مقتل لواء شرطة في مصر برصاص مهربي مخدرات

عرض للطباعة

11-09-2009, 04:14 AM
youssefmustang

مقتل لواء شرطة في مصر برصاص مهربي مخدرات

بسم الله الرحمن الرحيم
السلام عليكم ورحمة الله وبركاته
السويس (مصر) (رويترز) - قالت مصادر أمنية وطبية يوم الخميس ان ضابطا كبيرا في الشرطة المصرية قتل برصاص مهربي مخدرات وان ضابطين اخرين أصيبا.
وقال مصدر أمني إن اللواء ابراهيم عبد المعبود مدير المباحث الجنائية في مدينة السويس التي تقع على الطرف الجنوبي لقناة السويس أصيب في رأسه خلال تعرض سيارة كان يستقلها ومعه الضابطان الاخران لوابل من الرصاص من سيارة اعترضت طريقهم ليل الاربعاء.
وأضاف أن عبد المعبود نقل الى مستشفى الشرطة بالقاهرة لعلاجه لكنه فارق الحياة في وقت مبكر من صباح يوم الخميس.
وتابع أن الشرطة تلاحق السيارة التي انطلق منها الرصاص بعد تحديدها.
وقال المصدر ان تحريات أفادت أن مهرب مخدرات كان من بين ركاب السيارة المهاجمة.
وقال مصدر طبي ان المقدم أحمد البهي وهو رئيس مباحث بالمحافظة والرائد أحمد يسري في حالة مستقرة بعد اصابتهما.
وقال المصدر الامني ان عبد المعبود والضابطين الاخرين كانوا متوجهين لالقاء القبض على مهرب مخدرات يشتبه بأنه قتل ضابط شرطة في وقت سابق حين اعترضتهم السيارة المهاجمة.
وبين وقت واخر يقتل ضابط شرطة أو أكثر في مطاردة مع مهربي مخدرات في محافظة أو أخرى لكن نادرا ما يقتل ضابط كبير

المصدر:
ظ…ظ‚طھظ„ ظ„ظˆط§ط، ط´ط±ط·ط© ظپظٹ ظ…طµط± ط¨ط±طµط§طµ ظ…ظ‡ط±ط¨ظٹ ظ…ط®ط¯ط±ط§طھ

اخوكم يوسف

تم حذف اخر فقره ن المشاركه
مشرف عام 3
11-09-2009, 04:31 AM
SeiffoZ

اقتباس:

المشاركة الأصلية كتبت بواسطة youssef_00

* * ........ * * * .... * * ................ .... * * * *
اخوكم يوسف

كنت هتفرح!!

الحمد لله, ربنا سترها إن أخوك مش ظابط حديث إلتخرج يمكن كان يتقتل و ساعتها إفرح براحتك ... :dontudear:

ربنا يهدى تفكيرك إلى الطريق الصحيح إن شاء الله
11-09-2009, 04:36 AM
aymansaad

فى السويس اللجان فى كل مكان رنا يستر
11-09-2009, 04:40 AM
r0xer

اقتباس:

المشاركة الأصلية كتبت بواسطة relentless_mayhem

كنت هتفرح!!

الحمد لله, ربنا سترها إن أخوك مش ظابط حديث إلتخرج يمكن كان يتقتل و ساعتها إفرح براحتك ... :dontudear:

ربنا يهدى تفكيرك إلى الطريق الصحيح إن شاء الله

تفتكر إيه اللي يوصل الناس للمرحلة دي من الكره للحكومة لدرجة اننا بقينا نتعاطف مع تجار السموم إلا لو ظباط الداخلية وصلوا لمرحلة من القذارة أكبر من تجار السموم؟

حقيقي حاجة تحزن...ولكن ليهم حق يدعوا بأكتر من كدا.

رحم الله الظابط و هو شهيد إن شاء الله و القصاص قريب جدا من تاجر السم بإذن الله.
11-09-2009, 04:49 AM
Terrible_DaRsH

احنا بقينا فى شيكاغو و لا ايه !!

كل فترة ظابط يُقتل فى تأدية واجبه , لا حول ولا قوة الا بالله .
11-09-2009, 05:25 AM
moudy88

ربنا يرحمه ...وان شاء الله مع الشهداء
11-09-2009, 05:45 AM
dr-mohamed

اقتباس:

المشاركة الأصلية كتبت بواسطة r0xer

تفتكر إيه اللي يوصل الناس للمرحلة دي من الكره للحكومة لدرجة اننا بقينا نتعاطف مع تجار السموم إلا لو ظباط الداخلية وصلوا لمرحلة من القذارة أكبر من تجار السموم؟

حقيقي حاجة تحزن...ولكن ليهم حق يدعوا بأكتر من كدا.

