اسطوانة الدبرياج

**aboezz44** · 10-09-2009 01:58 PM

السلام عليكم اخوتى الأعزاء
انا الحمد لله روحت النهارده اعمل صيانة ال25,000كم فى توكيل السبع بزهراء المعادى
وكالعاده كنت بملى المهندس المختص بالمشاكل الموجوده فى العربية
وكان من ضمن المشاكل وجود صفره او صرخة بسيطة فى العربيه لما بتكون العربيه على الأولانى وطالع مطلع او فى حته زحمة وطالع بالعربيه على الأولانى وركب معايا المهندس المختص فى التوكيل وجرب العربية وكانت المفاجاْة بعد تجريب العربية (مهندس احمد عز اسطوانة الدبرياج بتاعت عربية حضرتك باظت)
لقد نزل على الخبر كالصاعقة عارفين اكتر حاجة صدمتنى مش ان الأسطانه ب700جم بس بجد كانت الصدمة انى راكب عربيه زيرو ويابانى وبعاملها بمنتهى الأحترام وتكون المفاجأة ان اسطوانة دبرياجها بايظه والمفاجأة الأكبر ان التوكيل بيتنصل من تغير جزء فى السيارة انا من رأى جزء غير استهلاكى يعنى مش زى تيل الفرامل مثلا
انا ياجماعه كان معايا عربيه شاهين قبل النيسان شاريها مستعمله مو 96 وعمرها ماغيرت اسطوانة دبرياج وقعدت معايا سنة ونصف وبعتها ومافيش شكوى من اسطوانة دبرياجها يعنى انا الحمد لله اجيد التعامل مع السيارات فا ماكنش توقعى انى لما اجيب عربية يابانى على الزيرو تبوظ من اول 20,000كم وكمان ما الاقيش الضمان ينصفنى.
انا اسف جدا ياجماعة على الأطاله بس انا والله مخنوق وحبيت انى افضفض معاكم وللأسف دا حال مصر هايكون امر واقع وهاغير الأسطوانة على حسابى ومافيش اى مشكلة
ارجو النصيحه وابداء الرأى وخاصة انا لسة ماغيرتش الأسطوانة وهل فيه خطورة او مشكله على العربيه لو انا ماغيرتش الأسطوانة على طول ولا ممكن اصبر عليها شويه.
جزاكم الله خيرا وكل وقت وانتم بخير

**original** · 10-09-2009 09:45 PM

ممكن يكون حد غيرك إستعمل العربية وخلص على الإسطوانة فى تخميسة شبابى قاضية ولو شاريها من حد حتى لو عاملة 1000كم ممكن يكون ظبطها.. بس حاول تتأكد من حد تانى متخصص وماتشككش فى الشغل اليابانى دى أكيد سوء إستعمال..

**mkb2000** · 11-09-2009 10:43 AM

لو العربية لسة بتسحب كويس وعداد الRPM مش بيعلى وانت ماشى و نقلات الفتيس سليمة من غير صعوبة ممكن تمشى بيها كمان شوية ،، وماتزعلش اديك مشيت بيها 25000 انا استلمت صنى مانويال 2009 ومشكلتها انها من ساعة مااستلمتها وهى ساعات بتعلق فى نقلة المارشدير او الرجوع للخلف بصورة طفيفة ولكن بتضايق فى الزحمة رحت التوكيل وشافها بنفسة وقالى مشى بيها ونشوفها فى صيانة الألف وعشان ظروف سفرى عملت الصيانة قبل مااكمل الألف كيلو بالضبط 920 كم والمهندس ركبها وجربها اكتر من مرة والمفاجئة انة فلى ان الحارات سليمة ودى حاجة بسيطة مش باينة ومش هاتأثر وابقى كارك الدبرياش وهى تقبل النقلة والعربية الأن فى الجراج وانا مسافر برة مصر 6 شهور بس مستحلف لهم لما ارجع خصوصا دلوقت لما عرفت موضوع اسطوانة الدبرياج بتاعتك لأن المهندس قعد يحلف ان اسطوانة النيسان ماتفكرش فيها فبا 100 الف كم لما قلت لة ان العيب الى عندى دة عيب اسطوانة ،،

**aboezz44** · 13-09-2009 10:20 PM

المشاركة الأصلية كتبت بواسطة original

ممكن يكون حد غيرك إستعمل العربية وخلص على الإسطوانة فى تخميسة شبابى قاضية ولو شاريها من حد حتى لو عاملة 1000كم ممكن يكون ظبطها.. بس حاول تتأكد من حد تانى متخصص وماتشككش فى الشغل اليابانى دى أكيد سوء إستعمال..

