-
مش عارف المشكلة فين ؟
السلام عليكم
عندى مشكلتان مش لاقيلهم حل
1- عندى دبدبة فى العربية مع الفرامل وخصوصا مع السرعات العالية بتكون قوية أوى مع إنى غيرت التيل و مسحت الطنابير وبرضه المشكلة لسة موجودة.
2-مع السرعات العالية بلاقى العربية فيها رجرجة جامدة و الدريكسيون مش ثابت فى إيدى غيرت الجنوط وظبطت زوايا و الكاوتش يكاد يكون جديدا ما عملش 20000 ( ميشلان ) و طبعا مرصص وبرضه المشكله لسه موجودة مع العلم إن العربية فى بداية التسارع بيكون فيها غربلة لغاية سرعة 70 مثلا
إيه رأيكم :U_thin1[1]:
-
بيانات العربية كاملة من فضلك
و ايه اخبار بلي العجل ؟
-
العربية دايو إسبيرو موديل 94
-
طيب عدي على اي عفشجي يكشف على بلي العجل ممكن يكون محتاج تغير
-
بس أول مرة أسمع إن البلى ليه علاقة
-
موضوع الرجة ده ممكن يكون من البلي فيه بلية بتلف على الخشن و بقي فيها ريجة تعمل موضوع الهزة
الجنط لو مش مظبوط لو فيه عيب صناعة في الكاوتش لو الاكس الي ريح من الكوبلن الداخلي لراس الكوبلن لو فيه رفة يعمل موضوع الرجة ديه
بيض المقصان لو فيهم واحدة خلصت يبقي ممكن يعملوا كدة بس انا مش عارف ليه حاسس ان المشكلة عندك من البلي و الله اعلم طبعا
-
Content Relevant URLs by
vBSEO 3.6.0 PL2