بسيطه ان شاء الله انت تغير باب الشنطه و الاكصادم و الستاره الخلفيه و استعدل العضم و حتبقي جديده تاني و بلاش تسمكر غير احسنلك
عرض للطباعة
بسيطه ان شاء الله انت تغير باب الشنطه و الاكصادم و الستاره الخلفيه و استعدل العضم و حتبقي جديده تاني و بلاش تسمكر غير احسنلك
سيبك انتا انا عندي سمكري حلو وكمن فيه ميزه علي قد ايدينا وبتلاته تعريفه كمان علشان نلمللك الموضوع مش هيبقي موت وخراب ديار السمكري في عين شمس لو الموضوع يناسبك وتقدر تيجي عين شمس كلمني علي الموبايل 0108894088 اسمي هشام اخدك اوديك ليه وربنا يكرم ويكفيك شرها
معلش اعذرنى عايز أفهم؟؟
إزاى الصورة تاريخها فى شهر 7 سنة 2005 ؟؟؟؟؟
مش مفروض العربية لسه مخبوطة اليومين دول وللا دى حركة كده؟؟
انا مش ظابط تاريخ الكاميرا واضح انها بقالها7 اشهر مش مظبوطهاقتباس:
معلش اعذرنى عايز أفهم؟؟
إزاى الصورة تاريخها فى شهر 7 سنة 2005 ؟؟؟؟؟
مش مفروض العربية لسه مخبوطة اليومين دول وللا دى حركة كده؟؟
الخبطه امبارح الساعه 5 فى الكيلو اربعه و نصف
و الصوره بعد مروحت
شكرا يا استاذ هشام و لكل اللى رد عين شمس مليانه فعلا سمكريه و انا رحت امبارح لاتنين هناك بس قالو لازم تغير الشنطه و دى مافيش منها استيراد خالص جديد مصرى بس و ده الصاج بتاعه مش زى الاصلى خالص و مش رخيص برده ب 420 عند كرم الل فى مساكن عين شمساقتباس:
سيبك انتا انا عندي سمكري حلو وكمن فيه ميزه علي قد ايدينا وبتلاته تعريفه كمان علشان نلمللك الموضوع مش هيبقي موت وخراب ديار السمكري في عين شمس لو الموضوع يناسبك وتقدر تيجي عين شمس كلمني علي الموبايل 0108894088 اسمي هشام اخدك اوديك ليه وربنا يكرم ويكفيك شرها
النهارده الساعه 10 رحت لواحد فى ترعه الجبل مع واحدصاحبى لسه خبطاه ترله برده و ردله رفرف خلفى و شنطه الاكسنت بتاعته 10 على10 الصراحه
قال مش هنغير حاجه كله هيتعدل
ربنه يسهل و ترجع زى الفابريقه
حمدا لله على سلامتك أولا وأخيرا من الخبطة ومش مهم أى حاجة تانية وبإذن الله هترجع زى الفل ، يا راجل دا عربيات الحوادث (بعيد عنكم) بتبقى عجينة وبيردوها كلها وممكن ماتعرفش انها أصلا اتخبطت ، فما بالك بخبطة زى دى... بسيطة وهترجع فابريقة ان شاء الله...
متشكر جدا لحضرتكاقتباس:
حمدا لله على سلامتك أولا وأخيرا من الخبطة ومش مهم أى حاجة تانية وبإذن الله هترجع زى الفل ، يا راجل دا عربيات الحوادث (بعيد عنكم) بتبقى عجينة وبيردوها كلها وممكن ماتعرفش انها أصلا اتخبطت ، فما بالك بخبطة زى دى... بسيطة وهترجع فابريقة ان شاء الله...
