السلام عليكم
يا ريت يا جماعة حد يفيدنى اجيب انهو عربية .. افيو ولا سبيرانزا 516 ولاf3 byd :U_thin1[1]: ?
عرض للطباعة
السلام عليكم
يا ريت يا جماعة حد يفيدنى اجيب انهو عربية .. افيو ولا سبيرانزا 516 ولاf3 byd :U_thin1[1]: ?
ممكن تفكرى فى التيجو 1600 , اعتقد انها احسن من ال3 دول بس بصارحة انا مجربتش ال f3 byd بس ركبت الافيو و السبرانزا 516
بصراحة ركوبة التيجو اريح بكتير من 516 و الافيو
انا شايف انك بتدوري في حدود معقولة 70000 الي 750000
يبقي ياريت تبعدي عن الصيني لانة لسة بدري علي ما العربيات الصيني تعمل سمعة
خليكي في اي حاجة اوروبي رينو لوجان او سيمبول او حاجة ياباني كسر الزيرو
انا معايااسبرانزا بس 113 ومعايااللوجانلو ده رينجك يبقى تجيبى لوجان فولاوبشن
وعلى فكرة انا التوكيل مرة قالى ان 516 فيها عيوب كتيرة وربنا يهيديك للصواب
a sincere advice..........get the tiggo 1600 or the perfect great new speranza m11........m11 is by all means a safe chic and quality car...go watch it,u'll buy it 3alatool,or as a girl get the tiggo as a high and nice car
good luck
انا مع دكتور شامل
اسبيرانزا m11 تحفة و هاتحقق نجاح و مبيعات عالية
سيارة امنة جدا و جودة عالية افضل من مثيلاتها فى نفس الفئة السعرية
اوبشن كتير و امان عالى و تصميم اوروبى تحفة و سعر معقول
او ممكن التيجو 1600 سى سى و البريليانس frv و النيو اكسنت
دول احسن 4 عربيات فى رينج السبعينات و ابعدى خالص عن الافيو
اسبرانزا m11 او بيكانتو وكد هتوفرى مبلغ وربنا يوفقك
انا فعلا فكرت فى التيجو بس قولت ماهو صينى بردو بس مكنتش اعرف انه كويس .. الحمد لله انى سألتكو قبل ما كنت ادبس فى الافيو انا سمعت عنها كلام مش كويس لكن قولت اسأل اصدقاء المنتدى لانهم اصحاب خبرة قوية
بس عندى استفسار التيجو دى مواصفتها ايه وسعرها فى حدود كام
ميرسي ليكو كتير يا جماعة وعيد سعيد مقدما
ممكن تفكرى فى البريليانس frv عربيه ممتازه وتوكيلها البافاريه يعنى مفيش احسن من كده
ولا تنسى الاستخاره
انا فكرت فى ال frv قبل كدة لكن انا حبة التغيير اصلى معايا هاتش باك بردو فعايزة عربية سيدان
هل m 11 نزلت مصر ولو نزلت مصر بتتباع فين وبكام ؟
نزلت من شهر
السعر 74900 فول اوبشن ضمان 3 سنين او 100 الف كيلو
الوكيل ابو الفتوح معروف طبعا
حضرتك تقدرى تنزلى تفرجى عليها فى معارض ابو الفتوح و هاتعجبك جدا و هاتدخل دماغك بسرعة (:
متنسيش الاستخارة
ياريت يا جماعه لو حد يعرف الm11 فية منه أتوماتيك أو فتحة سقف و سعرها كام .جزاكم الله خير
تحياتى
no automatic in egypt yet and no sun roof yet
these are high line and not in egypt yet coz they will be so expensive and the car may reach 100,000 LE
I don't think so,Coz the BYD-F3 ,for example, is also chinese and full options with sun roof and A/T is for only 82,000 LE , and I think lots of members here valuate it. Am I right
Greetings