رحم الله الظابط و هو شهيد إن شاء الله و القصاص قريب جدا من تاجر السم بإذن الله.

مع كراهيتي الشديدة لتصرفات كثير من ظباط الشرطة على اختلاف رتبهم رغم ان ابن عمي وزوج اختي وابن عمي الاخر ظباط شرطة الا اننا لا اجد اي مبرر لتمني ان يقتل انسان
لا اله الا الله
اخونا اللى اتمني ان يكون القتيل ظابط شرطة حديث او امين شرطة لو شاف بعينه انسان بيموت اكيد هايبكي من هول الموت مهما كان هذا الانسان

الا الموت يا اخي لا شماتة فيه ولا فرح

ارجو ان تراجع نفسك في امنيتك هذه احنا في رمضان
11-09-2009, 08:55 AM
Karim_Mohy

ربنا يرحمه
11-09-2009, 12:51 PM
nabaster

اقتباس:

المشاركة الأصلية كتبت بواسطة youssef_00

بسم الله الرحمن الرحيم
السلام عليكم ورحمة الله وبركاته
انا كنت هفرح جدا لوكانو قتلو امناء شرطة او ظباط حديثى التحرج
اخوكم يوسف[/]

لا اله الا الله محمد رسول الله

اللهم ارحم موتانا وموتي المسلمين جميعا

الرد ده قال كل الي نفسي اقوله

اقتباس:

المشاركة الأصلية كتبت بواسطة cairo2005

مع كراهيتي الشديدة لتصرفات كثير من ظباط الشرطة على اختلاف رتبهم رغم ان ابن عمي وزوج اختي وابن عمي الاخر ظباط شرطة الا اننا لا اجد اي مبرر لتمني ان يقتل انسان
لا اله الا الله
اخونا اللى اتمني ان يكون القتيل ظابط شرطة حديث او امين شرطة لو شاف بعينه انسان بيموت اكيد هايبكي من هول الموت مهما كان هذا الانسان

الا الموت يا اخي لا شماتة فيه ولا فرح

ارجو ان تراجع نفسك في امنيتك هذه احنا في رمضان

اللهم نزله منزلة الشهداء وارحمه انت ارحم الراحمين واجعله في جنة الخلد ان شاء الله

A.Yakout
11-09-2009, 04:13 PM
Ahmed Nouh

ربنا يتولاه برحمته ويغفر له ويجعله من الشهداء ويصبر اهله

لا شماته فى الموت
11-09-2009, 04:32 PM
dr.nemo

ربنا يرحمه ويغفر له
ويصلح كل رجال الداخلية
11-09-2009, 05:30 PM
A.Saad

اللى مستغربه انهم كاتبين انه قتب ظابط العام الماضى
ومتساب ليه لحد دلوقت
مش عارف
11-09-2009, 05:35 PM
elassar2010

للهم ارحم موتانا وموتي المسلمين جميعا
11-09-2009, 05:46 PM
Ahmed Samy

الله يرحمه

يمكن الداخلية تفهم بقى ان المسجلين دول لعنة و عايزين الحرق

ما يعتقلوهم و يرموهم فس سجون الصحرا بدل ما هم مطلوقين علينا و عليهم

انا صعبان عليا أهل اللواء ..الله يصبرهم و يغفرله
11-09-2009, 06:05 PM
ams

ربنا يرحمه
11-09-2009, 06:45 PM
newhansol

مقدرش اقول غير الله يرحمة
11-09-2009, 11:37 PM
youssefmustang

اقتباس:

المشاركة الأصلية كتبت بواسطة relentless_mayhem

كنت هتفرح!!

الحمد لله, ربنا سترها إن أخوك مش ظابط حديث إلتخرج يمكن كان يتقتل و ساعتها إفرح براحتك ... :dontudear:

ربنا يهدى تفكيرك إلى الطريق الصحيح إن شاء الله

اخوانى اولا انا يبقى عار عليا لو اخويا بقى ظابط شرطة االناس هتقول:
دخل الشرطة عشان يرتشى ويلم فلوس
دخل الشرطة عشان اى حد يضايقو يلفقلو قضية ويوديه فى داهية
دخل الشرطة عشان محدش يقدر يضايقو
دخل الشرطة عشان الكل يخاف منه ويعملو مقام وهيبة
دخل الشرطة عشان يعذب فى خلق الله وياخد كل حاجة بلطجة.....
دخل الشرطة عشان الناس تاخدو واسطة ويهبش هبش فى الفلوس....
ونبى يا جماعة ما نتحمقش اوى كده للمكرهينا فى البلد ولا الاحتلال
ياريت يا اخى الكريم تبقى تعرف ايه سبب انى بقول كده
اخوكم يوسف
11-09-2009, 11:41 PM
youssefmustang

اقتباس:

المشاركة الأصلية كتبت بواسطة r0xer

تفتكر إيه اللي يوصل الناس للمرحلة دي من الكره للحكومة لدرجة اننا بقينا نتعاطف مع تجار السموم إلا لو ظباط الداخلية وصلوا لمرحلة من القذارة أكبر من تجار السموم؟

حقيقي حاجة تحزن...ولكن ليهم حق يدعوا بأكتر من كدا.

