اشتريت مازدا 232 موديل 1982 وعايز مساعدتكم

عرض للطباعة

10-09-2009, 07:53 PM
moatazbunny

اشتريت مازدا 232 موديل 1982 وعايز مساعدتكم

اعضاء المنتدى الكرام أولا كل سنة وانتم طيبين

ثانيا باركولي أنا جبت أول عربية في حياتي ولسة بتعلم السواقة عليها أهوه بس عايز أعمل فيها شوية حاجات كده
أولا عايز اركب فيها حزام أمان بدل اللي فيها عشان اللي فيها ده بايظ
ثانيا عايز اغير جلدة المساحة اللي فيها عشان نشفت من الزمن - المساحات شغالة مية مية على فكرة
ثالثا عايز اغير الشمسات اللي في الصالون عشان اللي راكبين فيها عدى الزمن عليها لما قال يا بس
رابعا عايز اغير كوالين البيبان عشان العربية كانت مركونة وال كوالين بتاعتها مصدية وكمان برده أمان ليَّ فيما بعد عشان أصلا صاحبها ساكن جمبي بشارعين وأنا مش مطمن بصراحة
خامسا عايز اغير الدواسات التلاتة بتوع البنزين والفرامل والديبريياج عشان ممسوحين على آخر وبيتزحلقو تحت رجلي
سادسا عايز اغير إزاز الفوانيس بتاعها عشان متكسر وكده - الباغة يعني

يا ريت تقوللي أجيب الحاجات دي منين واركبها فين وطبعا أنا لسة باداورلاها على ميكانيكي كويس وكهربائي كمان
ياريت اللي يعرف ميكانيكي أو كهربائي مازدة 323 كويس يقولي بس يكون آمين وبيفهم فيها
وياسلام لو كان في الهرم

وكل سنة وانتم طيبين
مستني ردودكم
اخوكم ميزو
10-09-2009, 08:00 PM
Terrible_DaRsH

الف مبروك , ربنا يبارك لك فيها .

احسن لك تنزل تاخد جولة فى التوفيقية من اولها لاخرها , هتلاقى كل اللى انت عايزه هناك و باسعار مختلفة .
10-09-2009, 08:07 PM
moatazbunny

شكرا يا Terrible_DaRsH على سرعة الرد والله يبارك فيك اخي بس ممكن تقولي أروح هناك إزاي معلش أصلي دي أول عربية في حياتي
10-09-2009, 08:10 PM
Terrible_DaRsH

انت منين طيب علشان اوصف لك السكة ؟
10-09-2009, 08:26 PM
asbeats

اولا الف مبروك على العربية...وهي للعلم عربية ممتازة جدا ولما بتتشد بتبقى شيك جدا وخطيرة وأي شغل بيتعمل فيها بينطقها

اعتقد انه اسهلك تروح بالمترو عشان ركنة العربية صعبة هناك شوية والمترو بينجز...والحاجات اللي انت هتجيبها بيتهيألي مش تقيلة

هي العموم عند محطة الأسعاف في وسط البلد

لو هتروح بالمترو هتنزل محطة جمال عبد الناصر "الإسعاف" على خط حلوان المرج.
التوفيقية هناك بالظبط عند محطة المترو
11-09-2009, 08:18 AM
moatazbunny

شكرا يا جماعة بجد على مساعدتكم ليه بس في حاجة كده حصلت
العربية باظت مني امبارح بعد الفجر وبطلت وما دارتش تاني خالص لحد مازهقت وركنتها مكانها وإن شاء الله بكرة هجبلها الدكتور بتاع عربية أخويا
وللأسف أنا زعلان جدا ومش هيجيلي نوم خالص أنا :11:عارف
أنا كنت رايح أعمل التوكيل النهاردة مع صاحب العربية واديله بقيت فلوسه بس إن شاء الله كله خير
أنا هقوم أنام :36_1_50[1]:
شكرا يا جماعة على العنوان أنا عرفتها تقريبا بس لوا توههت هناك هابقى أسأل
11-09-2009, 11:57 AM
eslamrace

