هتشري لبس العيد منين ؟؟

**moudy88** · 11-09-2009 07:11 AM

السلام عليكم ورحمة الله وبركاته ..وكل عام وانتم بخير

بمناسنة قرب انتهاء شهر رمضان المبارك ..اعاده الله علينا بالخير ان شاء الله .. وحلول عيد الفطر ..

هنتكلم عن هدوم العيد (بقالي مده مجبتش هدوم العيد ) ..ايه احسن مكان نجيب منه هدوم كاجوال ...وايه رينج الاسعار ..وعن محلات

الكوتشيهات ..

انا عن نفسي ..ان شاء الله هروح المول اللي في العاشر من رمضان المول ده بيضم ماركات عالميه (adidas-wild diadora-polarbear-reebok)

وفيه خصومات بتصل ل70 % وانا جربته وهايل جدا
والكوتشيهات بجيبها ماركة ACTIV من ابو علاء

بس انا عندي مشكلها ...وهي البناطيل الجينز ..هي دي نقطه ضعفي ..محلات وسط البلد غاليه على الفاضي

وحاجتها مضروبه ..وسيتي ستارز غالي جدا جدا جدا ..

ياريت اللي يعرف محل نظيف اجيب منه جينز نظيف يكسب فيا ثواب ....ميزانية الجينز في حدود 140 -150 جنيه

وشكرا

**Terrible_DaRsH** · 11-09-2009 07:36 AM

البنطلونات فعلا هى الازمة كلها . انزل شارع البطراوى عند Wheels هتلاقى اشكال و مقاسات كتيرة جدا على ذوقك بقي و اسعاره حلوة .

اما بالنسبة على Active فبصراحة دى ماركة بستخسر ادفع فيها جنيه مع احترامى للتوكيل يعنى بحس انه نصب على الفاضي و الكوتشيهات هناك مش حلوة نهائي .

بس الخصومات اللى انت بتقول عليها دى تشمل Adidas برده ??

**moudy88** · 11-09-2009 07:49 AM

المشاركة الأصلية كتبت بواسطة Terrible_DaRsH

البنطلونات فعلا هى الازمة كلها . انزل شارع البطراوى عند Wheels هتلاقى اشكال و مقاسات كتيرة جدا على ذوقك بقي و اسعاره حلوة .

اما بالنسبة على Active فبصراحة دى ماركة بستخسر ادفع فيها جنيه مع احترامى للتوكيل يعنى بحس انه نصب على الفاضي و الكوتشيهات هناك مش حلوة نهائي .

بس الخصومات اللى انت بتقول عليها دى تشمل Adidas برده ??

بالنسبه للمول ده الخصومات اللي فيه هايله جدا وكل الماركات ..لما كانت الخصومات 50% في شهر 6 اشتريت منه تي شرت adidas جامد كان ب230 وبعد الخصم ب109 !!! بس الكوتشيهات الاديداس موديلات قديمه شويه

وبالنسبه لاكتيف ..بصراحه انا بقالي 6 سنين واتعودت عليه ..لو عندك ماركه احسن وتحت ال200 جنيه ..قولي عليها ..ينوبك ثواب

وفين شارع البطراوي ده؟؟؟ انا اعرف ان فيه wheels قريب مننا في الوايلي ..هو ده اللي انت قصدك عليه؟؟

**mahmoud_magdy** · 11-09-2009 08:41 AM

ياترى فين المول اللي في العاشر من رمضان ده !!!!!
وكمان بيضم ماركات عالميه
ياريت تقولي عليه انزل اتفرج
اصلي ساكن في المدينه ومعرفش عنو حاجه

**Terrible_DaRsH** · 11-09-2009 08:58 AM

المشاركة الأصلية كتبت بواسطة moudy88

بالنسبه للمول ده الخصومات اللي فيه هايله جدا وكل الماركات ..لما كانت الخصومات 50% في شهر 6 اشتريت منه تي شرت adidas جامد كان ب230 وبعد الخصم ب109 !!! بس الكوتشيهات الاديداس موديلات قديمه شويه

وبالنسبه لاكتيف ..بصراحه انا بقالي 6 سنين واتعودت عليه ..لو عندك ماركه احسن وتحت ال200 جنيه ..قولي عليها ..ينوبك ثواب

وفين شارع البطراوي ده؟؟؟ انا اعرف ان فيه wheels قريب مننا في الوايلي ..هو ده اللي انت قصدك عليه؟؟

لالا , wheels اللى فى الوايلى ده مش معتمد و مش اصلى , هو بس واخد الاسم و الشنظة و كل حاجة تقليد .

فى فرع wheels تانى غير البطراوى فى وسط البلد فى شارع طلعت حرب , ده جامد برده و جبت من عنده قبل كدا بنطلونين .

بالنسبة للكوتشى , مش هقدر افيدك بصراحة .

يا ريت تقول اسم المول ده مع انه بعيد جدا جدا جدا عنى .

**eng/muhamad** · 11-09-2009 02:16 PM

ياترى فين المول اللي في العاشر من رمضان ده !!!!!
وكمان بيضم ماركات عالميه
ياريت تقولي عليه انزل اتفرج
اصلي ساكن في المدينه ومعرفش عنو حاجه

ويلز اللى فى العاشر
ده حضرتك و انت جاى من طريق مصر اسماعيليه
لما بتدخل من تحت الكوبرى و تلف شمالى مع الصينيه عشان تدخل العاشر صح
عند الصينيه بقى متلفش معاها شمال ادخل يمين زى ما تكون رايح المنطقه الصناعيه التالته هتلاقيه بعد ما تكسر يمين بمسافه مش كبيره اوى

**icehearted girl** · 11-09-2009 02:21 PM

ممممممممممممممممممممممممم مممممممممممممممممم

متهيألي كل اللي نازل شتوي

بس انا مش فاضيه

مش مش فاضية اشتري هدوم لا

انا مش فاضية البسهم واخرج

اهئ اهئ

**moudy88** · 11-09-2009 02:35 PM

المشاركة الأصلية كتبت بواسطة iceheartedgirl

ممممممممممممممممممممممممم مممممممممممممممممم

متهيألي كل اللي نازل شتوي

في الملابس الرجالي الصيفي لسه بينزل علشان احنا لسه في سبتمبر واعتقد ان الحريمي برده لسه بينزل صيفي

بس انا مش فاضيه

مش مش فاضية اشتري هدوم لا

انا مش فاضية البسهم واخرج

اهئ اهئ

ومين بيخرج في العيد ..الواحد هيجيب علشان الكليه واول يوم العيد مع العائله بس

**eng.octooo** · 11-09-2009 03:13 PM

انا نزلت سيتى ستارز امبارح كنت باشوف الاسعار علشان احدد ميزانيتى وانزل بعد كام يوم والاسعار كالتالى
تى شرتات اديداس اوريجينال كانت الاسعار بتبداء من 200 :600 بعد التخفيضات
بس شكلهم جامد جداا
والكوتشيات فى اديداس كان الاسعار من 800:430 وكانوا جامدين
والبنطلونات لسة ماقررتش منين والجواكت فية محل فى سيتى ستارز اسمة all 4 men عندة جواكت جلد راقية جدا وشييك وكانت اسعارهم من 400:850 بس برضة جامدين
وربنا يسهل