الموضوع: هل ممكن اركب بلوتوث ومثبت سرعة بزرايرهم يمين الدركسيون للنيو سيراتو ؟

عشان تعمل كدا
اولا لازم يكون عندك دركسيون فيه مثبت السرعة بتاع النحية التانية يعنى تشيل الدركسيون بتاع العربية وتركب دركسيون تانى
ثانيا لازم تلعب فى كهربة العربية وتشوف فى مكان فى الدفيرة بتاعة الكهربة ولا لا
ثالثا انت راكب عربية يادوب الى فيها على اد سعرها ما تحاولش تلعب فيها عشان مايحصلش حاجة والعربية لسة جديدة لما العربية تكون مشيت اد سنتين تلاتة ولا حاجة وقطع الغيار بتاعتها اصبحت مرمية فى كل مكان والعربية تكون بدأت تبوظ منك ممكن تبئة تلعب براحتك
بس فى حاجة لو العربية وكيل هتسقط من الضمان لان الوكيل هيقولك ما بعملش الحاجات دى ولو عملها هيرفع السعر عليك اوى فا نصيحة لوجهة الله استمتع بعربيتك كدا وماتحاولش تبوظ فيها حاجة يا الحاجة تنزل من بلادها متظبطة فيها يا ماتنزلش لان كدا هيكون حرام وهتبهدل العربية وتبهدل نفسك معاها

المشاركة الأصلية كتبت بواسطة Ahmed Samy

التوكيل رفض يركب المثبت الأصلي لأنه حاسس انه فيه خطورة

طبعا في شركات تانية بتجيب صيني و ممكن تركبه عندهم و موجود على المنتدى معلومات عنهم

بس بصراحة حاجة تقلق ....


البلوتوث اعتقد هايكون متاح في اجهزة الجي بي اس اللي التوكيل واعدنا انه هايجيبها قريب

وممكن تركب parrot لو مش هاتستنى