الف مبرووك وربنا يديك خيرها ويكفيك شرها
11-09-2009, 12:37 PM
Mosmafa

حلوة العربية دي
جراية اوي
المهم اتعلم عليها و ظبط حياتك
وانجز وبيعها لان الموديلات القديمة بيتقال عليها كده
المازدا فاسدة
وخد بالك من الصيانة و خش عالمنتدى هتلاقي فيه ازاي تحافظ عليها تمام
11-09-2009, 06:20 PM
moatazbunny

يا شباب أنا رحت عملتها خلاص الحمد لله وراكبتلها طقم بوجيهات جديد وظباتلها الكهربة بتاعتها وكله تمام بس إن شاء الله بعد الفطار هانزل اغسلها في البنزينة عشان ركنتها تحت شجرة والنمل عمل منها بيت ليه وإن شاء الله خير

هو ماحدش يعرف ليها ميكانيكي كويس وكهربائي عشان أبقى زبون مستديم مش كل شوية بقى اغير
أنا سمعت إن في واحد فالسيدة عيشة متخصص مازدا بس ... بس ده بعيد عني قوي بصراحة
ياريت تفيدني لو تعرفه حد بتاع مازدا وبيفهم

ادعولي وانتو بتفطررو
11-09-2009, 06:25 PM
moatazbunny

اقتباس:

المشاركة الأصلية كتبت بواسطة mosmafa

حلوة العربية دي
جراية اوي
المهم اتعلم عليها و ظبط حياتك
وانجز وبيعها لان الموديلات القديمة بيتقال عليها كده
المازدا فاسدة
وخد بالك من الصيانة و خش عالمنتدى هتلاقي فيه ازاي تحافظ عليها تمام

يعني إيه يا باشا المازدا فاسدة متهيألي مش فاهم حضرتك خالص ... ياريت توضح أكتر

هي فعلا جارية قوي بس أنا لسة في الأول بس كل اللي ركبها قال لي كده
11-09-2009, 08:42 PM
moatazbunny

شباب احطها زيت اييه وإيه انسب زييت ليها
20-09-2009, 12:58 PM
lotfyonline

السلام عليكم
ألف مبروك ..بصراحة العربية حلوة قوي وهي اللي تستحمل طرق مصر ..المهم أنا معايا العربية من سنة نص ولما جبتها كنت متلخبط شوية علشان مش عارف قطع غيارها بس ربنا هداني لعم نبيل أو (بلبل مازدا) وده في القلعة خلف دار المحفوظات بيشتغل في المازدا بس من صغره وعارف كل حاجة في العربية (وللعلم هو سافر مصانع مازدا وهو صغير أخد دور في ميكانيكا العربية دي) وكمان بيشتغل في عفشتها وكل قطع الغيار هتلاقيه بيتصرف فيها رحله مرة يظبتلك العربية ومش هتندم على فكرة هو أمين جدا ورخيص جدا.
21-09-2009, 06:40 PM
mohamed777

اقتباس:

المشاركة الأصلية كتبت بواسطة moatazbunny

شباب احطها زيت اييه وإيه انسب زييت ليها

انا غيرت من موبيل سوبر الابيض الى شيل الاصفر والحمد لله كويس احسن
22-09-2009, 01:27 AM
agwaa

عم معتز
كل سنة وإنت طيب
وألف مبروك على العربية وعلى فكرة أنا راكب إختها وهى كانت تاني عربية ليا بعد فيات 132 وهى ( ال 132 كانت أحسن مدرسة للقيادة والميكانيكا )
نيجي للمازدا 323 / 82 دي أحسن عربية قديمة في مصر وما تسمعش كلام حد ( المازدا فاسدة ولو كانت طيارة ) دة كلام الإخوة العرب إللي بيركبوا الكابريس والجاجوار والبورش وخلافه
أما المازدا بكل أنواعها أحلى عربيات دخلت مصر من اليابان ( إحم إحم ) بعد التويوتا طبعاً
المازدا 323/82 أو 323/ 83 ( بتاعتي ) يقال عنها عربية الغلابة لأن قطع غيارها متوفرة ومعمرة نسبياً وفي متناول اليد
_ أي حاجة عاوزها إحنا كلنا تحت أمرك وهندلك ( إحنا مين ....؟ ) أدخل على اللينك ده هتلاقينا معاك
http://www.nilemotors.net/Nile/93075-323-82-a.html
22-09-2009, 11:42 PM
moatazbunny