رحم الله الظابط و هو شهيد إن شاء الله و القصاص قريب جدا من تاجر السم بإذن الله.

الله ينور عليك يا كبيييييييييييير انت اختصرت مقال كنت هكتبه دلوقتى... تقدرو تقولو ليه محدش بيكره ظباط الجيش واى حد من رجال الجيش... ليه لانهم محدش بيستخدم سلطته فيهم فى اذية الخلقى انما دول ربنا يديهم ويهدينا
12-09-2009, 12:55 AM
newhansol

والله يا استاذ يوسف لو هاتتكلم على الكراهية بتاعة ظباط الجيش
همة مش بيتنططو قوى برة فى الحياة المدنية بس فى الوحدات داخل الجيش اةةةة
وبعدين اى ظابط جيش عارف ان حدود سلطتتة هى سور الكتيبة الى قاعد فيها
يعنى عندك الظابط العامل بتاع الفنية بيبقى علية يجب قبض الكتيبة وهوة الى شايل الليلة كلها على دماغة لحد تعيين العساكر لازم الظابط الى يروح يصرفة من المستودع وهكذا
انما فى منهم ناس عايزة ضرب النار انا عن نفسى كنت بادعى على واحد فى بالى كل يوم صبح وليل وربنا يورينى فية يوم لانة كان متبلد الاحساس
واستغفر الله العظيم واحد تانى يقولك اتاخرت لية فى الصلاة لما يبقى ربنا يسالك ابقى قلة انا الى خليتك ماتصليش استغفر الله العظيم
وهكذا وبيتهيالى مفيش حد دخل الجيش وماشفش حد بيتعامل بالاسلوب دة
12-09-2009, 01:12 AM
aif

الله يرحمه ويجعل مثواه الجنة
يا اخونا يوسف .... مهما كانت درجة كرهنا لبعض الظباط او الامناء الغير منضبطين ...
لا يصح ان نتمنى لهم الموت بهذا الشكل
سيدنا على لما بعض اتباعه ذكرو الخوارج بسوء .... والخوارج كانو بيقاتلوه .... نهاهم عن ذلك وقال ... انما هم اخواننا بغو علينا
تخيل ان واحد زميلنا في المنتدي ضابط شرطة او امين شرطة ... ح يبقى شعوره ايه لما يقرأ كلامك
وعلى فكرة هما مش كلهم وحشين ومش كلهم كويسين ....
يعني زي باقي فئات الشعب المصري ..... منهم الصالح ومنهم الطالح
لكن انت عممت كلامك علي الضباط الصغيرين والامناء .... واحنا في شهر كريم ... دي اكيد زلة لسان لا أكثر ...ارجو انك تستغفر الله
وكل عام وانت بخير
12-09-2009, 02:30 AM
youssefmustang

طب يعنى ايه يا اخونا انا مش فاهم حاجة يعنى يعذبونا وينهبونا ونحبهم او على الاقل اضعف الايمان ما نتمنالهمش الموت !!! تيجى ازاى دى.... انا مش بقول كل رجال الشرطة لان فيهم بعض وقليلين جدا جدا جدا ناس محترمة ... انا لما قولت امناء الشرطة عشان الظباط بيرتاحو بيدو شغلهم للأمناء فالامين يحس انه هو بقى الظابط فايفجر على الاخر ويوقف ده ويشتم ده ... ظباط حديثى التخرج بتبقى قمة الغرور اللى فى الكون بتبقى ركباهم وفرحانين بالبدلة اللى لابسنها (موقف بسيط حصل معايا : كنت مسافر اسكندرية المهم انا قاعد ورا فى الكرسى اللى ورا السواق وواحد سنى راجل كبير يعنى 50 سنة قاعد قدام وبيقرأ قرأن جه عسلية جديد(طالب فى الشرطة) يقول للراجل انزل يا حج انا هاخد الكرسيين دول الراجل يقوله ازاى يا ابنى هو انا مش قاعد قاله قوم بالذوق بدل ما امسح بكرامتك الارض الراجل لاقيته اتحول وقلب الرجل الاخضر وراح ماسك ازازة عصير فيتراك وراح طخخخخخ مديهالو فى وشو ونزل فيه ضرب والواد مش عارف يعمل حاجة ولاعارف يشوف حاجة من كمية الدم اللى نزلت منه ....
طبعا فرحت الدنيا والاخرة مسكتنى ولا كأنى دخلت الجنة ... الناس تحوش والدنيا تحوش فى الراجل محدش قادر عليه وده يشتم ويسب والراجل مابيدرش عليه غير عمال يقوله : ماهو انتو اللى بوظتو البلد انتو اللى دخلتو المخدرات البلد مانتو اللى فتحتو بيوت الدعارة فى البلد ده لو اسرائيل محتلانا لحد دلوقتى مكنش ده حصل ... المهم فضينا المشكلة بالعافية ... والحمد لله ..خلصت على انه الطالب المحترم ركب بيجو 7 راكب ...)
ده موقف من اللى بيحصل قدامى من 100 موقف تانى..
تتوقعو انتو انا يبقى ردى فعلى للشرطة يبقى ايه لما اسمع ان حد مات فيهم..
عايز رأيكم بهدوء وبدون عصبية وبدون نصيحة عشان انا مش متعصب او متطرف
عايز رأيكم بحكمة و ديموقراطية...
اخوكم يوسف
12-09-2009, 02:32 AM
youssefmustang

