المشاركة الأصلية كتبت بواسطة sameh
أنا كنت داخل أقوله على عيوب النوبيرا قبل مميزاتها بس بصراحة الكلام بتاع حضرتك إستفزنى جداً واستغربت أكتر لما لاقيتك معاك نوبيرا أصلاً يعنى المفروض إنك عارف عيوبها ومميزاتها كويس
حضرتك بتقول إنها ضيقة ومافيهاش ريحة الثبات وقطع غيارها مش متوفرة وكمان غالية !!!!! فى حين إن عكس الكلام ده هو بالظبط يبقى مميزات النوبيرا لأن قطع غيار ببلاش ومافيش إنتشار أكتر من إنتشار قطع غيار الدايو أساساً والنوبيرا واسعة طبعاً سواء صالون أو شنطة أو حوض والثبات كويس لحد 120-140 بالكاوتش الفابريقة ولو عايز تزود هات كاوتش اعرض
العيوب بأمانة وموضوعية هى الصاج ضعيف زيادة عن اللزوم + المساعدين اللى ورا تعبانين أوى لو اتنين أو تلاتة راكبين فى الكنبة + الشكل متكرر لم يتجدد من كذا سنة + الفرامل الأمامى بتعيش حوالى 20 الف كيلو فقط وبعدين تغير التيل ، أما غير كدة مميزاتها زى ما كتبت فوق + موتور أكتر من ممتاز وبيخرج قوته بسلاسة حتى على لفات منخفضة + تكييف تلاجة ، لو هتقارنها بلانسر 1300 يبقا النوبيرا أفضل طبعاً إلا لو لانسر 1600 يبقا اللانسر أفضل