تجربه مصري مع تيدا هاتشباك بالرياض

بسم الله الرحمن الرحيم
احب الاول اشكر اداره المنتدي واعضائه علي المنتدي الجميل
اعرفكم بنفسي
اخوكم احمد عطيه مصري مقيم بالرياض يادوبك من 7 شهور بس
حابب اخكي تجربتي مع التيدا الهاتشباك
اولا انتو عارفين وبالذات اللي سافر بره ان الحركه من غير عربيه يعني خراب بيوت
التاكسي هنا في الرياض اقل مشوار 10 ريال
وايجار العربيات برده اقل حاجه 50 ريال في اليوم
المهم استخرت ربنا وقدمت ورقي هنا لتوكيل شركه نيسان واسمه الحمراني علشان اخد عربيه تيدا هاتش باك
بصراحه ومن غير تطويل عربيه مفيش زيها في الوسع
علي فكره انا لسه مستلمها من شهر واخد بس ولسه يادوب عامله 1000 كيلو امبارح
المشكله اللي انا خايف منها هنا في الرياض هي الصيانه
الناس كلها بتشتكي من الوكيل بتاع نيسان هنا في الرياض وهو الحمراني
بس في المجمل بجد عربيه جميله
ونفسي انزل بيها مصر
عربيتي 2008 هاف اوبشن يعني
باور وتكييف وزجاج كهرباء
وفي الاخير انا بجد سعيد اني انضميت لمجموعه التيداويه:36_1_1[1]:

نسيت اقول لحضراتكم ان سعرها هنا في السعوديه
38000 ريال سعودي الكاش
ايه رايكم في السعر ده:11:

اهلا بيك فى اسرة نيسان وبالأخص التيداوية
سعداء جداً بيك وبانضمامك للمنتدى ومبروك على العربية وربنا يديك خيرها ويكفيك شرها

اقتباس:

---

المشاركة الأصلية كتبت بواسطة medo_attya

نسيت اقول لحضراتكم ان سعرها هنا في السعوديه
38000 ريال سعودي الكاش
ايه رايكم في السعر ده:11:

---

حرااااااااااااااااااااااا م
انت بتتكلم بجد؟؟!! ( حسبى الله ونعم الوكيل )
ده يعنى تمنها هنا تقريباً فى مصر مع فارق العملة 57000 ج تقريباً
وسعرالفئة دى فى مصر اساساً 110000 ج
يعنى اغلى الضعف تقريباً ( منهم لله اللى كانو السبب )
الله يكرمك شوفلى اى ركن كده فى السعودية اعيش فيه احسن من اللى احنا بنشوفو هنا

57 الف جنيه!!!!!!!!!!!!!11

اهلا استاذ احمد عطية، انا عبدالرحمن اسامة مقيم في الرياض و اشتريت سيات ليون موديل ٢٠٠٩ كسر زيرو ماشية ٣٣،٠٠٠ ب ٥٥،٠٠٠ هي جديدة ب ٦٧.٠٠٠

كنا بنقول هنا http://www.nilemotors.net/Nile/92321-a-2.html

اننا نطلب من الإدارة فتح مكان مخصص للعاملين بالخارج، زي حالاتنا. ايه رأيك؟

فكرة إنشاء منتدي للعاملين بالخارج ، شارك برأيك
http://www.nilemotors.net/Nile/94327...post3871980845

انا سامع ان الجمارك حتقل شوية على سنة 2010 واسعار العربيات هتهدى شوية هل الكلام ده صحيح والواحد يستنى اول السنةو لا اية يا جماعة
عاوزين نتاكد من الاشعات دى

الجمارك هاتقل تدريجياً على الاوروبى فقط حتى الان وبنسبة تدريجيه

شفتو فد ايه احنا بنتسرق فى مصر وفى الاخر لا يسعنى القول سوى " يبقى انتا اكيد اكيد فى مصر "

بسم الله الرحمنالرحيم
اولا شكر خاص وحار لاعضاء المنتدي اللي رحبو بوجدي واخص
(karaktar&عبد الرحمن اسامه&fady_anis&)
وكل اعضاء المنتدي
بالنسبه لطلب فكرة إنشاء منتدي للعاملين بالخارج
ياريت فعلا محتاجينه للتواصل مع كل مغترب في انحاء الوطن العربي
بالنسبه لسعر العربيه هو فعلا كتير اقل من سعرها في مصر ومش عارف ايه السبب
وبصراحه دي حاجه مشجاعاني اني انزلها مصر
بس مش عارف الاجراءات انا تهت كتير في المنتديات وموصلتش لحل
علي فكره السياره سعرها كاش زي ما انا قولت سابق
بس انا جايبها هنا بنظام اسمه تاجير منتهي التمليك وبصراحه مدفعتش ولا مليلم قصدي ولا هلله
وقسطها 900 ريال علي خمس سنين
بدعي ربنا يديني العمر واخلص قسطها واعرف اخدها علي مصر

