الداخلية تدافع عن حملات المجاهرين بالإفطار

**blazer** · 11-09-2009 07:04 PM

المشاركة الأصلية كتبت بواسطة r0xer

ممكن الأول نتعرف على كلمة إنحلال؟

هل كان في الخمسينات والستينات تجارة المخدرات مزدهرة زي دلوقتي؟

هل كانت في الخمسينات والستينات تحرشات جماعية زي اللي بيحصل دلوقتي؟

هل كان في الخمسينات والستينات الغش التجاري مالي الدنيا دلوقتي؟

هل كان في الخمسينات و الستينات حريم بتشيش على القهاوي زي دلوقتي؟

هل كان في الخمسينات والستينات الشباب بيتقصع زي دلوقتي وراكب عربيات ماما وبابا وبيدوس بيها الناس؟

هل كان في الخمسينات والستينات جواز عرفي مالي الدنيا زي دلوقتي؟

هل كان في الخمسينات والستينات في إبن يستجري يقول لأبوه او لامه لا في اي حاجة؟

الفساد موجود فى اى عصر باشكا متنوعه
انا مقولتش اننا دلوقتى عايشين عصر التدين والحيه حلوه وزى الفل ..... ابدا
بس مصر ايام ال خمسينات مكانتش افضل حلا من دلوقتى و كان فيها كل اللى حضرتك ذكرته
والناس اللى عاصروا الفتره دى وعاشوها ادرى منى اكيد

يا عم بلازر أنت هتلاقيك شفت الافلام الابيض واسود فيها صالات ديسكوا بس والبنات بتلبس ميني جيب فقلت دا كان عصر الانحلال......لكن الانحلال الحقيقي هو دلوقتي....هو اللي خلانا دلوقتي بنتناقش في أبسط شيء عن الحريات للمواطنين....يعني مش بنتناقش في حريتهم الدينية ولا في حرية معتقدهم ولا افكارهم السياسية......لادحنا بنتناقش هل من حقه ياكل ولا مش من حقه ياكل؟ والله حاجة تغم فعلاً.

-------

وهل حضرتك سمعت إن في عصر سيف الدين قطز ولا صلاح الدين الأيوبي ولا محمد علي باشا عن معاقبة الفاطر ؟ ياريت والله لو تجبلنا دليل على المعلومة دي لإنها جديدة عليا. اللي أعرفه إن الصيام شيء بين العبد وربه ولا توجد عقوبة دنيا من أجله.

انا برده عاوز اوصللك انى مش بدافع عن اللى الداخليه بتعمله
ولكن علقت على كلمه حضرتك "اللى يرحم مصر الخمسينات "

**Ahmed Samy** · 11-09-2009 08:03 PM

هو بعد كلام بلال فضل ...

حد هايعرف يتكلم ؟؟

في ناس كده المفروض تاخد أوامر ما تتكلمش في الصحف

لأنهم بيخلوها خل خالص

**maka** · 12-09-2009 03:36 AM

هو المجاهرة بالصيام قلت ادب و خدش الحياء والتعذيب فى الاقسام منتهى الادب

**dr-mohamed** · 12-09-2009 03:47 AM

ليه خلط الاوراق ببعضها؟؟؟؟؟؟؟؟؟؟؟؟؟؟

مين قال ان التعذيب في الاقسام حلال او صحيح
ومين قال ان الممارسات الخاطئة للشرطة صحيحة

لكن في نفس الوقت الاخوة اللى بيقارنوا بين القبض علي المجاهرين بالافطار واكرر المجاهرين بالافطار وليس المفطرين ليه بيقارنوا بينها وبين برامج القمار والفساد اللى في التليفزيون ؟؟؟؟؟؟؟؟؟
مش عاجبك برنامج القمار او الفساد اللى في التليفزيون بسيطة اقفل التليفزيون خالص غير القناة في النهاية الامر بيدك انت وانت وحدك
لكن المجاهر بالافطار في رمضان هل تقدر انك متشوفهوش وهو بيشرب السيجارة ويطلع دخانها في وشك وانت ماشي في الشارع ؟؟؟؟؟؟؟؟؟؟؟؟
معلش دي من المرات النادرة اللى اشوف فيها الداخلية بتعمل حاجة صح
ومحدش يقولي مصر الخمسينات ولا مصر قطز لان كل وقت وله ظروفه بدليل ان مصر السبعينات والتمثانينات اللى انا عشتها مكانش فيه حد يقدر يفطر في رمضان ويجاهر بافطاره زي ما بيحصل دلوقت

