هتشري لبس العيد منين ؟؟

**El.Hossieny** · 11-09-2009 03:39 PM

المشاركة الأصلية كتبت بواسطة moudy88

ياريت اللي يعرف محل نظيف اجيب منه جينز نظيف يكسب فيا ثواب ....ميزانية الجينز في حدود 140 -150 جنيه

وشكرا

عليك و علي ميدان سفير ... في محلات جينز كويسة جدا هناك ... و رنج الاسعار اللي انت عايزه كمان

**El.Hossieny** · 11-09-2009 03:44 PM

المشاركة الأصلية كتبت بواسطة moudy88

المول موجود في المناطق الصناعيه وانا اعرفه بالشبه ..وانت في الطريق على العاشر في اتجاه اسماعليه بعد تاني كوبري ادخل يمين هتلاقيه

طيب يا ريت لو اسم المول او علامة مميزة قريبة منه ...

**محمد محمد** · 11-09-2009 04:33 PM

المشاركة الأصلية كتبت بواسطة el.hossieny

طيب يا ريت لو اسم المول او علامة مميزة قريبة منه ...

امام ادارة الكهرباء والمول بيطل علي الكوبري اللى في طريق مصر اسماعيلية والمول اسمه عرفة جروب.

**mahmoud_magdy** · 11-09-2009 06:35 PM

المشاركة الأصلية كتبت بواسطة eng/muhamad

ويلز اللى فى العاشر
ده حضرتك و انت جاى من طريق مصر اسماعيليه
لما بتدخل من تحت الكوبرى و تلف شمالى مع الصينيه عشان تدخل العاشر صح
عند الصينيه بقى متلفش معاها شمال ادخل يمين زى ما تكون رايح المنطقه الصناعيه التالته هتلاقيه بعد ما تكسر يمين بمسافه مش كبيره اوى

انا كدا فهمت بطريقتين
الطريقه الصح هي وانا رايح العاشر انزل من تحت الكوبري التاني وبدل ما الف مع الصينيه ادخل يمين بعد المطب ناحية المنطقه الصناعيه التالته هلاقيه بعد مسافه مش كبيره اوي

انا حبيت اوضح الطريق بس عن طريق كلامك

انا اول مره اعرف ان في مول هناك والله
ياريت لو تعرف اي حاجه هناك كمان ياريت تقول عليها عشان انزل اتفرج
البلد دي الواحد اعد في البيت 24 ساعه لحد ما خلل

**sasasony** · 12-09-2009 06:58 AM

ايه رأيكم في ماركة سيليو ياشباب

**الغزالى** · 12-09-2009 07:21 AM

والله انا كنت لسة فى المهندسين من يجى اسبوع كدة وشفت شوية حاجات تحف بالنسبة للتشرتات بص هو توكيل orعندهم حبة حاجات مشلكة هما سعرهم غالى شوية بس زى الفل التشرت مثلا اشترينا واحد كان ب130 جنية ومعظم الاسعار فى الرنج دة سواء كان فى التوكيل دة او برة وفى على فكرة اسعار اقل من كدة كمان ام بالنسبةة للجينز فا محل كزارى اللى فى شارع طلعت حرب مش المول المحل اللى جنب محل قصر الاليزية عندة شوية بنطيل جامدة جدا وفى الرنج اللى انت عايزة برضو وفى محل تانى فى اول طلعت حرب عنددة جنيز وتشرتات حلو والاسعار عند تمام بردو المحل اسمة بحيرى

**aliabutaleb** · 14-09-2009 12:20 AM

تحديث:
فيه في المنطقة الصناعية في 6 أكتوبر مول لمحلات عرفة
وبرضة فيه اوكازيونات مكتوب إنها تصل إلى 70%
أظن إنه على نفس شاكلة المول اللي في العاشر
لو حد جرب زيارة الاتنين ممكن يقول لنا نفس النظام ولا مختلف

**_Khaled_** · 14-09-2009 12:54 AM

المشاركة الأصلية كتبت بواسطة أبو حمزة

تحديث:
فيه في المنطقة الصناعية في 6 أكتوبر مول لمحلات عرفة
وبرضة فيه اوكازيونات مكتوب إنها تصل إلى 70%
أظن إنه على نفس شاكلة المول اللي في العاشر
لو حد جرب زيارة الاتنين ممكن يقول لنا نفس النظام ولا مختلف

100+
هو ممتاز خاصه عنده Reebok & adidas باسعار و تخفيضات ممتازه
و كمان عنده بدل و بنطلونات جينز Guy Laroche

ياريت حد يقولنا معلومات اكتر عن مول ويلز فين بالضبط و فيه ايه؟

**MaaG** · 14-09-2009 04:21 AM

أنا نزلت المنطقة الصناعية في 6 أكتوبر ، بس مش عارف حظي كان وحش ولا إيه ، أصلي ملقتش موديلات عجبتني ، و الناس بتقولي علشان جيت في الآخر ، بس الأسعار فعلا حكاية ، و عالبا هيا معتمدة على السلع إلي فيها ديفوهات بسيطة بتتباع بسعر أرخص .

فيه توكيل ( صيني ) جديد أعتقد إسمه anta حاجته شيك و تقفيل نضيف و أسعار معقولة ، و خصوصا إن كل التوكيلات أصبحت صناعة صينية ، و غالية على الفاضي لإن التقفيل جودته قلت بصورة ملحوظة .

أنا إن شاء الله ناوي أجرب التوكيل الصيني الجديد ده لإني دخلت و بصيت على التقفل و الموديلات إلي عنده و عجبونب جداً