يا ريت تشوفوا الفيديو ده، و ممكن نبقي نعمل ركن للي عايز يعيط .

**MoToRiZeR** · 10-09-2009 08:24 PM

Anmelden | Facebook

يا ريت تشوفوا الفيديو ده كامل علي فيس بوك
و بعد كدة ممكن نبقي نقعد نعيط سوي .

**MoToRiZeR** · 10-09-2009 08:26 PM

حتي عنوان الفيديو و طريقة كتابته بالعربي تبين نتيجة التعليم الجميل بتاعنا "فالنشاهد" !!

**mahmoud_magdy** · 10-09-2009 09:04 PM

يلا كلنا في نفس واحد نلطم
1-2-3 هوبااااااا
هو ده النظام
هو ده الاحترام
هي ده الاخلاق

يااااااااااااااااه
يلا كلنا نتحسر على ما قضيناه في سنوات عمرنا
من الفوضى وعدم النظام والدخول والخروج من المدرسه بخاصية التدافع
يلا نتحسر على الخناقات على الديسكات
يلا نتحسر على ضرب المدرسين للطلبه
يلا نتحسر على ضرب الطلبه للمدرسين

انا مسافر اليابان حد جاي !!!

**mobitic** · 10-09-2009 09:12 PM

يا شماته طنط ظاظا فينااااااااا

**Terrible_DaRsH** · 10-09-2009 09:15 PM

انا عندى استعداد اعيط مفيش مشكلة , بس اعيط على ايه ولا ايه ولا ايه ولا ايه !!

و الله العظيم كفاية بس صباح الخير اللى بيقولوها لبعض و هما مبتسمين .

بصراحة وبدون زعل بس احنا لو صنفنا نفسنا مع الناس دى يعتبر احنا مش بشر اصلا , و لكن احنا اللى بنينا الاهرامات :p ..

**Abo_Lina** · 10-09-2009 10:29 PM

أصل دول بني آدمين
و محدش يقولي مصر هيا أمي..
الحقيقة إن احنا على معيار التحضر مش موجودين أصلا..

احنا مش هانتقدم إلا لما نحس بالغيرة من المجتمعات المتقدمة و نحاول نقلدهم و نبقى زيهم ..
لكن طول ما احنا متقوقعين على نفسنا و مش عاوزين نشبك في ديل التقدم يبقى البلد هاتفضل زي ما هيا كده ..

**Dr Zezo** · 10-09-2009 11:10 PM

شكرا علي الفيديو الرائع

فعلا الاطفال تعليمهم هو الحل

**MoToRiZeR** · 10-09-2009 11:27 PM

المشاركة الأصلية كتبت بواسطة terrible_darsh

و الله العظيم كفاية بس صباح الخير اللى بيقولوها لبعض و هما مبتسمين .
..

أه و الله إنت متخيل !؟

يا جماعة دنا مرة و انا في ثانوي رحت ملقتش سور المدرسة !!! بسأل قالولي فيه عيال جم هدوه بالليل عشان بييجوا الصبح يلاقوا المدرسين قفلوا الباب

**ainshouka** · 10-09-2009 11:49 PM

طب ماحنا برضه عندنا نفس اللى اتعرض دا برضه بس الفرق بس انهم عندهم الكلام دا بصفة يومية لكن احنا عندنا بيحصل لما يكون وزير التعليم بيفتتح مدرسة او الرئيس بيزور مدرسة عشان الانتخابات والزرع والاصارى دى كلها برضه بنشوفها بغض النظر بقى ان عندنا بنشيل الحاجات دى علطول بعد ما السيد الوزير مبيمشى

وبيجيبوا ديسكات جديدة وصبورة جديدة بس الفرق بس فى النقطة اللى قلتها
وبالنسبة للانتماء واللى بيعلموه للعيال احنا برضه عندنا مثلا بكار ورشيدة (المعزة بتاعته)
آه صحيح هما بيعلموا العيال التخلف والعيا بس مش مهم

بس كفاية كده لحسن الواحد قرب يعيط بجد

هو كان فيه اقتراح جميل كان فيه عضو قاله بس مش فاكر مين انها حتة نووى تنزل على البلد دى ونبتدى من جديد على نضافة زيهم وزى مانزلوها عندهم على هيروشيما وناجازاكى ممكن مثلا ينزلوها على القاهرة والجيزة ويبعدوا عن المنوفية لان التقدم حيطلع منها ان شاء الله:10D5C8~1107: