الموضوع: اوصف شخصيتك بنفسك

المشاركة الأصلية كتبت بواسطة iceheartedgirl

مسلية وغير تقليدية

عصبية بغباوة


احيانا بيكون في كلبة والدة راقده فدماغي هي وعيالها مش عاوزة تتحتح

وساعات اليطة


ضمان 3 ساعات بالشاحن

متوفر منها 3 الوان



ههههههههههههههههههههههههه هههههههههههههههههههههه

لابجد اانا مش فاهمة عنوان الموضوع

ازاي اوصف نفسي طب ح يهفمني؟؟؟؟ اكيد كل حد فاهم نفسه بطريقة مختلفة ومبيششفش حقيقة شخصيته كاملة

لا يعني اكيد كل واحد عارف شخصيته عاملة ازاي علي الاقل حتي م رئي غالبية الناس اللي حوالية يعني لو اللي حواليك كتير بيقولولك ياسلام دة انت عسل تبقي حد لزيز وكدة حد قالك ياخي الله يخربيتك دة انت رخم تبقي رخم حد قالك والله دة انت احسن من نص جنية لب تبقي مسلي ومرح حد قالك ياعم روح فدهية بقي خنقتنا تبقي خنيق وممل كدة يعني

حسب كلام إللى يعرفونى ( الأراء دى على مسئولية أصحابها و أنا غير مسئول ولا متفق معاهم أصلا بس أهى فضفضه )
1- تنك - مغرور - بارد (مش حقيقة أنا بس ما بحبش حد يتجاوز حدوده معايا)
2- قليل الكلام زياده عن اللزوم (دى بصراحه حقيقة )
3- طيب زياده عن اللزوم ( من الأخر بيضحك عليا و بسكت على حقى كتير ودى حقيقة برضوا بس أنا مش مطلوب منى أبقى شيطان علشان أبقى كويس)
4- ما بتفهمش (ودى برضوا حقيقة وعادى أتعودت على كده )
5 - ما بتكسفش ( ده مهم جدا دلوقتى )
6 - أعصابى جامده ( أهى دى بقى مش حقيقة خالص ده أنا أكتر واحد بيخاف فى الدنيا بس ما بظهرش ده )
بس كده

بصو محدش يقدر يوصف نفسه غير لما الناس تتعامل معاه وهى الللى تحكم عليه
انا عن نفسى من كلام الناس :
طيب جدا لدرجة الهبل
بسمع الكلام وبنفذو بالحرف الواحد سواء كانت تعليمات او غيره
خدوم لدرجة انى بخش فى مشاكل عشان احل مشاكل ما تخصنيش
خجول جدا جدا جدا جدا (مابعرفش اعاكس ولا عمرى ما عاكست واحدة )
همى كله مش فى مستقبلى ولا هاخد كام ولا ايه همى كله فى العربيات اللى 90% منها عاملة مشاكل معايا ومع والدى
وطبعا مدمن كمبيوتر
ما بعرفش اكذب ولا بحور ودى مخليا كل صحابى بيحبونى جدا وكمان مابخفش من حاجة لانى مابعرفش اكدب
وانشاء الله هيكون فى مقابلة مع اعضاء نايل موتورز وهنعرف بعض اكتر
وربنا يديم الود والمعروف
اخوكم يوسف

تنكة ومغرورة جدا ده رأي كل الناس فيا بس التناكة دي عند اي حد ليها سببين انه خجول جدا وانه بيعمل حدود بينه وبين الناس
عشان كده انا بشوف ان دي صفة كويسة طالما الانسان من جواه متواضع

عصبية جدا لدرجة المرض وضغطي بيعلا يعني عاملة زي المجانين

دحيحة اصحابي بيقولولي الدكتورة بس عادي يعني مش قاعدة ع الكتاب 24 ساعة

الباقي بقي اللي هو الطيبة والذكاء والعقل والشخصية القوية كلها صفات بحمد ربنا عليها
وعندي مشكلتين

اني مبحبش اضايق حد حتي لو علي حساب نفسي

اني دايما بواجه المشاكل بالنوم الكتير

فى الحقيقة أنا احترت جدا قدام عنوان الموضوع

أصل مفيش حد هيقول عن نفسه إنه وحش بس عايزين الصراحة

كلنا فينا مميزات وعيوب ولو جيت مثلا لنفسي هقولكم بلاش فضايح

ههههههههههههههههههههههههه ههههههه

أصل أختكم بجد قلوقة جدا ومش بحب أبص فى أى ساعة

أحيانا بحب الهدوء واوقات كتير بعشق الصخب عشان أغير مودي

بعشق الرومانسية وإن كنت بفكر بطريقة عملية جدا

يعنى بحس ان فيا شوية متناقضات قد يعشقها بعض المقربين لي

لأنهم بيقولوا التناقض يبعث التجدد ((مجاملة يعنى ههههه))

فى دراستى الحمد لله كنت متفوقة ولكننى غير ذلك فى تعاملي مع الناس

لأننى دائما أفترض لهم حسن النية وكثيرا ما اصاب بالاحباط جراء تلك الثقة



للاسف مش قادرة أندمج مع طريقة الكلام ولا التفكير اللى بشوفها لما بنزل مصر

بس بحاول اتعايش لأنى بفتخر انى مصرية بس نفسي نحس ان الدنيا بتطور من حوالينا

فى كل شىء عشان احنا كمان نتغير ونتطور

شوفوا بقى آخر حاجة جوايا طفلة دايما بتميل للعب وأقل شىء ممكن تبكينى واقل شىء برضه ممكن تضحكني

يلا بلاش أدوشكم أكتر من كدة ..هههههههههههههههههههههههه