الداخلية تدافع عن حملات المجاهرين بالإفطار

**dr-mohamed** · 12-09-2009 05:33 AM

المشاركة الأصلية كتبت بواسطة maka

الصيام هو العبادة الوحيدة اللى نقضها ملوش عقاب فى الدنيا

يعنى اصوم ماصومش دى حاجة بينى وبين ربى و لا الداخلية و لا اى حد ليه انه يعقبنى عليها

حضرتك اقراء الموضوع ده الاول

http://www.nilemotors.net/nile/93960-a.html

وقولى رايك بعد قرايته

حضرتك تصوم او متصومش دي حاجة ترجع لك لكن تجاهر بالافطار لا مش من حقك
لو هنتكلم بالقانون اظن فيه اراء لاساتذة في القانون في الموضوع قالوا ان القانون لا يعاقب على الافطار لكن يعاقب على الجهر بالافطار يبقي الداخلية مغلطتش لانها بتطبق القانون ولا انتم مش عاجبكم اي حاجة تعملها الداخلية لمجرد العند وخلاص ؟؟؟؟؟

**gomha** · 12-09-2009 06:10 AM

المشاركة الأصلية كتبت بواسطة maka

هتلى حضرتك نص قرانى او حديث بيقولى عقاب الافطار ؟؟؟؟؟

كمان انا مبتكلمش على انى افطر وامشى اتبهى فى الشارع بالاكل

انا بتكلم عن اولويات يعنى متبقاش البلد خربانة والفساد مستشرى ويجى يقولك نقبض على المفطرين

طاب متقبض احسن على السارقين والمغتصابين واعمل دوريات راكبة لتحقيق النظام والالتزام فى الشارع

حقق حقوق الانسان

وكمان مقبضش ليه على المفطرين فى مارينا و الساحل ولا ناس وناس

استاذ gomha انا مش ضد الالتزام والاخلاق والعبادات بس ضد الضحك على الدقون واخيرا اذا بليتم فاستتروا

انا معاك ان فى مشاكل كتير تحتاج الاهتمام وبشدة وحضرتك راجع مشركاتى سوف تجد كم انتقد بعض القرارت الحكومية ولكن ليس معنى هذا ان ارفض قرار ذى دة واقول امسكوا الحرامية الاول

بل اقول هذا قرار جيد ودة قرار غير جيد الامور لاتؤخذ بالجملة ولكنى اشكر لك شعورك الوطنى وحرصك
على الاصلاح وانا اضم صوتى لك بضرورة النظر بجدية للسلبيات الاخرى كما ذكرت حضرتك سابقا والتى اصبحت نهدد كل مواطن

**ams** · 12-09-2009 06:47 AM

المشاركة الأصلية كتبت بواسطة cairo2005

حضرتك تصوم او متصومش دي حاجة ترجع لك لكن تجاهر بالافطار لا مش من حقك
لو هنتكلم بالقانون اظن فيه اراء لاساتذة في القانون في الموضوع قالوا ان القانون لا يعاقب على الافطار لكن يعاقب على الجهر بالافطار يبقي الداخلية مغلطتش لانها بتطبق القانون ولا انتم مش عاجبكم اي حاجة تعملها الداخلية لمجرد العند وخلاص ؟؟؟؟؟

القانون لا يجرم الزنا

**dr.nemo** · 12-09-2009 08:49 AM

مش لا قي تعليق انسب من

حقٌٌٌٌ أٌريدَ به باطل

**araberphilosoph** · 12-09-2009 02:02 PM

يا جماعه انتو بتتناقشوا في ايه
شرعا لا توجد عقوبه علي الجهر بالافطار في نهار رمضان
وده لا يدخل في باب التعزير من اصله
مش فاهم والله الناس دي بتعمل ايه
انا جاي اجازه اسبوعين مصر والله خايف

**maka** · 14-09-2009 03:50 AM

المشاركة الأصلية كتبت بواسطة gomha

انا معاك ان فى مشاكل كتير تحتاج الاهتمام وبشدة وحضرتك راجع مشركاتى سوف تجد كم انتقد بعض القرارت الحكومية ولكن ليس معنى هذا ان ارفض قرار ذى دة واقول امسكوا الحرامية الاول

بل اقول هذا قرار جيد ودة قرار غير جيد الامور لاتؤخذ بالجملة

لا يا باشا الصح انهم يمسكوا الحرامى الاول لان الحرامى ده ممكن يضرنى او يضرك او يضر ناس كتيير طالما مش لقى حد يحوش اذيته عن الناس

وقيس على كده القاتل والمغتصب والسواق المبرشم والبلطجية ......................

لكن المفطر مبيضرش الا نفسه

المشاركة الأصلية كتبت بواسطة gomha

ولكنى اشكر لك شعورك الوطنى وحرصك
على الاصلاح وانا اضم صوتى لك بضرورة النظر بجدية للسلبيات الاخرى كما ذكرت حضرتك سابقا والتى اصبحت نهدد كل مواطن

اشكرك

**تامر.محمد** · 14-09-2009 11:50 AM

برغم اني جوايا شعور قوي ان الحملة دي حق اريد به باطل زي ما واحدمن الاهنا قال
الا اني معترض بشدة على وجهة النظر القائلة بأن المجاهر بالافطار ما ضرش حد

**تامر.محمد** · 15-09-2009 05:22 AM

المشاركة الأصلية كتبت بواسطة maka

بس احسنلك الف مرة انك تشوف واحد قدامك بيجهر بفطاره من ان واحد يثبتك فى نص الشارع او يعتدى عليك

ان مش بدافع عن المجهرين بس ضبط الدنيا الاول وحقق العدل والناس تبقى مشية فى الشارع مطمئنة بعد كده اعمل اللى انت عايزه

انا فاهم وجهة نظرك
بس خد بالك ان بنفس وجهة النظر
اي حاجة هاتتعمل هايتقال ظبط باقي الدنيا الاول و بعدين ابقى اظبط دي
و بالتالي مافيش حاجة هاتتعمل

ده غير نقطة كمان
انا شايف ان الاعتراض نابع من امكانية ظلم ابرياء في الموضوع ده و تلفيق تهم لهم
نفس الكلام و بنفس المبدأ
كان هايبقى الاعتراض على امكانية تلفيق قضايا تحرش مثلا للناس , بحكم ان ده موضوع اخد وقت كبير و لغط كتير
كان هايبقى الاعتراض في تلفيق تهم كسر اشارات و مشي في العكسي و حاجات شبيهة
هاتقول لي ما التلفيق بيحصل في كل دول
هاقول لك تمام
و مع ذلك هي قوانين مطلوبة
و بالتالي احنا لازم عند اقرار قانون , نبص له على انه هايتطبق صح , و نحكم عليه من المنطلق ده
اما ثقتنا في اللي بيطبق - و انا عارف ان عدم الثقة في محلها و مقتنع ان الموضوع اللي بنتكلم فيه مش معمول لوجه الله - فدي نقطة تانية , مش لازم برده نسمح لها انها تخلينا تخلي حياتنا فوضى , زي ما هو حاصل

-

-

الموضوع: الداخلية تدافع عن حملات المجاهرين بالإفطار

LinkBack

أدوات الموضوع

عرض

-

-

-

-

-

-

-

المواضيع المتشابهه

ازاى تدافع عن مراتك :)

قسيسة امريكية تدافع عن الأسلام ....

تزايد أعداد المجاهرين بالإفطار

الكلمات الدلالية لهذا الموضوع

المفضلات

المفضلات

ضوابط المشاركة