اقتباس:

المشاركة الأصلية كتبت بواسطة aif

الله يرحمه ويجعل مثواه الجنة
يا اخونا يوسف .... مهما كانت درجة كرهنا لبعض الظباط او الامناء الغير منضبطين ...
لا يصح ان نتمنى لهم الموت بهذا الشكل
سيدنا على لما بعض اتباعه ذكرو الخوارج بسوء .... والخوارج كانو بيقاتلوه .... نهاهم عن ذلك وقال ... انما هم اخواننا بغو علينا
تخيل ان واحد زميلنا في المنتدي ضابط شرطة او امين شرطة ... ح يبقى شعوره ايه لما يقرأ كلامك
وعلى فكرة هما مش كلهم وحشين ومش كلهم كويسين ....
يعني زي باقي فئات الشعب المصري ..... منهم الصالح ومنهم الطالح
لكن انت عممت كلامك علي الضباط الصغيرين والامناء .... واحنا في شهر كريم ... دي اكيد زلة لسان لا أكثر ...ارجو انك تستغفر الله
وكل عام وانت بخير

انت راجل زى العسل والله كلامك كله حكم
جزاك الله خيرا
اخوكم يوسف
12-09-2009, 02:35 AM
SeiffoZ

اقتباس:

المشاركة الأصلية كتبت بواسطة newhansol

مقدرش اقول غير الله يرحمة

سؤال برا الموضوع ...

حضرتك جبت البادج الخاص بالقوات الجوية ده منين؟؟؟
12-09-2009, 04:42 AM
newhansol

لما كنت فى الجيش وبلاش بقى احسن حد يكون مباحث ولا حاجة يدور علينا ويقولك دة امن قومى ولا حاجة
12-09-2009, 11:53 AM
tmz9111

اللهم ارحم موتانا وموتي المسلمين جميعا
12-09-2009, 05:03 PM
SeiffoZ

اقتباس:

المشاركة الأصلية كتبت بواسطة newhansol

لما كنت فى الجيش وبلاش بقى احسن حد يكون مباحث ولا حاجة يدور علينا ويقولك دة امن قومى ولا حاجة

أصل حضرتك البادج ده من البادجات إللى مانتشرتش على الإنترنت ...

حضرتك كنت مجند فى قاعدة جوية؟؟ و بالتحديد إحدى القواعد فى الدلتا أو فى غرب مصر؟؟
12-09-2009, 05:21 PM
newhansol

الاخ Relentless_mayhem
ننسى بقى موضوع البادج دة احنا ولاد النهاردة والى فات مات واهة ايام وعدت وربنا يجعل كلامنا خفيف عليهم
وكل سنةو انت طيب على فكرة البادج اتشال لدواعى امنية ومش هاقول اكتر من كدة
12-09-2009, 09:20 PM
SeiffoZ

اقتباس:

المشاركة الأصلية كتبت بواسطة newhansol

الاخ Relentless_mayhem
ننسى بقى موضوع البادج دة احنا ولاد النهاردة والى فات مات واهة ايام وعدت وربنا يجعل كلامنا خفيف عليهم
وكل سنةو انت طيب على فكرة البادج اتشال لدواعى امنية ومش هاقول اكتر من كدة

هههههههههههه كلامك يضحك قوى .....

أيوة إللى فات مات ....

و تحيا القوات الجوية المصرية :biggrin2: