقكوا في البيع والشراء
طيب ما اللي عاوز اللي ب47 يروح يشتريها
اللي هنا ب57 للي عاوز يشتري مش للي عاوز يفاصل
ومش عارف ليه حاسس اننا عندنا نيه للكلام والفصال ومعندناش نيه للشرا
هي لو غاليه تتربي في عزه حتفضل معاه لحد ما ينزل في تمنها
ولو سعرها معقول اكيد حييجي اللي يدفع فلوسها وياخدها
ويا ريت لو الاداره تحط قاعده في البيت والشرا ان اللي داخلين يتفرجوا ويمشوا تتمسح مشاركاتهم
:hlopaet_prv::hlopaet_prv::hlopaet_prv:اقتباس:
ولا تبخسوا الناس اشياءهم "" بخس بالسين وليست بخث......و ربنا يوفقكوا في البيع والشراء
خلاصه القول في الخناقات الغريبه دي
الي جاد في موضوع الشراء يشوفها الاول وبعدين يبقي يقول رأيه
وتشتري من حد تعرفه احسن من حد متعرفوش
وربنا يسهلك بيعها يا دكتور بإذن الله
شكرا يا شباب
التواصل على الخاص
الموضوع مش مستاهل كل ده ....انا عارض عربية للبيع
عربيتنا و احنا عارفيناه و شايفينها تسوى كده
حضرتك شايف صفقة أفضل يبقى الله يباركلك
بس لاحظ انك لا شفت عربيتنا و لا شفت العربية التانية
السلام عليكم ورحمة الله وبركاته ...انا بس عايز اوضح حاجه بصفتي مالك للنوبيرا
النوبيرا هي من اكبر عربيات الايجار في مصر واكترهم ..وعلشان كده بتلاقيها مرميه في سوق السيارات وعالنت ..
ودائما عربيات الايجار بتبتدي من 40 الف-47 الف جنيه وطبعا حالتها بتصعب على الكافر
انما النوبيرا البيتي دائما بتبتدي من 50 الف فيما فوق على حسب الموديل والحاله
ومش اي سعر تشوفه عالنت يبقى هو ده سعر العربيه العام ...روح شوفها الاول حتى ولو ثمنها 30 الف
وكل عام وانتم بخير
يا دكتور السعر حلو علي فكره لا يعتبر عالي اوي ولا قليل اوي
انا كنت اخدت فتره بدور علي نوبيرا مع جاري وشفت كتير اوي اوي من اول الي بـ37 لحد 65
فرق موديل وفرق حاله وكماليات
في الاخر الحمد لله ربنا اداله نصيبه
نوبيرا كامله اتوماتيك 2001 فابريكه بره جوه وعامله 43000 سودا
خلصت علي 52
يا دكتور قول السعر الي يريحك والي شايفه في توب عربيتك
انتا جاد في البيع وانتا قلت كده الي جاد في الشرا بقي يروح يتفرج وبلاش من الكلام الكتير الي لا يودي ولا يجيب من غير ما تشوف حاجه علي الطبيعه
زي الي بيشتري و بيبيع وبيفاصل علي سمك في ميه
A.Yakout
ربنا يحسنلك سوقها
السلامو عليكم..
اولا احب اقول للاستاذ اللي بيقول لا تبخسو ان الراجل اللي قال ان سعرها غالي ده مبيبخسش ولا حاجه لأن سعرها غالي جدا وانا بنصحه كأخ انه ما يشتريش نوبيرا اتوماتيك لأن كلها عيوب......تاني حاجه احب اقولها انه مكانش يصح يبتدي الكلام بالطريقه دي لانه عمل مشكله من لا شئ وان هو اللي مش هيشتري وان الأستاذ اللي قال ان السعر غالي هو اللي عايز يشتري وهو ما غصبوش على حاجه عشان يقول بخس ومش بخس..لما يبقى يعرف معنى كلمه بخس البيع يبقى يتكلم.....وعلى فكره العربيه غاليه جدا....ويا استاذي الفاضل لو انت فعلا عايز تشتري عربيه نوبيرا راسلني وانشالله اجيبلك واحده ارخص منها ب 10000 وشكرا
معلش انا مش عاوز اتدخل في الحوار .. بس انا فعلا ملاحظ ان الناس عالنت بتزود في سعر العربية بال10 الاف جنيه .. مع ان سعر العربية في السوق مش كدة خالص .. و كل ده كلام .. لأن ساعة البيع والشراء بتخلص بأقل من كدة بكتير
فعلا ، من الواحد بيشوفه فى المنتديات فالأفضل لما أفكر أبيع أي حاجة أعمللها إعلان على الوسيط!!!!
شيئ مؤسف فعلاً.......
تحياتي ورمضان كريم!
السلام عليم و رحمة الله و بركاته
معلش انا ليا وجهة نظر بسيطة جدا يا ريت تسمعوها فى مثل عند التجار بيقول فى الاسعار و الحاجات دى ( ابنك و انت سميه ) يعنى كل واحد بيبيع حاجة بتبقى زى ابنوا و هو يقول السعر الى هو شايفه و عايزه و مستريح ليه و مقتنع ان ده توب عربيته و من حق كل واحد ان يقول سعر عربيته براحته و مش من حق اى حد انوا يقولوا السعر حلو ولا وحش لان ده موضع بيع و شراء مش موضوع نقاش فى السعر مناسب ولا لا.
انا كان معايا نوبيرا 2003 كاملة اتوماتيك بس كنت شريها متبهدلة و كانت بتتاجر و كان الفتيس فيه مشاكل و قعدت معايا شهر و نص و ربنا كرمنى و طلعتها ب 52 الف مع انها كانت رشة دواخل و فى عضه فى القايم
البيع و الشراء نصيب من عند ربنا و رزق من عند ربنا و مع العلم الى اخدها منى ظبطها و طلعها ب 55 الف و بردوا نصيبوا و رزقوا
اسف على الاطالة
يا جماعة مسألة العرض و الطلب بسيطة جداَ
انا عندي كذا .. بكذا ! عايزه ؟ عنيا .. مش عايزه و شايفه غالي .. يبقي مفيش نصيب
بس خلاص !
:Ob_mak1[1]: [[OVERLINE]OVERLINE][OVERLINE]اشكرك جزيلا يا استاذ عمرو لامور - على رايك وكلامك لانى فعلا كان الموضوع ده مضايقنى جدا وانت كدة ريحتنى والحمد لله.[/OVERLINE][OVERLINE][/OVERLINE][OVERLINE][/OVERLINE][/OVERLINE][OVERLINE][OVERLINE][/OVERLINE][/OVERLINE][OVERLINE][OVERLINE]
وشكرا ليك على النصيحة الغالية دى ولكن للاسف السوق مليان نوبيرا اتوماتيك للبيع لسه من ساعة واحدة في واحد مكلمنى على نوبيرا اتوماتيك 2006 عاملة 91000 كم وتخيل عايز فيها كام والله العظيم قالى 46000 جنية كاش ومعندوش مانع ياخد عربيتى اكسيل وياخد الفرق طبعا لانه تاجر .وبصراحة اتخضيت من الموديل والمبلغ مع بعض وقلتلوا احسن تكون كانت في مكتب ايجار سيارات وبيبيعها وطالع عينها قالى حشوفها تانى وافحصها كويس وارد عليك وطبعا انا قولتلو على مشكلة الاتوماتيك ورد عليا بسهولة ويسر قالى لو حصلها حاجة نحولها مانيول وعايز اعرف رايك اية في الكلام والسعر ده يا استاذ عمرو مع ان الكلام ده يؤكد كلامك بارك الله فيك. [/OVERLINE][/OVERLINE][OVERLINE][/OVERLINE][/OVERLINE]:biggrin2:
بص يا فندم انتة زدت الطين بلة هتكلم مع حضرتك في نقاط عشان الاطالة:U_thin1[1]:
1-الراجل الي حاطط السعر دة من حق يطلب فيها 100000 لان الي بيشتري مش اهبل وبيسئل ويفصص ويمحص مليييييييييون مرة :8_8_13:
2- التدخلات الي بتحصل من الافراد ممكن تشتت ناس كتير وتلغبطهم وتضيع على الاتنين صفقة رابحه زي مبيقولوا
3-مهما كان رئينا مينفعش يكون صائب لاننا مش مختصين اوي احنا بنقول رئينا في حدود السعر المعروض
4-انا لما كنت بدور على اكسنت شوفت من اول 30ال لغاية 50 بدون مبالغه وفي من الرخيص كان عدادة قيليل ومش قالب بس بيبقى طالع عينها حادثة مثلا (ومش اي حد بيعرفها)
5 -جيت انتة زودت الطين بلة وقولت رئيك في النوبيرا وانها عربية سيئة ومع احترامي ليك محدش طلب رئي حد هنا لانة مش قسم مقارنات او مختص بالدايو او النوبيرا مثلا
6-عرضت عرض ومن الواضح جدا فيها انك تاجر او سمسار والا بتعرضة لية وعلى الخاص كمان مش اعمل موضوع وتفدني فية مطلوب نوبيرا مثلا
وللمرة الف انا لاعرفوة ولا اعرفك ولا هاخد نسبة منه لما يبيعها
وفي النهايه انا مرديتش عليك في حجات انتة غلطت فيا فيها ومش هرد عشان الشهر الكريم(عشان يقول بخس ومش بخس..لما يبقى يعرف معنى كلمه بخس البيع يبقى يتكلم..)
