الموضوع: أرجوكم محتاج مساعده

السلام عليكم
أنا محتار جدا بين عربيتين الأولى سكودا مينى فابيا 1400 والتانيه داياهاتسو سيريون 1300 فولأوبشن أوتوماتك
من حيث الشكل الأتنين بالنسبه ليا واحد السعر برضه تقريبا واحد لكن اللى محيرنى
1-سكودا 1400 سى سى وسمعت أنها 12 صمام (عيب بالنسبه ليا )السريون 1300 سى سى 16 صمام(ميزه)
2-سكودا لغاية دلوقتى قلقان جدا من أسعار قطع الغيار السيريون قطع غيارها متوفره بأسعار معقوله جدا بالنسبه لليبانى
3-سكودا منيوال (ميزه) السريون (مضطر لو هاجيبها أجيبها أوتوماتك عشان ال absوabd )عيب خصوصا فى حكاية السحب والتجاوب
4- أنا بعشق العربيات الأوروبى بحس فيها ذوق ومهما قدمت طول ما أنت محافظ عليها بتحس أن جمالها بيزيد أما العربيات الأسيويه بكل أنواعها بحس أنها بتاعت سنتين وأرمى مهما كانت ممتازه
خصوصا أنى محتاج عربيه تعيش معايا سنين تكون أمكانات وأعتماديه وشكل وفوق ده كله أمان طبعا وصاج نضيف وده بلاقيه قوى فى الأوروبى أكتر من اليابانى (طبعا مع أستهلاك بنزين قليل) والأتنين تقريبا واحد
5- توكيل الأسكودا مش مطمنله السيريون عبد اللطيف جميل (أسم من ماس)
أرجو النصيحه والمساعده لأن الخلاصه
مش قادر أجيب الأسكودا بسبب (أسعار قطع الغيار مع وض فى الأعتبار تكاليف التصليح والسمكره فى حالة الحوادث لاقدر الله ويسلم - التوكيل مدى قوته -خدمة ما بعد البيع -ال12 صمام )
مش قادر أختار السيريون (أوتوماتك - مش قابلها من حيث الشكل من جوه)
لكن الحيره تروح أول ما اطمن على اللى قالقنى من ناحية الأسكودا لأنى ميال ليها بصراحه كونها أوروبى (تشيكى ألمانى ده فى حد ذاته كفايه) عمر طويييييييييييييييل
لكن لو الشكوك دى أكيده السيريون وأمرى اللى الله
ورجاء أخير حد يفيدنى فى موضوع العزم أيهما أكبر من غير مصطلحات ميكانيكيه يعنى بسطولى الأمور وكمان فى أسعار قطع غيار الفابيا
ساعدووووووووووووووووووووو ونى

شكرا على عدم الأهتمام لمساعدتى