]الأخ العزيزي اوريجينال
شكرا لردك
لكن اولا العربيه انا الى جايبها من الصاله وكانت عاملة 4كم فقط
ثانيا من يوم العربيه ما جات لم يحدث ان قادها احد غيرى ولا حتى حد جرشها غيرى
( افتكر للأمانه ان ما فيش حد ركبها غيرىالا مهندسين الصيانه فى التوكيل وكنت انا معاهم)
ثالثا لو فكرت ان العربيه ممكن اسطوانتها تبوظ علشان واحد اخدها وطلع بيها شوية امريكانى تبقى على الدنيا السلام لما عربيه يابانى لسه فى اول 5شهور وتبوظ من كده
للأسف اعتماد حضرتك فى الرد على سوء الأستعمال مع عدم التفكير فى عيب الصناعة

**aboezz44** · 13-09-2009 10:23 PM

المشاركة الأصلية كتبت بواسطة mkb2000

لو العربية لسة بتسحب كويس وعداد الRPM مش بيعلى وانت ماشى و نقلات الفتيس سليمة من غير صعوبة ممكن تمشى بيها كمان شوية ،، وماتزعلش اديك مشيت بيها 25000 انا استلمت صنى مانويال 2009 ومشكلتها انها من ساعة مااستلمتها وهى ساعات بتعلق فى نقلة المارشدير او الرجوع للخلف بصورة طفيفة ولكن بتضايق فى الزحمة رحت التوكيل وشافها بنفسة وقالى مشى بيها ونشوفها فى صيانة الألف وعشان ظروف سفرى عملت الصيانة قبل مااكمل الألف كيلو بالضبط 920 كم والمهندس ركبها وجربها اكتر من مرة والمفاجئة انة فلى ان الحارات سليمة ودى حاجة بسيطة مش باينة ومش هاتأثر وابقى كارك الدبرياش وهى تقبل النقلة والعربية الأن فى الجراج وانا مسافر برة مصر 6 شهور بس مستحلف لهم لما ارجع خصوصا دلوقت لما عرفت موضوع اسطوانة الدبرياج بتاعتك لأن المهندس قعد يحلف ان اسطوانة النيسان ماتفكرش فيها فبا 100 الف كم لما قلت لة ان العيب الى عندى دة عيب اسطوانة ،،

مشكور جدا لمشاركة حضرتك
العربيه الحمد لله سحبها فوق الممتاز وعداد الrpmمش بيعلى خالص انا كل الى كان مضايقنى صوت الصرخة الغريب الى حكيت لحضرتك عنه
بس بجد التوكيل محتاج مننا وقفه لأن المفترض اننا راكبين عربيه يابانى مش عربيه هندى ولا صينى

**hesham_shousha** · 14-09-2009 12:23 AM

طبعا 25000 رقم قليل على إسطوانه الدبرياج
إسطوانه الدبرياج اللى راكبه فى سيارتى - بيجو 305 - عامله 90 ألف لحد دلوقتى وصحتها زى الفل والحمد لله وسعرها 200 جنيه فقط

**maged george** · 14-09-2009 01:20 AM

معلش انا رايي انك تروح لمدير التوكيل وتتمسك بحقك في الضمان واذا ماوافقش يغيرها في الضمان ابعت ميل لنيسان واشتكيلها وممكن تروح توكيل تاني زي مودرن موتورز وتشوف رايهم ايه ومعلش الموضوع عاوز شوية صبر بس انا اتعلمت ان مفيش حق يضيع طول ماوراه مطالب بس المشكلة في مصر انك بتقعد تطالب بحقك مدة طويلة حبتين تلاتة وربنا يوفقك.

**aboezz44** · 14-09-2009 01:15 PM

المشاركة الأصلية كتبت بواسطة maged george

معلش انا رايي انك تروح لمدير التوكيل وتتمسك بحقك في الضمان واذا ماوافقش يغيرها في الضمان ابعت ميل لنيسان واشتكيلها وممكن تروح توكيل تاني زي مودرن موتورز وتشوف رايهم ايه ومعلش الموضوع عاوز شوية صبر بس انا اتعلمت ان مفيش حق يضيع طول ماوراه مطالب بس المشكلة في مصر انك بتقعد تطالب بحقك مدة طويلة حبتين تلاتة وربنا يوفقك.

اشكرك جدا اخ ماجد على ردك الموضوعى والعملى
بس انا ليا تسائل واحد
هل اسطوانة الدبرياج من ضمن قطع الغيار التى تقع تحت مسؤلية الضمان ولا لأ؟

**WalidAdel** · 14-09-2009 03:08 PM

ياباشا سؤال بس هيا الصرخه اللي حضرتك بتقول عليها دي بتطلع امتي كل مره لما تيجي تطلع علي الاولاني ولا بعد حبه كتير و تكون العربيه محمله او في حته زحمه و بتجيب اولاني كتيييير اصل الموضوع ده بيحصل عندي علي فكره بس لما اكون في حته زحمه و بتنقل اولاني كتييييير او علي مطلع بتبقي صرخه خفيفه كده
بس عموما انا ماشي بيها عادي لان انا عارف انها اسطوانه لما بتسخن شويه بتطلع الصوت ده بس العربيه سحبها حلو و مظبوطه علي العداد و ال rpm مش عالي و علي سرعة 150 كم ال RPM بيبقي علي 4 دا من ساعة ماجيبتها فاكيد مش هاغير الاسطوانه علشان الصرخه الخفيفه دي
امشي بيها عادي ياباشا و لما تحس ان العربيه ابتدي صوتها يعلي في النقلات من غير سحب ابقي غيرها
علي فكره انا عامل بعربيتي 62.000 لحد دلوقتي و الاسطوانه كويسه بغض النظر عن الصرخه الخفيفه دي و بحاول اني محملش رجلي علي الدبرياج كتيييييييير بس

الموضوع: اسطوانة الدبرياج

LinkBack

أدوات الموضوع

عرض