اقتباس:

المشاركة الأصلية كتبت بواسطة lotfyonline

السلام عليكم
ألف مبروك ..بصراحة العربية حلوة قوي وهي اللي تستحمل طرق مصر ..المهم أنا معايا العربية من سنة نص ولما جبتها كنت متلخبط شوية علشان مش عارف قطع غيارها بس ربنا هداني لعم نبيل أو (بلبل مازدا) وده في القلعة خلف دار المحفوظات بيشتغل في المازدا بس من صغره وعارف كل حاجة في العربية (وللعلم هو سافر مصانع مازدا وهو صغير أخد دور في ميكانيكا العربية دي) وكمان بيشتغل في عفشتها وكل قطع الغيار هتلاقيه بيتصرف فيها رحله مرة يظبتلك العربية ومش هتندم على فكرة هو أمين جدا ورخيص جدا.

ألف شكر يا باشا على الرد الجميل ده وعلى فكرة شكلي كده هرُوح ل نبيل مازدا ده بس هو ماحدش يعرف إيه ظروفه جمعة وسبت وياسلام لو حد عنده صورة من جوجل للمكان بتاعه تبقى تمام قوي

اقتباس:

المشاركة الأصلية كتبت بواسطة mohamed777

انا غيرت من موبيل سوبر الابيض الى شيل الاصفر والحمد لله كويس احسن

أستاذ محمد ممكن أعرف إنت غيرت ليه عشان اللي اشتريت منه العربية قال لي إنه كان بيجيب الجركن الأبيض ده وياريت لو تقولي ده بكام وشيل الأصفر ده بكام

اقتباس:

المشاركة الأصلية كتبت بواسطة agwaa

عم معتز
كل سنة وإنت طيب
وألف مبروك على العربية وعلى فكرة أنا راكب إختها وهى كانت تاني عربية ليا بعد فيات 132 وهى ( ال 132 كانت أحسن مدرسة للقيادة والميكانيكا )
نيجي للمازدا 323 / 82 دي أحسن عربية قديمة في مصر وما تسمعش كلام حد ( المازدا فاسدة ولو كانت طيارة ) دة كلام الإخوة العرب إللي بيركبوا الكابريس والجاجوار والبورش وخلافه
أما المازدا بكل أنواعها أحلى عربيات دخلت مصر من اليابان ( إحم إحم ) بعد التويوتا طبعاً
المازدا 323/82 أو 323/ 83 ( بتاعتي ) يقال عنها عربية الغلابة لأن قطع غيارها متوفرة ومعمرة نسبياً وفي متناول اليد
_ أي حاجة عاوزها إحنا كلنا تحت أمرك وهندلك ( إحنا مين ....؟ ) أدخل على اللينك ده هتلاقينا معاك
http://www.nilemotors.net/Nile/93075-323-82-a.html

يا باشا أنا بعد ماجبتها عرفت إنها كويسة بس الظاهر إنها بس عايزة تتظبط
وأنا متابع الموضوع ده بتاع أستاذ محمد كويس

على فكرة الردياتر عندي شكله كده مخروم لاني بشوف المية نازلة تحت العربية
إن شاء الله العيد يخلص وأنزل كده يوم اظبطها إن شاء الله
متشكر ليك وللأستاذ محمد ولل أستاذ lotfyonline
23-09-2009, 12:05 AM
mohamed777

اقتباس:

المشاركة الأصلية كتبت بواسطة moatazbunny

أستاذ محمد ممكن أعرف إنت غيرت ليه عشان اللي اشتريت منه العربية قال لي إنه كان بيجيب الجركن الأبيض ده وياريت لو تقولي ده بكام وشيل الأصفر ده بكام

انا اول مرة استعمل شيل الاصفر
من زمان وبستعمل موبيل سوبر الابيض ومن كتر الكلام على شيل الاصفر قولت اجربة وفعلا احسن فى الصوت خصوصاً لما تجرى وتسحب شوية
بالنسبة لاسعارهم موبيل الابيض اخر مرة جبتة كان 65 جنية
وشيل الاصفر 98 جنية