عايزين نعمل ترتيب للعربيات البرسونا فى المنتدى بالارقام

**MuhammedSoliman** · 11-09-2009 06:50 PM

تمام موضوع جميل بالتوفيق
متابع باهتمام يا استاذ ماجد

as01241 شفت بقا الكبير افشكم أزى

تحياتى يا مون

**jisso82** · 12-09-2009 03:22 AM

المشاركة الأصلية كتبت بواسطة as01241

عندك حق يا هيثم في حكاية الشنطة فعلا كانت بتترزع مني في الأول بس أنا لقيت أحسن طريقة لقفلها لو خدت بالك في حرف الشنطة من تحت في تجويف كدا زي مقبض أنا بقى وأنا بقفلها بمسك الجزء ده بأطراف صوابعي وبنزل الشنطة وأسيب مسافة بسيطة كده زي الكبوت وبعدين أسيب إيدي تقفل من غير رزع بس دا طبعا ماينفيش أن كان لازم يبقى في مقبض تتمسك منه الشنطة خاصة إنها تقيلة
وألف سلامة عليك يا هيثم

الله يسلمك يا أحمد و الحمد لله عدت على خير

و ما احتاجناش عمليات
كان نفسى جدا أشوفك فى المقابلة. ايه هتفضل مشغول لحد امتى؟؟؟؟؟؟؟؟؟

**magedomran** · 13-09-2009 01:00 AM

اشكر جميع الاخوه المشاركين فى الموضوع وعايزين تفاعل اكتر من ملاك البرسونا الجميله
وفعلا موضوع الشنطه لازم تتعود تقفلها باسلوب معين وهو انك تنزلها بالرحه ولما توصل لمسافه تقريبا 10 سم تسيبها وهى هتنزل لوحدها من غير رزعه وعلى فكره دة من المساعدين بتوع الشنطه ودى فعلا حاجه كويسه مش وحشه على الاقل من وجه نظرى
شكرا للتفاعل من الجميع

**as01241** · 15-09-2009 04:55 PM

المشاركة الأصلية كتبت بواسطة jisso82

كان نفسى جدا أشوفك فى المقابلة. ايه هتفضل مشغول لحد امتى؟؟؟؟؟؟؟؟؟

الحقيقة يا هيثم أنا محرج منك جدا ومن أيمن كمان وخصوصا أيمن

الراجل كلمني كتير على المقابلات سواء الأولى أو التانية ولا قدرت أحضر ديه ولا ديه , أنا طبعا كان نفسي أشوفك ,أشوف الناس كلها اللي معانا هنا فى المنتدى بس ظروف شغلي صعبة شويتين وكل مرة مش بتتظبط , أصل في شغلي عددنا محدود وعشان كده ضغط الشغل جامد , بس ربنا يسهل إن شاء الله وتتظبط مرة تانية ونتقابل على خير