وبالنسبة لاخوانا المسيحيين طبعا مفيش ظابط شرطة حمار لدرجة انه يعمل محضر مجاهرة بالافطار في رمضان ولو ان الغالبية العظمي منهم وفيهم ناس كتير كانوا شغالين معايا وفيهم جيراني محدش منهم بيشرب مية او سجاير في نهار رمضان مراعاة لشعور اخوانه المسلمين

وبلاش نتلكك ونمسك في اخوانا المسيحيين علشان يبقوا هم الحجة بتاعة المجاهرين بالافطار

**gomha** · 12-09-2009 04:52 AM

اول مرة اتفق واوافق على قرار حكومى وخصوصا من وزارة الداخلية شكرا لوزير الداخلية على القرار دة يارب غير من الحال وساعدنا على تغير انفسنا

**ams** · 12-09-2009 05:13 AM

حيران

**itsonlyme** · 12-09-2009 05:15 AM

المشاركة الأصلية كتبت بواسطة cairo2005

ليه خلط الاوراق ببعضها؟؟؟؟؟؟؟؟؟؟؟؟؟؟

مين قال ان التعذيب في الاقسام حلال او صحيح
ومين قال ان الممارسات الخاطئة للشرطة صحيحة

لكن في نفس الوقت الاخوة اللى بيقارنوا بين القبض علي المجاهرين بالافطار واكرر المجاهرين بالافطار وليس المفطرين ليه بيقارنوا بينها وبين برامج القمار والفساد اللى في التليفزيون ؟؟؟؟؟؟؟؟؟
مش عاجبك برنامج القمار او الفساد اللى في التليفزيون بسيطة اقفل التليفزيون خالص غير القناة في النهاية الامر بيدك انت وانت وحدك
لكن المجاهر بالافطار في رمضان هل تقدر انك متشوفهوش وهو بيشرب السيجارة ويطلع دخانها في وشك وانت ماشي في الشارع ؟؟؟؟؟؟؟؟؟؟؟؟
معلش دي من المرات النادرة اللى اشوف فيها الداخلية بتعمل حاجة صح
ومحدش يقولي مصر الخمسينات ولا مصر قطز لان كل وقت وله ظروفه بدليل ان مصر السبعينات والتمثانينات اللى انا عشتها مكانش فيه حد يقدر يفطر في رمضان ويجاهر بافطاره زي ما بيحصل دلوقت

وبالنسبة لاخوانا المسيحيين طبعا مفيش ظابط شرطة حمار لدرجة انه يعمل محضر مجاهرة بالافطار في رمضان ولو ان الغالبية العظمي منهم وفيهم ناس كتير كانوا شغالين معايا وفيهم جيراني محدش منهم بيشرب مية او سجاير في نهار رمضان مراعاة لشعور اخوانه المسلمين

وبلاش نتلكك ونمسك في اخوانا المسيحيين علشان يبقوا هم الحجة بتاعة المجاهرين بالافطار

الخلط في الأوراق سببه بسيط. في حاجة اسمها أولويات.
مش معقولة يبقى فيه تعذيب في الأقسام وفساد مستشري في جهاز الشرطة (و جميع مجالات الحياة) و قمار و خمور وفسوق عياناً بياناً في كباريهات وكازينوهات المحروسة وتيجي الشرطة تعاقب المجاهر بالافطار "مراعاة لشعور الصائمين"!

الموضوع ببساطة استخفاف بعقولنا ومزايدة رخيصة وسبوبة حلوة.

