حد جرب زيت مصر للبترول الجديد

**hesh** · 10-09-2009 11:44 AM

أنا معى نيسان صنى 2008 ونفسى اريح نفسى من موضوع الزيت بس محتار فسمعت عن زيت مصر للبترول فيبكس على ما أظن وسمعت انه ممتاز وعليه كتابه ياريت حد يفهمنى اياها وهى 5w/40

**original** · 10-09-2009 09:36 PM

ده زيت تخليقى متعدد درجات الحرارة بتوصل درجة لزوجته فى الشتاء ل 5 وفى الصيف 40 وده يعتبر مناسب لأقصى درجات التشغل..
هوا سعره 190 تقريبا والموبيل والشل 235 بس بيتهيألى كننا عايزين فرق أكتر من كده يعنى لو 150 كان الفرق يستاهل..

**bishoy02010** · 10-09-2009 09:46 PM

متابع باهتمام

**sab3aawy** · 13-09-2009 12:59 PM

برغم تشجيعى الدائم للصناعة الوطنية لكن بصراحة التشجيع ده له حدود، انا شفت اسلوب خلط وتعبئة الزيوت المعدنية فى مصر للبترول وقارنتهم بالاسلوب اللى شفته فى اكسون موبيل وشل وكالتكس، وده يخلينى لا اجرؤ انى اشترى اى زيت معدنى من مصر للبترول، بس برضه فيما يتعلق بالزيوت التخليقية اللى اعرفه ان لسة محدش فى مصر بيصنع زيوت تخليقية، كل الزيوت التخليقية بتيجى من برة مستوردة وما يتم بشانها فى مصر هو التعبئة فقط، وفى هذة الحالة يبقى الفرق بين مصر للبترول وبين موبيل وشل، ان زيتهم لسة متجربش ولسة منعرفش هم مستوردينة منين وكفائته ايه، فبالتالى اللى هيشتريه هيشترى حاجة مش متجربة، ممكن تكون ممتازة وممكن تكون سيئة لكن علم ذلك عند الله