بتعامل مع سمكرى مالوش حل
فنان جدا وسهل يرجعهالك لأصلها
لو عايز بيانات عنه ابعتلى رسالة خاصة وانا ابعتلك تفاصيله
شكرا انا بعت لحضرتك رسالة خاصةاقتباس:
بتعامل مع سمكرى مالوش حل
فنان جدا وسهل يرجعهالك لأصلها
لو عايز بيانات عنه ابعتلى رسالة خاصة وانا ابعتلك تفاصيله
و لو تعرف بتاع دوكو مالوش حل برضه ياريت تبعتلى عنه كمان
حسبي الله ونعم الوكيل في الراجل ده محمد اوريچينال،انا حبيت احذر كل واحد اتعامل او بيفكر يتعامل معاه،ممكن يكون فيه ناس مع او ضد اللي هقوله،بس من واجبي زي ما نصحت ناس كتير انها تتعامل معاه اني احكلهم عن اللي حصل معايا من نصب واحتيال،انا كان عندي خبطه في العربيه في الجنب اليمين اضطريت اصلحها اول مره عند صنايعي نص لبه في شرم الشيخ بحكم شغلي علشان مكنش ينفع انزلها القاهره،بس العجله اليمين ماكنتش ظابطه وكانت بتاكل في الكاوتش،عشان كده قولت لازم اظبطها عند مركز صيانه كبير اول ماارجع،وعرفت ان فيه مركز صيانه في زهراء عين شمس الشرقيه(محمد اوريچينال) فيه اجهزه كمبيوتر واستعدال شاسيه،قولت بس هو ده اللي هيظبطلي العربيه ومش هيطلع عيني تاني مع صنايعي نصاب واكيد الموضوع ده مش هيحتاج منه حاجه،ولما روحتله لقيته في منتهي الاحترام والاخلاق وقالي احنا لازم نرفع العربيه علشان نعرف العيب منين واتصل كمان بعفشجي علشان يتأكد انه مش عيب عفشه وبعدين قالي الموضوع بسيط الكارتيره محتاجه زرجينه، بس علشان الشغل يبقي علي نضافه هنحل المكنه ونستعدل الشاسيه،قولتله تمام،الموضوع ده هيكلف اد ايه؟؟قالي 2000 جنيه،قولتله ماينزلوش عن كده،قالي لا،انا هعملك فيه شغل من الاخر وهظبطهالك ظبطه تمام،ده غير مصنعيه الميكانيكي اللي هيحل ويركب الماتور،قولتله آمين،وسبتله العربيه ورجعت بعد 4 ايام علشان الاستلام،لقيته بيقولي اتفضل عندي في المكتب لحد ماالعربيه تيجي من المغسله وعزمني علي فنجان قهوه،نزلنا علشان يفرجني علي العربيه،طبعا لقيته مركب شداد للعربيه وغسلها كمان ومعامله مفيش احسن من كده،انا بصراحه قلقت شويه،قولت معقول يكون فيه سيرفيس كده،ربنا يسطر وما يطلبش مني زياده،قولتله اهم حاجه العربيه كده تمام ولا محتاجه حاجه كده ولا كده،قالي لا ده كده عشره علي عشره انت بس ابقي شوف الاسكاتره علشان ممكن تكون محتاجه تظبط،قولتله مفيش مشكله،حسابنا كده كام،قالي احنا كنا متفقين علي 2000 قلتله اه،قال لي واحنا علي اتفقنا والشداد ده من عندي هديه،بصراحه انا كنت فرحان قوي ومش مصدق ان فيه ناس كده،ودفعتله الفلوس،وبعدين وانا سايق في طريق العوده لقيت ان العربيه مش ظابطه زوايا،قولت اكيد محتاجه ظبط هبقي اعملها لما اركب فردتين جداد،وفعلا دورت علي مقاس مناسب وجبت فردتين جداد وركبتهم ورحت اظبط زوايا،طلعت بالعربيه لقيتها برده مش ظابطه،رجعت تاني لبتاع الزواي ثلاث مرات والله،الراجل رفع العربيه وقالي هيا العربيه واخده خبطه في الجنب اليمين؟؟قولتله آه،بس انا ظبطها،قالي لا،تعالي بص بنفسك كده،نزلت لقيت انه العجله مأخره شويه عن العجله اللي قصادها،وهنا كانت الصدمه الكبري،ان المشكله لسه زي ماهي ومفيش حاجه اتظبطت زي ما الحج صاحب المركز كان مفهمني،اول حاجه عملتها كلمته وقولتله،رد عليا بمنتهي الاحترام وقالي تعالي ابصلك عليه،روحت طبعا وانا مطمن ومعنديش شك ان الموضوع هيتحل،ولما وصلت لحد عنده لقيت انسان تاني خالص بيكلمني وبيتهمني كمان بالتقصير وانه كمان كان بيقولي ان العربيه محتاجه ربع كامل وانا اللي ماسمعتش كلامه،انا بصراحه كنت بسمع الكلام اللي بيقوله وانا مصدوم ومش مصدق انه طلع نصاب،طب ليه واحد المفروض ان ربنا كارمه وبيستورد اجهزه شفط واستعدال وماشي بالسبحه وبيقولوا يا حج والله اعلم،ليه يعمل كده وياخد 2000 جنيه بالنصب والاحتيال ده،انا كنت مستبعد تماما بصراحه انه ممكن يعمل كده،والله انا لحد دلوقتي مش مصدق،كل اللي اقدر اقوله اني مش مسامح في الفلوس اللي اخدها بالباطل دي،والحمد لله علي كل شئ،وحسبي الله ونعم الوكيل ويارب اقدر افيد حد بتجربتي دي،وآسف اني اطلت في الشرح،بس ياريت اللي عنده تجربه مع نصاب او صنايعي فاشل يبلغ بيها اللي يقدر عليه.
اقسم بالله العظيم،يمين اتحاسب عليه يوم القيامه ان ده اللي حصل بدون اي مبالغه او تحريف.