القياده للرجال نفسهم اصبح شئ مرهق للغايه
فما بالك بالسيدات
وانا عن نفسى اخاف بجد على المدام من القياده
القياده للرجال نفسهم اصبح شئ مرهق للغايه
فما بالك بالسيدات
وانا عن نفسى اخاف بجد على المدام من القياده
لما بقول للمدام انا خايف عليكي بكون فعلا خايف عليها مش على حتة الصاج اللي بتتباع وتتشرى اللي اسمها العربية
جوا البلد معنديش مانع تسوق لكن على الطريق لااااااااااااااااااااااا
لأسباب كتيرة ومواقف شفتها لسيدات وبنات على الطريق محبش اشوف اي حد فيها مش بس المدام
وكمان مننساش قول الحبيب المصطفى
عن ابن عباس رضي الله عنهما قال : قال النبي صلى الله عليه وسلم : (( لا تسافر المرأة إلا مع ذي محرم ، ولا يدخل عليها رجل إلا ومعها محرم )) ، فقال رجل : يا رسول الله إنّي أريد أن أخرج في جيش كذا وكذا ، وامرأة تريد الحج فقال : " اخرج معها )) [ البخاري : 1862] [ مسلم : 1341]
لو بتحتاج العربية في بلد تانية مسافرة ليها (في حالة لو كنت مسافر) بخلي اخوها يسافر معاها في عربيتها يوصلها حتى لو هي اللي هاتسوق بكون مطمن عشان اخوها معاها
او لو كانت فعلا سافرت مع اهلها لمكان واحتاجت العربية هناك ممكن اخلي سواق يوصلها العربية لحد هناك
وربنا يسلمنا جميعا
بصي يا ريمو من الاخر هم بيقولوا خايفين على الست او البنت وده الظاهر لكن الباطن اللي مش بيظهر غير وقت الجد هو الخوف على العربية
طبعا الكلام ده على الرجالة باستثناء الاب
المرحوم بابا كان رافض تماما اشتري عربية خوفا عليا بالرغم اني كنت متزوجة ولما كنت اخرج بيها يطلب مني ارن له لما اوصل المشوار علشان يتصل بيا يطمن ومش عايز يتصل احسن اكون لسه سايقه وارن لما اركب تاني للرجوع
بس عايزة اقولك ان خوف الاخرين عليكي بيهز ثقتك في نفسك ويقلقك اثناء القيادة
انا فاكرة لما كان عندي عربتي الخاصة 27 مكنش في مشكلة اروح بيها اي حتة حتى لو طريق طوالي
لكن دلوقت متعرفيش يا اوووختشتي نبت عضو جديد خاص بالخوف عليا ولا ايه
بس ياسيدي وراحت معيطة
انا كنت بدأت اعلم اخواتى السواقه حتى والدتى!!!!! والحمد لله كلهم طلعوا رخص وبمجهودهم بصراحه بس بخاف عليهم فعلا قبل العربيه وخصوصا من سخافة الاخرين بخليهم يسوقوا مسافات قصيره فى المصيف فقط!!!!!!!
لأ يا بوحميد.........أنت فهمت كلامى غلط
هى تسوق لو أنا مش معاها.........
لكن لو أنا معاها.........لا ممكن أبدااااااااااااااااً ( محصلتش غير و هى بتتعلم بس )
هى تقعد معززة مكرمة و أنا أسوق.......
و سفر بعربيتها no way حتى لو أنا معاها على الطريق بعربيتى.