السلام عليكم
انا عندي البوجيهات حواليها زيت لو حد يعرف ايه سبب المشكله او حلها ياريت يفيدني
مع العلم ان العربيه مخنوقه شويه عن الاول
عرض للطباعة
السلام عليكم
انا عندي البوجيهات حواليها زيت لو حد يعرف ايه سبب المشكله او حلها ياريت يفيدني
مع العلم ان العربيه مخنوقه شويه عن الاول
كدة الموتور خفيف
محتاج نص عمرة أو تغيير موتور
لو الزيت من بره تحت الكابلات
يبقى غالبا جوان تاكيهات
لو تعريق الزيت على البوجيهات نفسها من جوه
يبقى كاوتش صباب عاوز يتغير
وموضوع حواليها ده يعنى من بره تحت نهاية الكابلاتاقتباس:
انا عندي البوجيهات حواليها
يعنى جوان تاكيهات مثلا
تمام يا سمير باشا
لو على سن البوجية يبقى تعريق زيت من المكنه يعنى يا طقم شنبر يا اما كاوتش صباب
من بره البوجية يبقى جوان غطا التكيهات
فعلا الزيت من بره تحت الكابلات
طيب الحمد لله يبقى جوان غطا التاكيهات يا الغطا عامل تعريق و بيسقط على البوجيهات
قرط على الغطا كويس و لو الجوان بايظ غيره فى 5 دقائق
متشكر للردود والافاده
يعني هو كده مفيش مشكله جامده في الماتور
مثلما ذكر الاخوة وهم ادري مني
فالمشكلة تدور حول غطاء الموتور بايظ و بيسرب زيت وده ممكن التأكد منه بمتابعة زيت الموتور ان كان ينقص ام لا او
متابعة الزيت حول البوجيهات ان كان كثيرا ام مجرد تعريق
حيث ان ضغط الزيت عند غطاء الموتور يكو ن كبيرا مما يؤدي الي "نطر " كميات كبيرة نسيبا من الزيت اذا كان غطاء الموتور تالفا والحل تغيير الغطاء
اما الاحتمال الثاني هو الجوان والحل تغيير الجوان
او العيب في البوجيه نفسه - ولست متأكدا من هذه المعلومة - حيث بعض البوجيهات تكون الوردة الراكبة فيها غير مضبوطة مما يسمح بتعريق الزيت خارج الموتور و الحل تغيير البوجيهات
المعلومة الاخيرة سمعتها قديما من احد الميكانيكية و لا اعلم مدي صحتها للامانة
على فكره معلومهه ورده البوجية دى صحيحه تماما بس تتأكد منها لو بتسمع صوت تنفيس طالع من المكنه من مكان البوجيه لأنه عمره ما يطبع مكانه