في اسلوب ارقى من كدة في الحوار احنا مش في سوق الجمعه
استاذ يحيى العزيز ......مبدأيا انا مش سمسار ولا تاجر حتى لو انا كده دي حاجه مش عيب لأني بمنتهى البساطه مبتاجرش في المخدرات....ثانيا..بما ان انا محدش طلب رأيي انت كمان محدش طلب رأيك ..انت تدخلت بين واحد بيشتري وواحد بيبيع بدون اي داعي..والحمدلله انا بعرف اتكلم ازاي وأقول ايه وحضرتك فعلا ياريت تقرا في التفسير معنى كلمه بخس بيع...وبالنسبه للاسلوب الراقي والكلام الجميل ده انا اصلا ما بشاركش في المنتديات لعلمك و مش متعود ارد بس استفزني جدا تعليقك الغريب على الأستاذ المحترم mhdeeb فكان لازم ارد الصراحه.....وانا اعتذر بشده لصاحب الموضوع ده اللي عارض عربيته للبيع وبقوله انا اسف انا مبفهمش في العربيات ولا حاجه انا على قدي بس ده الكلام اللي انا سمعته واتحكالي عنه...ووجهه نظري الشخصيه للاستاذ mhdeep بلاش تشتري من تجار احسن لانهم بيبقو لاعبين في العربيات جامد وبيبقى صعب يتكشفو ولو نويت فعلا تشتري عربيه افحصها في التوكيل وبلاش تفحصها في بنزينه وموضوع تحولها منويل ده موضوع منتهي مينفعش بتاتا لانه هيبوظ العربيه طبعا ...حضرتك اكتبلي المايل بتاعك وانا هكللمك عليه لو حضرتك تحب ...اه و على فكره انا مش تاجر ولا سمسار وبقالي فتره بدور على عربيه قرطبه وعارف اللي بيدورومش لاقي بيبقى مضايق قد ايه ....كل سنه وانتم طيبين :):)
والله انا راى الموضوع يتقفل ويتفتح على نضافه بدل الخناق دة
الراجاء من الاداره حذف المشاركات التي غير ذات صله
A.Yakout
بوظتو للراجل موضوعو
:s
عملو معايا نفس الحركة في الكورولا بتاعتي و 100 واحد قعد يفتي و يقول هي كانت بكام و هي زيرو و واحد يقول الموديل ده وحش و اهو كلو فتي وخلاص
انا معاك في هذا الموضوع بشدة لانها اصبحت عادة ولكنها ايضا راي يحترم , والكلمة اللي حضرتك قولتها هي ( بخس ) ةليست ( بخث ) وبعدين اللي تقصده بالحديث هو ليس بحديث عن المصطفى صلى الله عليه وسلم ولكنها اية في كتاب الله يوق عز من قائل ( وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ قَدْ جَاءَتْكُمْ بَيِّنَةٌ مِنْ رَبِّكُمْ فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ذَلِكُمْ خَيْرٌ لَكُمْ إِنْ كُنْتُمْ مُؤْمِنِينَ ) الاعراف اية 85