الحمد لله
ربنا رزقني بواحد هندي في زحمه الطريق وكان هيعجن لاكصدام الخلفي بس الحمد لله ربنا ستر وصفيت علي خدش في البويه مع اني زعلان جدا عليها

اقتباس:

---

المشاركة الأصلية كتبت بواسطة medo_attya

بسم الله الرحمنالرحيم
اولا شكر خاص وحار لاعضاء المنتدي اللي رحبو بوجدي واخص
(karaktar&عبد الرحمن اسامه&fady_anis&)
وكل اعضاء المنتدي
بالنسبه لطلب فكرة إنشاء منتدي للعاملين بالخارج
ياريت فعلا محتاجينه للتواصل مع كل مغترب في انحاء الوطن العربي
بالنسبه لسعر العربيه هو فعلا كتير اقل من سعرها في مصر ومش عارف ايه السبب
وبصراحه دي حاجه مشجاعاني اني انزلها مصر
بس مش عارف الاجراءات انا تهت كتير في المنتديات وموصلتش لحل
علي فكره السياره سعرها كاش زي ما انا قولت سابق
بس انا جايبها هنا بنظام اسمه تاجير منتهي التمليك وبصراحه مدفعتش ولا مليلم قصدي ولا هلله
وقسطها 900 ريال علي خمس سنين
بدعي ربنا يديني العمر واخلص قسطها واعرف اخدها علي مصر

---

اي خدمة يا ريس، و فعلا الهنود سواقتهم صعبة جدا.

مبروك يا ريس بس انته لو عايز تنزلها مصر هل سألت على موضوع المالك الأول

قصدي عالفاتورة لأن في توكيلات مش بترضى تطلعلك شهادة مالك أول لأنها بنظام تأجير منتهي بالتمليك مش كاش

و تاني حاجة لازم تصدقها من السفارة المصرية و علشان تلحق خصم سنة الأستهلاك اعتقد لازم تروح الأسبوع ده قبل اجازات الأعياد لأن أخر معاد أول شهر عشرة علشان تسجل شهادة المالك الأول و تثبت حققك في الخصم العشرة في المية على كل سنة استهلاك اعتبارا من السنة دي بس المهم الأسبوع ده

و ألف مبروك مرة تانية......

غير كده يا جماعة فرق السعر الفظيع ده لأنها 2008 زي ما قال الأخ.........................تصفيات 2008

والله يا اخ ashraf229 مش عارف الحمراني ممكن يعملها ولا لأ بس هسال ان شاء الله وربنا يكرم

ربنا يبارك لك فيها ..

العربيات هنا اسعارها الضعف عشان الجمارك و الضرائب ... ...

جمرك السيارات في السعوديه 2% اما في مصر ام الدنيا 61% لذلك هذا الفرق ولو عايز تنزلها مصر يبقى لازم تدفع ما قيمته 52000 جنيه جمارك علشان مصر بتحبك

اقتباس:

---

المشاركة الأصلية كتبت بواسطة ashraf229

مبروك يا ريس بس انته لو عايز تنزلها مصر هل سألت على موضوع المالك الأول

قصدي عالفاتورة لأن في توكيلات مش بترضى تطلعلك شهادة مالك أول لأنها بنظام تأجير منتهي بالتمليك مش كاش

و تاني حاجة لازم تصدقها من السفارة المصرية و علشان تلحق خصم سنة الأستهلاك اعتقد لازم تروح الأسبوع ده قبل اجازات الأعياد لأن أخر معاد أول شهر عشرة علشان تسجل شهادة المالك الأول و تثبت حققك في الخصم العشرة في المية على كل سنة استهلاك اعتبارا من السنة دي بس المهم الأسبوع ده

و ألف مبروك مرة تانية......

---

ايه ده انا مش فاهم، يعني انا جبت عربية بنظام الايجار المنتهي بالتملك و قالولي هيكتبوني المالك الاول بس بعد نهاية مدة القسط ثلاث سنوات، المفروض انا اعمل ايه دلوقتي ؟

و الحقيقة انا مش المالك الاول انا شاريهه ماشية 30،000 كيلو بس موديل 2009.

الف مبروك عليك التيدا عربيه محترمه

فيه معلومه عايز اتاكد منها

ان التيدا في الخليج مش تقفيل ياباني .. تقفيل صيني تقريبا او كوري

هل الكلام ده صحيح ؟

تقفيل ياباني 100 في 100