نصيحه لو بتدورى على عربيه تقفيل محترم ابعدى عن الصينى لان انا كان معايا تيجو 2000 سى سى وتقفيلها صعب
كل حاجه زى متكون متلزقه وانا مش بفترى على العربيه ولا داخل اقول كلمتين اطفش الناس منها وخلاص بس بصراحه محروق على 25 الف جنيه خسرتهم فشهرين فعربيه صينى
يا ترى لو كان معايا تويتا ولا ماركه محترمه كنت هخسر كل ده؟
عموما فى وجهة نظر ؟ انتى لو معاكى 70000 الف دورى على عربيه تويتا ماشيه 10000 الف كيلو هتكون احسن الف مرة من اى صينى ودى نصيحة مجرب لوجه الله
وربنا يوفقققققققققققق
روح شوف تقفيل الـ m11 و بعدين قارنها بالتيجو
التيجو نقفيلها معقول
الـ m11 ممتاز بشهادة اللى اتفرج عليها و انا منهم
استاذ هاكر --- يعنى حضرتك سعر التيجو اغلى ويكون تقفيلها اقل جوده ليه؟؟؟؟؟؟؟؟؟؟؟
وكمان غير التقفيل العربيه كانت بتعمل معايا بوادر فحاجات صغيرة مثلا زى فتحة السقف تلاقيها مثلا مقفلتش مع العربيه اوتوماتيك
وكمان تلاقى السنتر بيقفل وحده ساعات ووالله فعلا حاجات كده كتير مثلا فوحدة الغلق المركزى
وغير كده انا مستغرب 2000 سى سى والعربيه يبقى اخرها 160 وبالعافيه بعد مدوس كمان البنزين للاخر بكل قوة ---بجد انا مش فاهم بصراحه --
يعنى انا لما كانت العربيه معايا كنت بصبر نفسى واقول لا دى زى الفل بس فعلا من جوايا مكنتش راضى عن ادائها خالص
انا معنديش عقده من الصينى بالعكس انا سافرت الصين كتيررر وعارف الناس دى كويس بس للاسف معندهمش اى اهتمام بدقة الجوده ولا ولا فينش كويس لاى حاجه
التيجو 79900 حجز وانتى وحظك فى ميعاد الاستلام
82000 حجز فورى من اى معرض
83000 حجز فورى من اى معرض وده فى العشرة الاوخر من رمضان
انا مع حضرتك ان التيجو من جوا اقل جودة من الـ m11 هى فى نفس مستوى الفيرنا تقريبا
السؤال دة ممكن تسـألة للشركة او ابعت ايميل ليهم و استفسر عن الموضوع دة (:
اعتقادى انا : ان التيجو نزلت السوق من سنة 2004 يعنها بقالاها 5 سنين فى خطوط الانتاج
لكن الـ m11 نزلت الاسواق فى منتصف 2008 فى فرق 4 سنين فى الصناعة وكمان لان الشركة حطة السوق الامريكى قدام عينيها فأكيد الشركة خدت خبرة فى الاربع سنين دول اكبر و بكدة الانتاج هايبقى جودته احسن
خصوصا الـ M11 كانوا مهتمين بيها جدا برا و دى كانت اول عربية بتصميم اوروبى يعنى تصميم مدفوع ثمنه مش مسروق من سيارات اخرى مع انها كانت جاهزة لخط الانتاج من 3 سنين لكن اصروا انهم يختبروها 100 الف كيلو فى مختلف انواع الطرق عشان يضمنوا ان العربية تنزل مفهاش غلطة فأكيد الاختبار اظهر عيوب فى السيارة و تم تفاديها
جين2 او لوجان
نيو اكسنت
m11 شيك جدا من جوا وجميلة انا شفتها بس على النت لسة ما شفتهاش على الطبيعة .. والتيجو شفتها فى معرض المصرية اللى هنا فى اسكندرية حلوة مش وحشة اوى وفى ناس كتير شكرت فيها وفى ناس لأ ,حد يعرف معرض ابو الفتوح فين فى اسكندرية .. والله مش عارفة !! اجيب صينى و كله اوبشنات واخسر جامد لما اجى ابيعه ولا اجيب اى حاجة عادية ومافيهاش كل الاوبشنات دى ومخسرش اوى لما ابيع . ميرسي جدا لكل اصدقاء المنتدى اللى بيفدونى بخبرتهم ونصائحهم الجدية
m11 و توكل على الله