**gomha** · 12-09-2009 05:16 AM

الى maka

الصيام هو العبادة الوحيدة اللى نقضها ملوش عقاب فى الدنيا

يعنى اصوم ماصومش دى حاجة بينى وبين ربى و لا الداخلية و لا اى حد ليه انه يعقبنى عليها

الصيام هو فرض على كل مسلم بلغ حد التكليف ويبدا من عمرك سبع سنين مع الصلاة طبقا للحديث الشريف

ان الذى يقوم بوالية الامر على المسلمين منوط امام الله بتنفيذ حدود الله

ان القرار يخص المجاهرين بالافطار وليس المفطرين افطر ذى ما ا نت عايز فى بيتك ولكن لاتمشى فى الشارع وفى ايدك سيجارة او سندوتش

كان عندى مدير استرالى مسيحى والشركة عاملة حفل الافطار السنوى وجلس بجانبى وتكلم وقال ان موضوع الصوم دة امر صحى للغاية ومفيد للجسم وهو شخصيا ملتزم بية مع المسلمين فى رمضان وان كان يشرب الماء فقط ويقولى ان معايا زجاجة مية مخبيها واشرب منها لما اكون لوحدى اما الطعام فانى اكل بس على الساعة السابعة معكم وانة بدا يشعر بتحسن فى المعدة

احترم رايك اذا كان لايناقض تعاليم الاسلام وارفض ما تقولة لانة كلام غير صحيح وخطأ واتمنى ان ترجع فية

**maka** · 12-09-2009 05:32 AM

المشاركة الأصلية كتبت بواسطة gomha

الى maka

الصيام هو العبادة الوحيدة اللى نقضها ملوش عقاب فى الدنيا

يعنى اصوم ماصومش دى حاجة بينى وبين ربى و لا الداخلية و لا اى حد ليه انه يعقبنى عليها

الصيام هو فرض على كل مسلم بلغ حد التكليف ويبدا من عمرك سبع سنين مع الصلاة طبقا للحديث الشريف

ان الذى يقوم بوالية الامر على المسلمين منوط امام الله بتنفيذ حدود الله

ان القرار يخص المجاهرين بالافطار وليس المفطرين افطر ذى ما ا نت عايز فى بيتك ولكن لاتمشى فى الشارع وفى ايدك سيجارة او سندوتش

كان عندى مدير استرالى مسيحى والشركة عاملة حفل الافطار السنوى وجلس بجانبى وتكلم وقال ان موضوع الصوم دة امر صحى للغاية ومفيد للجسم وهو شخصيا ملتزم بية مع المسلمين فى رمضان وان كان يشرب الماء فقط ويقولى ان معايا زجاجة مية مخبيها واشرب منها لما اكون لوحدى اما الطعام فانى اكل بس على الساعة السابعة معكم وانة بدا يشعر بتحسن فى المعدة

احترم رايك اذا كان لايناقض تعاليم الاسلام وارفض ما تقولة لانة كلام غير صحيح وخطأ واتمنى ان ترجع فية

هتلى حضرتك نص قرانى او حديث بيقولى عقاب الافطار ؟؟؟؟؟

كمان انا مبتكلمش على انى افطر وامشى اتبهى فى الشارع بالاكل

انا بتكلم عن اولويات يعنى متبقاش البلد خربانة والفساد مستشرى ويجى يقولك نقبض على المفطرين

طاب متقبض احسن على السارقين والمغتصابين واعمل دوريات راكبة لتحقيق النظام والالتزام فى الشارع

حقق حقوق الانسان

وكمان مقبضش ليه على المفطرين فى مارينا و الساحل ولا ناس وناس

استاذ gomha انا مش ضد الالتزام والاخلاق والعبادات بس ضد الضحك على الدقون واخيرا اذا بليتم فاستتروا

-

الموضوع: الداخلية تدافع عن حملات المجاهرين بالإفطار

LinkBack

أدوات الموضوع

عرض

-

-

-

-

-

-

المواضيع المتشابهه

ازاى تدافع عن مراتك :)

قسيسة امريكية تدافع عن الأسلام ....

تزايد أعداد المجاهرين بالإفطار

الكلمات الدلالية لهذا الموضوع

المفضلات

المفضلات

ضوابط المشاركة