محتاج رأيكم فى ميجان 2006 قبل مشترى....
انا من اسكندرية و بدور على ميجان فى حدود 70000 جنيه.المهم لقيت واحدة 2006 اوتوماتيك. الراجل بيقولى مش رشة غير اكصدامات بس.العربية شكلها فايقة كده و حالة الصالون ممتازة مفيش بس غير زرار ظبط المرايات مخلوع.و الفوانيس اللى قدام مشبرة و فيها مياة
العربية ماشية 71000 كم.هو بيتكلم فى 68000 و ده اول الكلام لسه.
1-المهم عايز اعرف رأيكم العربية دى كدة ماشية كتير.انا حاسس ان 71000 كم كتير و لا ايه؟
2-و بعدين الفوانيس دى ليها حل و لا لازم تتغير؟و لو ممكن تتنضف هل بعد كدة اى شوية مياة هييجوا عليهم هيعملوا كده تانى؟
3-و بعدين هى الميجان فيه منها اوتوماتيك فى موديلات و ستيب ترونيك فى موديلات تانية؟
و هل الاوتوماتيك فى الميجان فيه مشاكل.انا عايز اركب مانويال بس مش لاقى خالص و كل الناس بتقوللى ان المانويال فى الميجان نادر جدا.ده صحيح؟
4-كمان عندى سؤال بالنسبة للزجاج الخلفى انا سمعت انه ضعيف جدا و لو سبت العربية كتير فى الشمس هلاقيه اتسرطن و لازم اغيره.ايه رأيكم فى الكلام ده؟
5- قالولى برضه ان الاسكترا بتاعة العربية دى ضعيفة قوى و ان تمنها فى التوكيل 5000 جنيه؟
انا طبعا مش هاخلص غير لما اخدها التوكيل و اكشف عليها علشان اطمن بس الاول قلت اخد رأيكم فى الاسئلة دى علشان عارف ان هنا هلاقى الاجابات الصح من غير فتى و اشاعات.
معلش طولت عليكم بس ارجو المساعدة
