القسط دا زنقة على الفاضى
و على فكرة أنت جربت الماتريكس كويس قبل ما تقرر تشتريها
عرض للطباعة
القسط دا زنقة على الفاضى
و على فكرة أنت جربت الماتريكس كويس قبل ما تقرر تشتريها
بص لو العربة مريحاك خليها معاك لحد لما يتوفر معاك تمن الجديدة و بعدين إشترى
انا بسمع عنها سمع خير و خايف من الزنقة بس بيقولوا اسعى يا عبد و انا اسعى معاك
عندك عربيتك عمرك ما حاتدفع فيها الف جنيه كل شهر دة على الأقل وبعدين حتى لو دفعت الف جنية ده القسط فى العربية اللى معاك حتبقى طيارة
انت عارف يا محمد ان مشكله اي واحد راكب اوبل انه لما يبيع هيركب ايه ؟؟؟ صحيح ان الجديد مفيش احسن منه لكن حرام تحط المبلغ ده في كوري والمثل بيقول حمارتي العرجه تغنيني عن سؤال اللقيم - التقسيط المباشر لصاحب السلعه ( التاجر ) حلال انما الحرام انك تدخل البنك وسيط بينك وبين التاجر ده يبقي ربا - احسن حاجه في الدنيا انك تنام وبالك مرتاح مش شايل هم قسط او فوايد... صدقني راحه البال تمنها غالي قوي ويا اخي ربك كريم وان شاء الله يوسع عليك وتجيب الفيكترا الجديده .
الف شكر يا فادى و اللى كان قلقنى فعلاً انى انزل من الفيكترا بثابتها الرهيب للكورى
و انا استخرت ربنا و خلاص مفيش نيه عندى
انت عارف يا طناني انا بفكر في الموضوع دا حاليا احنا العربيات بتاعتنا قدمت فعلا و معلش مهما كان الالماني و الثبات و الاصالة بردوا موضوع سنة الموديل بيفرق انا حاليا بفكر في البروتون البرسونا بصراحة العربية دية تحفة بكل المقاييس عربية ثباتها مش طبيعي و الماتور ما شاء الله تحفة 1600 ياعني ترخيص اقل من الاوبل و زيرو بردوا و لو هتأمن عليها ربنا يكفينا شر الحوادث ياعني مش هتبقا قلقان و اهي زيرو ياعني بنزين و زيت لمدة 5 سنين ان شاء الله علي الاقل
مش عارف انا بفكر في الموضوع بجدية و اللي عاجبني فيها بجد انها فعلا احسن من اللانسر و الالنترا و الماتركس و العربيات دية ممكن تكون قطع غيارها غالية شوية بس تمنها فيها ياعني مش عارف انت اية رأيك في الموضوع و بعدين العربيات بتاعتنا تجيب كام دلوقتي اصلا انا مش عارف ياعني لما اجي اطلب في عربيتي سعر اقول كام انا اوبل 94 الماني 2000 سي سي
انت راكب اوبل
فكر كويس ممكن تركب ايه بعدها
الماتريكس مش هتديك اللى انت عايزه
صاحبى انقاب بيها بعد اسبوع من شرائها (ثبات لا يقارن بعريتك)
و التأمين عكها اخر عك و الله صحبى قرف منها و دلوقتى احنا مشغولين فى تصليح ما اتلفه التأمين
كلام 10/10 يا فادىاقتباس:
التقسيط المباشر لصاحب السلعه ( التاجر ) حلال انما الحرام انك تدخل البنك وسيط بينك وبين التاجر ده يبقي ربا - احسن حاجه في الدنيا انك تنام وبالك مرتاح مش شايل هم قسط او فوايد... صدقني راحه البال تمنها غالي قوي ويا اخي ربك كريم وان شاء الله يوسع عليك وتجيب الفيكترا الجديده
انا شاكر للجميع و انا خلاص قررت لما تيجى من وسع ابقى اغير بس مش ناوى ابيع اللى معايا لأنى اكتشفت انها اصيله قوى لما جيت ضربتها فى دماغى ان العيةب اللى فيها انا السبب فيها
الماف اخويا ساب واحد متخلف يلعب فيه
التكييف انا اللى كسرت السربنتينه بتاعته و انا سبب المشاكل باهمالى انى احاول اعمله عند واحد معفن
غير كده العربية مافيهاش الهوا
عفشة - موتور - فتيس - بودى ( مع عدم احتساب الخبطات الخفيفه و اعتبار ان العربية فابريكه ) يعتبر زى الفل و كذلك الصالون فابريكه الكراسى الأصلى متقعدش عليها لغاية دلوقتى
يبقى حرام اورط نفسى فى موال ممكن ماقدرش عليه قدام و انا قادر عليه دلوقتى الرسول علية الصلاة و السلام قال اعقلها و توكل و زمان قالوا رحم الله امرؤ عرف قدر نفسه
فوق ده كله انى هسمع و انا ببيع ارقام غريبه و انا مش ناقص حرق دم و رفع سكر و ضغط
كفا الله المؤمنين القتال و الحمد لله على كده و لو حسبت العربية هلاقى انى ب 4000 جنيه بالضبط ارجعها زيرو و احسن من الزيرو كمان
1000 جنيه ماف و رشاشات
500 صيانه كاملة للتكييف و تغييراته المختلفه
800 جنيه ازاز كهرباء بالزراير الأصلية
400 جنيه مرايات ضم كهرباء بتاعت الأسترا
300 فرش نضيف جلد
50 طقم دواسات
الباقى اروش بيه العربية كاسيت و حركات و افك الأكصدمات و اضبطها عند بتاع فيبر نضيف يرجعها فابريكه
سمكره و دوكو مش هاعملهم خالص
و كده الحمد لله ركبت عربية عجلتها انضف من الزيرو من غير ما ازنق نفسى فى قسط و مواويل و من غير ما احرق دمى بسماع اسعر مش منطقية زى 35000 و 40000 لو حد قالهم اساسأ
و انا عايز اجتنب الشبهات انى اخش فى شبهة ربا
ده انا بتعامل مع البنك بالعافية و حساب جارى و بصرف عليه بس عشان الشغل ده غير الفيزا طبعاً بس انا باستعملها فى اضيق الحدود و كتير قالوا مفيهاش شبهه