الموضوع: محتار اشتري اية ارجو مساعدة؟؟؟؟؟

طيب انت هتشترى جديد ولا مستعمل

وهل الأستعمال عائلى ولا استعمال فردى

شوف ياسيدى السوزوكى والألتو تجميع هندى العربيتين حجمهم صغير ويسهل قيادتهم فى الطرق الضيقة وسهلين فى المناورة حجم صالون الألتو اوسع قطع غيار الماروتى ارخص ومنتشرة اكثر واعادة بيعها اسهل انا ركبت عربية ماروتى موديل 2007 العربية كويسة وبتجرى وناعمة فى القيادة استهلاك البنزين رائع بس لو جيت تشغل مروحة الصالن هتحس انها بتاثر بسيط فى سحب العربية العربية مينفعش يركب فيها تكييف نهائى ونسيت اقلك ان شكلها كويس بس انا طبعا معرفش اخبار العفشة مع صاحبى ايه هو عموما مندوب مبيعات وبيسافر بيها كتير جدا وبيشكر فيها الأدا عربية ناشفة جدا و 128 كويسة وارشحهالك لو عندك عائلة بس اعطالها كثيرة

انا كان معايا لادا2105 10 سنين

بص لو عاوزها حمالة اسية وبتشد كمان لدرجة انا لما سقت الانسر 1300و سقت الدايو لانوس محستش بالفرق في سحبهم عن اللادا في فرق اة بس مش جامد وتشيل حمولة بطريقة غير عادية

ولو عربية غيرها شالت الي انا نقلتة علي اللادا كانت ماتت من زمان بس


العيوب


مفيش اي متعة في سواقتها ناشفة اوي

ومكنش فيها تكيف ولا باور ولا اي امكانات مجرد سيارة فقط بدون اي كماليات

انا رأى تطلع ال 128 من المقارنة خالص

و لو عاوز عربية بجد تستحمل و قطع غيار منتشرة و حمالة اسية بمعنى الكلمة يبقى لادا روسى مش مصرى

لو عاوز عربية صغيرة و موفرة جدا فى البنزين و سهلة القيادة و قطع غيار متوفرة يبقى ماروتى

لو عاوز عربية شكلها احسن من الماروتى يبقى الألتو بس قطع الغيار مش متوفرة برة التوكيل زى الماروتى

طيب معلش سؤال هوة مينفعش حضرتك تدفع الى حتدفعة مقدمة لأى عربية احسن شوية من دول ( دة لو كنت حتدفع كاش لكن لو قسط يبقى خلاص خليك فى دول ) و تقسط مثلا على 3 او 4 سنين حسبل امكانياتك و مثلا تجيب شاهين او فيرنا او لانوس

يعنى مثلا تدفع 45 الف مقدر و قسط مثلا على 4 سنين حيبقى القسط حوالى 580 - 600 جنية فى الشهر

دة طبعا حسب امكانياتك لو مش عاوز ترهق نفسك فى الأقساط يبقى خلاص اختار حاجة من دول الى يناسبك فيهم